Habakuk 2:5 - EBƆRƐ BE KAWƆL

⁵ Kedamaya bre bee fule esa nna. Kejimuniwuraana bee wu bumo be amu nna ga, bumo alɛ maa wushi kikɛ. B du fanɛ luwu nɛ k maa mɔ a moɛ nna. Amoso b baŋ kɔ m pɔɔ efuli ko so n sɔ kumo, b naa yɔ kenyɔsopo so nna.

Habakuk 2:5 ပူးပေါင်းရင်းမြစ်များ

2 Bewura 14:10

Amaziya fee wu fo kumu naniere nna, ŋkpal fo ka pɔɔ Edɔmebi so so, ama mee kaŋɛ fo nna fanɛ fo shir a wɔ laŋ to. Sa maŋ kil asheŋ nɛ a beeŋ mur fo kuwurji nɛ fo basa.”

Nshɛ 138:6

Fo, Enyɛnpe Ebɔrɛ na wɔ esoso ga, ama kumubarasewuraana be asheŋ tir fo; kamoowuwuraana malɛ maaŋ tiŋ ŋ ŋana fo so.

Aŋasa 20:1

Nsa bee ta esa nna a ki elushapo, a shin nɛ e bee nite a puchi. Esa kama nɛ nsa wɔ mo la ewulpo nna.

Aŋasa 21:24

Esa kama nɛ kamoowu nɛ ŋkpensheŋ bɔlɔ mo to, bee wora basa eyur to nna.

Aŋasa 27:20

Kananɛ luwu nɛ nchaŋ maa moɛ na, aloŋ nɛ dimɛdi maa nya asɔ a moɛ.

Kaŋinichiŋgeliŋ 5:10

Esa kama nɛ e bee sha amansherbi nɛ kedamaya ga, maa nya amansherbi a moɛ kikɛ. Asheŋ fuloŋ e la amo kikɛ.

Aizaaya 16:6

Ndoŋ nna nɛ Juda be basa na kaŋɛ: “An nu fanɛ Mowab be basa bee wu bumo be amu nna. An nyi fanɛ b la basa nɛ b kpeŋ nsaa keni basa jiga nna, ama mpuchi fuloŋ nɛ b kɔ.”

Aizaaya 2:17

Kachɛ na kaŋ fo, baaŋ bar esa kama nɛ e bee maŋ mbe kumu so nɛ ekama nɛ e bee fɛ fanɛ e shi ga kaseto. Enyɛnpe Ebɔrɛ na nawule e naaŋ nya kemaŋkura.

Aizaaya 21:5

N daŋ wu bɔrɛdare na to nna fanɛ benapo be benimuana na ka wora kejigboŋ a ji ashi Babilɔn be kadegboŋ na to. Jemanɛ nɛ baa ji nsaa nu na, nɛ esa ko ponte epul to ŋ kaŋɛ le: “Benimu, men koso! Ekama e ta mbe kebɛlso be kusɔ kuŋkumuso.”

Aizaaya 5:14

Bubuni wora shiriya nna m bela ase a jo Jerusalɛm to be bejuŋkparpoana na nɛ jimaŋ damta nɛ baa cha awɔr na, fɔŋfɔŋ bumo nɛ baa puchi kadegboŋ na so na.

Aizaaya 5:8

Asheŋ maaŋ nyalɛ n sa menyi! Menyi bee tɔ nwu nɛ nsawule damta a ti amo nɛ men chɛr a kɔ so nna. K maaŋ chɛr nɛ kakpa maaŋ naa wɔtɔ nɛ esa kikɛ e naaŋ ba chena so. Menyi nawule e naaŋ ka kasawule na so.

Jɛremaya 25:9

meeŋ shuŋi n tre efuliana nɛ e wɔ kelargato be esoso be kaba so na be basa kikɛ nɛ ewura Nebukadneeza nɛ e la Babilɔn be efuli so be ewura nɛ ma kenya na, nɛ b ba kɔ Juda nɛ efuliana nɛ e kulti ndoŋ na kikɛ kena m mur. Ndoŋ beeŋ mur a dese loŋ mbaanaayɔ nɛ k chinchiŋ ekama nɛ e beeŋ wu amo, ama b kraa beeŋ baa wora menyi eyurto. Ma, Enyɛnpe Ebɔrɛ e kaŋɛ na.

Jɛremaya 50:29

“Kaŋɛ bedoŋ nɛ baa ta ata a kɔ kena na fanɛ b kɔ Babilɔn kena. B ba kulti Babilɔn be kadegboŋ na n wɔtɔ nsaa maŋ shin nɛ esa kikɛ e nya n shile kena na to. Men ka bumo kukɔ ŋkpal kusɔ nɛ b wora na so, nseŋ wora bumo kusɔ nɛ b ta n wora beko na. Ŋkpal manɛ so, kamoowuso nɛ b daŋ wora asheŋ ŋ gbiti ma, Israɛl be Ebɔrɛ cheembi na.

Jɛremaya 51:39

Akoŋ ka kɔ bumo ere bre, meeŋ wora kejigboŋ n sa bumo. Baaŋ ji bumo be amu nseŋ boo; kumo be kaman nɛ b dese n di, nsaa maaŋ naŋ koso kikɛ!

Habakuk 1:15

Babilɔnebi na bee pɛ edimɛdi nna fanɛ b ka ta edariwa ŋko ashewu m pɛ ekɔrɔtɔ n dii kedeŋi so nsaa cha awɔr kagbenefuliso na.

Habakuk 1:17

Ama b baa kraa mɔ basa fanɛ b ka bee to bumo ashewu na nsaa mur efuliana na a maa wu basa kuwɔr a?

Habakuk 2:4

Kubɔya na nde: ‘Bekama nɛ baa wora asheŋ lubi maaŋ ji efute, ama bekama nɛ bumo be kebaawɔtɔ niŋi na beeŋ baa wɔ ŋkpa to ŋkpal b ka bee ji kashenteŋ a sa Ebɔrɛ so.’ ”

1 Tɛsalɔnikaebi 4:11

Ekama e pere kenishi a fin kananɛ e beeŋ baa du boeŋ a maa luri basa be asheŋ to nsaa keni mbe kumu so fanɛ kananɛ an daŋ kaŋɛ menyi na.

Jeems 4:6

K kɔ kifi, ama Ebɔrɛ be kuwɔr e shi ga. Abɔrɛsibɛ na malɛ e naa kaŋɛ loŋ fanɛ: “Ebɔrɛ maa shuli a sa kamoowuwuraana, basa nɛ b maŋ kɔ kamoowu nɛ e bee wu kuwɔr.”