Habakuk 2:3 - EBƆRƐ BE KAWƆL

³ Ŋkpal manɛ so, kelaraŋŋini ere bee jo kumo be jemanɛ nna. Kusɔ nɛ k beeŋ wora lalaloge be nchɛ to na be asheŋ nɛ k bee ji. Kumo alɛ maaŋ baa la efɛsheŋ kikɛ. Kewora fanɛ k bee chɛr nna, ama baa kraa jo. Kanaŋ kama nɛ asheŋ du k beeŋ wora m bɔlɔ so.

Habakuk 2:3 ပူးပေါင်းရင်းမြစ်များ

2 Bewura 6:33

E kraa malga nna nɛ kabɔ na ba luri ŋ kaŋɛ le: “Enyɛnpe Ebɔrɛ na e bar le be kasogberge ere anyi so. Manɛ nna nɛ an naa jo mo fanɛ e wora kusɔ ko?”

Nshɛ 102:13

Fo e naaŋ shu Jerusalɛmebi so, ŋkpal manɛ so, jemanɛ fo nɛ feeŋ wu bumo kuwɔr.

Nshɛ 27:14

Yirda Enyɛnpe Ebɔrɛ na. Baa kɔ eleŋ nseŋ nya kagbene a keni mbe anishito.

Ɛksodɔs 12:41

Nfɛ alfa ana nɛ adesa na be kachɛ lalalogesopo gbagba nɛ Enyɛnpe Ebɔrɛ be basa kikɛ lar Ijipt be kasawule so.

Aizaaya 30:18

Ama amo nɛ amo kikɛ Enyɛnpe Ebɔrɛ na kraa jo nɛ e wu menyi kuwɔr nna. E wora shiriya nɛ e shu menyi so ŋkpal e kaa bee wora asheŋ nɛ a daga jemanɛ kikɛ na so. Kagbenefuli la bekama nɛ bumo be yirda wɔ Enyɛnpe Ebɔrɛ na to na peya nna.

Aizaaya 7:4

Men kaŋ wu mo nɛ fo kaŋɛ mo fanɛ e shin nɛ mbe kagbene e dese mo. E saa maa ŋana ewura Rezin nɛ ewura Pɛka. B nya agbo ga bre, ama bumo alɛ baa du fanɛ ndibi anyɔ ka kɔ edɛ nsaa dese a duŋ gbrɛgbrɛbi nna.

Aizaaya 8:17

Enyɛnpe Ebɔrɛ na ta mbe kumu nna ŋ ŋana mbe basa so, ama amo nɛ amo kikɛ ma ere kraŋ yirda mo nseŋ ta ma tama n wɔtɔ mo to nna.

Jɛremaya 27:7

Efuliana na kikɛ be basa beeŋ shuŋ Ewura Nebukadneeza nɛ mbe mbia nɛ mo nanabiana fanɛ anya n ya fo fanɛ bedoŋ ka beeŋ ba mur mbe efuli na gba. Kumo be kaman nɛ efuliana nɛ e kɔ yuku ga nɛ bewurgboŋana e ba abar so m ba tintiŋ mbe efuli so be basa nɛ b shuŋ bumo fanɛ anya.

Ezikɛl 12:25

Ma, Enyɛnpe Ebɔrɛ na e naŋ malga n sa bumo nɛ kusɔ nɛ meeŋ kaŋɛ na a wora. Menyi basa nɛ men pal kaman n sa ma ere bre be jemanɛ to, meeŋ wora kusɔ kama nɛ ŋ kpele menyi kumo be kusoe fanɛ meeŋ wora na. Ma, Enyɛnpetale Ebɔrɛ e kaŋɛ na.”

Ezikɛl 30:9

Kachɛ nɛ Ijipt beeŋ mur na, meeŋ shuŋi mbɔ nɛ b ta nchu so be ekuloŋgboŋ m ba bɔ Itiopia be basa nɛ b maa fɛ shɛŋ be asheŋ na kubɔya a laŋɛ kemur nɛ k bee ba bumo alɛ gba so be kaplɛa so nɛ kufu e pɛ bumo. Loŋ be kachɛ na malɛ bee ba!”

Danɛl 10:14

M ba nna nɛ m ba bugi asheŋ to n sa fo nɛ fo pin kusɔ nɛ k beeŋ wora fo basa kachako so, ŋkpal manɛ so bɔrɛdare na bee ŋini kachako so be asheŋ nɛ a beeŋ wora nna.”

Danɛl 11:27

Bewura anyɔ na beeŋ baa bɔɔ enɔ a wɔtɔ kawie koŋwule to a ji, ama baaŋ baa kre abar nia lubi nna a fule abar. Bumo alɛ maaŋ nya kusɔ nɛ baa fin na, ŋkpal saŋɛ nɛ Ebɔrɛ yili kumo na ka maŋ naŋ fo so.

Danɛl 11:35

Ebɔrɛ beeŋ bɔla tɔrɔ nɛ benyiashempo juŋkparpoana na be beko beeŋ luri to na so n shin nɛ b fɔrso n nyalɛ so a jo lalaloge be saŋɛ nɛ k bee ba saŋɛ nɛ Ebɔrɛ yili na.

Danɛl 8:17

Geebriɛl ka ba yili kakpa nɛ n yil na, nɛ kufu pɛ ma alegaiso hale nɛ n tɔr kasawule. Nɛ e kaŋɛ ma le: “Dimɛdi e la fo ama k daga fo ka pin fanɛ bɔrɛdare ere bee ŋini durnya be lalaloge be asheŋ nna.”

Danɛl 8:19

nɛ e kaŋɛ le: “Kusɔ nɛ Ebɔrɛ be agbo beeŋ wora nɛ n lara ŋ ŋini fo na. Bɔrɛdare na bee ŋini durnya ere be lalaloge be asheŋ nna.

Danɛl 9:24

Nfɛ adushushunu be ntuŋ shunu e naŋ fo pɔɛŋ nɛ Ebɔrɛ e mɔlga fo basa nɛ kadegboŋ cheembi na ashi kulubi to. Baaŋ nya alubi be ketampaŋ nsaa ji asheŋ nɛ amo be ekpa so mbaanaayɔ; saŋɛ na so bɔrɛdare na nɛ kewuŋkaŋɛ na beeŋ bɔlɔ so kashenteŋto nɛ b naŋ laŋɛ n ta bɔrɛlambu cheembi na m bɔɔ Ebɔrɛ enɔ.

Maika 7:7

Ama ma ere bee keni Enyɛnpe Ebɔrɛ na be anishito nna nseŋ ta tama a jo mo nɛ e mɔlga ma. Ma Ebɔrɛ na malɛ beeŋ nu ma kekule.

Zefanaiya 3:8

Menyi ere e jo a keni kachɛ nɛ meeŋ wu efuliana na kulubi nseŋ ji amo demu na. N tiŋ n yili kumo fanɛ meeŋ gama efuliana na nɛ kuwurjiana kikɛ abar so nseŋ shin nɛ ma agbo nɛ k bee suse fanɛ edɛ na e ba bumo so. Meeŋ nya agbo ga m mur durnya ere kikɛ.

Nɔmbɛs 23:19

Ebɔrɛ maŋ la dimɛdi nna a ku efɛ ŋko nyiŋgbasa a chɛrga mbe nfɛra, kusɔ kama nɛ e nase kɔnɔ fanɛ e beeŋ wora, mo alɛ beeŋ wora kumo. E bee malga nna nɛ k bee wora.

Luuk 2:25

Kanyɛn ko malɛ daa wɔ Jerusalɛm nɛ baa tre mo Simiɔn. E daa la esa lela nna a bunyaŋ Ebɔrɛ nsaa jo jemanɛ nɛ Israɛlebi beeŋ nya kumɔlga. Kiyoyu Cheeŋ na daa wɔ mo to.

Ashuŋ Shunso 1:7

Nɛ Yesu kaŋɛ bumo: “N Tuto nawule be enɔ to nɛ kusɔ kama nɛ kumo be jemanɛ wɔ. Amo be asheŋ maŋ la asɔ nɛ a daga men ka pin.

Ashuŋ Shunso 17:26

Esa koŋwule nɛ e daŋ fara n to nseŋ bɔla mo to n to yiri kikɛ n shin nɛ b sɔ kasawule so kikɛ nyam a wɔtɔ na. Mo gbagba malɛ e daŋ yili saŋɛ nɛ kakpa nɛ baaŋ ba kaa wɔ pɔɛŋ nseŋ to bumo.

Galeeshaebi 4:2

E kraŋ baa la kebibi, basa e naa keni mo so nsaa wora mbe asheŋ loŋ nɛ kachɛ nɛ mo tuto yili na e ya fo.

2 Pita 2:3

Beŋinipoana ere beeŋ bɔla bumo be kajɛ so n ta bumo gbagba be ablɔmbi n ta menyi n nyalɛ. Bumo alɛ be kasogberge dese n chɛr a jo bumo nɛ bumo be esa nɛ e beeŋ mur bumo na maa di.

2 Pita 3:9

Amoso, Enyɛnpe na maŋ wushi ashi mbe kɔnɔ nɛ e nase fanɛ e beeŋ wora na to nna fanɛ kananɛ basa ko bee fɛ esa be kewushi na nna. Kanyiti nɛ e bee ji menyi a maa sha fanɛ esa kikɛ e mur, ama e bee sha fanɛ ekama e lar mbe alubi to nna.