Habakuk 2:18 - EBƆRƐ BE KAWƆL

¹⁸ Kegbir maŋ kɔ tɔnɔ kikɛ. Dimɛdi e pɔr ŋko n shɛl kumo. Efɛsheŋ nawule nɛ k bee ŋini. Nɛ manɛ so nɛ menyee yirda kusɔ nɛ b ta kebɛlso ŋko kedibi n lɔŋɛ nɛ k maa malga?

Habakuk 2:18 ပူးပေါင်းရင်းမြစ်များ

Nshɛ 97:7

Bekama nɛ baa shuŋ agbirana ŋko a puchi amo so na bee ŋaba nna; ŋkpal manɛ so, agbirana kikɛ maŋ la shɛŋ Ebɔrɛ be anishito.

Aizaaya 1:31

Kananɛ edɛbi beeŋ tiŋ n shin nɛ afitiri wɔlso e chɔɔ m mur na nɛ menyi to be bejuŋkparpo lempoana gbagba be asheŋ lubi beeŋ mur bumo nɛ esa kikɛ maaŋ tiŋ n chɛ bumo to.

Aizaaya 37:38

Kachako e ka yɔ mbe kegbir be lambu to n ya kaa shuŋ mbe kegbir nɛ baa tre Nishrɔk na, nɛ mbe mbinyɛnsobi anyɔ nɛ baa tre bumo Adremalɛk nɛ Shareza na ta bumo be etokobi m mɔ mo ndoŋ. Kumo be kaman nɛ b shile n yɔ Ararat be kasawule so nɛ mo pibinyɛn nɛ baa tre Essahaddɔn na sɔ mo so ŋ ki ewura.

Aizaaya 40:19

E maŋ du fanɛ kegbir nɛ dimɛdi lɔŋɛ na nna, ŋko kegbir nɛ bɔyɛpo ŋalga shuwa ŋ gbiti nseŋ ta gbiti be kubɔtoshembi n ji kumo kebita na nna.

Aizaaya 41:26

Menyi, agbirana to be emo e daŋ wu kusɔ nɛ k beeŋ wora echefoso ŋ kaŋɛ? Saŋɛ na so, anyeeŋ tiŋ n wu k kaa wora m bɔlɔ so nseŋ kaŋɛ fanɛ k la kashenteŋ? Men to be ekama maŋ naŋ kaŋɛ shɛŋ a laŋɛ echefoso be kaplɛa so. Esa kikɛ malɛ maŋ naŋ nu men ka kaŋɛ kusɔ ko!

Aizaaya 42:17

Bekama nɛ b yirda agbirana, nɛ bumo nɛ baa ta apɔrso fanɛ bumo be ebɔrɛana na, beeŋ ji anishinyɔr nseŋ ŋaba.”

Aizaaya 44:12

Bɔyɛpo e naa ta kebɛlso a wɔtɔ edɛ to nsaa bɛa kumo a lɔŋɛ asɔ. Enɔ to nɛ e bee keta hama na a bɛa kebɛlso a lɔŋɛ kapɔrduli nɛ e bee sha na. Jemanɛ nɛ e bee shuŋ na, akoŋ nɛ achukoŋ kikɛ bee pɛ mo nna nɛ mo alɛ naa gben a ti so, a ŋini fanɛ dimɛdi e la mo.

Aizaaya 45:16

Bekama nɛ baa lɔŋɛ agbirana beeŋ ji anishinyɔr nseŋ ŋaba.

Aizaaya 45:20

Ade be kaman nɛ Enyɛnpe Ebɔrɛ na naŋ kaŋɛ le: “Menyi kama nɛ men ji efute ashi efuli pɔtɛana so, e gama abar so m ba ma anishi to nɛ n ji menyi demu! Men koya m pin fanɛ keshuŋ agbir nɛ b ta ndibi n lɔŋɛ maŋ kɔ tɔnɔ, nɛ kebaato nchu agbir ase maŋ kɔ kechɛto kikɛ kuraa.

Jɛremaya 10:8

Agbirana maŋ kɔ tɔnɔ nɛ kechɛto kikɛ n sa basa. Esa kama nɛ e bee shuŋ amo la ewulpo nna.

Jɛremaya 16:19

Enyɛnpe Ebɔrɛ, kewora fanɛ fo ka ta ma nna n wɔtɔ kakpa lempo a kuŋ ma nsaa sa ma eleŋ, a chɛ ma to ashi tɔrɔ be jemanɛ. Efuli pɔtɛana be basa beeŋ shi durnya to be mboŋ wɔfɔ m ba fo kutɔ m ba kaŋɛ le: “An nananyɛnana daŋ lɔŋɛ agbirana nɛ e maa ji kashenteŋ nsaa maa kɔ tɔnɔ kikɛ n sa bumo na nna.”

Jɛremaya 2:8

Bɔrɛmatapoana na malɛ maŋ tiŋ m bishi: ‘Nnɛ nɛ Enyɛnpe Ebɔrɛ na wɔ?’ Ŋ gbagba be bɔrɛmatapoana nɛ baa ŋini ma mbraana maŋ nyi ma. Bejuŋkparpoana na kini ma nseŋ lar ma kaman; nɛ anebiana na malɛ bɔla Baal be kegbir be ketre so m malga nseŋ shuŋ agbirana nɛ e maŋ kɔ tɔnɔ n sa bumo.

Jɛremaya 50:2

“Bɔ baru na nseŋ ber kumo be kubomboŋ n sa efuliana na! M maŋ tuta na so nseŋ ber baru na be kubomboŋ! Sa maŋ ta kumo fanɛ ashiri be kesheŋ! Babilɔn be efuli na beeŋ kɔ n tɔr! Bumo be kegbir nɛ baa tre Maaduk na e bure to; nɛ anishinyɔr a ji bumo be agbirana kikɛ.

Jɛremaya 51:17

Basa nɛ baa lɔŋɛ agbir maŋ kɔ nfɛra pasaa! Ebɔyɛpo nɛ baa ta shuwa ŋko gbiti a lɔŋɛ agbirana na bee ji anishinyɔr nna ŋkpal bumo be agbirana fɛpo na ka maŋ kɔ ŋkpa so.

Danɛl 5:23

Fo wora n da Enyɛnpe Ebɔrɛ nɛ e wɔ ebɔrɛso na so nna, ŋkpal fo ka ta shuwa be asɔnuunchu nɛ ntishaŋ nɛ fo tuto ta ashi Ebɔrɛ be bɔrɛlambu nɛ k wɔ Jerusalɛm na to nɛ fo nɛ bewurbiana nɛ fo beche, nɛ fo jipoana kikɛ ta amo a nuu nsa nsaa di agbirana nɛ b ta shuwa nɛ gbiti nɛ danyaŋ nɛ abɛlso, nɛ ndibi nɛ ajembu n lɔŋɛ na epaŋ so. Le be agbir ere maa wu ŋko a nu, amo alɛ maŋ nyi shɛŋ. Ama fo kini kebunyaŋ Ebɔrɛ nɛ kusɔ kama bɔɔ mo enɔ nɛ e kɔ eleŋ nɛ e tiŋ n shin nɛ fo ji efute ŋko n wu na bre.

Eemɔs 2:4

Enyɛnpe Ebɔrɛ yɛ: “Juda be basa wora alubi n ya baŋ so, amoso abaanaaworashɛŋ meeŋ gberge bumo kusoe. B kplaŋ ma keŋini so nseŋ kini kebɛ ma mbra malɛ so. Agbir koŋwule nɛ bumo nananyɛnana daa shuŋ na e fule bumo nɛ b foe ekpa.

Jona 2:8

Basa nɛ baa shuŋ agbir paŋ Ebɔrɛ be kuwɔrwu.

Zakareya 10:2

Basa bee yɔ agbir to nɛ bekpalpo kutɔ nna, ama asheŋ fuloŋ nɛ efɛsheŋ nɛ baa nya ashi bumo kutɔ. Beko bee kute edare be afito, ama bumo alɛ bee fule basa nna a sa bumo kagbenewushi fuloŋ. Ŋkpal loŋ so basa bee nite a kulti fanɛ mbolpɔ foeso nna. Asheŋ maa nyalɛ a sa bumo ŋkpal b ka maŋ kɔ esa nɛ e bee keni bumo so so.

Romebi 6:21

Men ka daa wora asheŋ nɛ amo be asheŋ bee pɛ menyi anishinyɔr ere, manɛ be tɔnɔ nɛ men daŋ nya amo to? Loŋ be asheŋ na be tɔnɔ e la luwu.

1 Kɔrintebi 12:2

Men nyi fanɛ saŋɛ nɛ men daa maŋ nyi Ebɔrɛ na, Setani e daŋ fuli menyi ekpa kama nɛ men daŋ bɔla so nɛ men bɛ agbir nɛ a la asɔ wuso na so.

Kelaraŋŋini 19:20

Nɛ b pɛ kusɔbɔya na n ta anebi fɛpo mo nɛ e daŋ wora emamachisheŋ damta kusɔbɔya na be anishito na n ti so. Emamachisheŋ na nɛ e daŋ ta n fule bumo nɛ b daŋ nya kusɔbɔya na be ndulgi na nseŋ maŋ mbe kaduli so na. B daŋ ta kusɔbɔya na nɛ anebi fɛpo na nna ŋ kpa n wɔtɔ edɛ mo nɛ jɛrbi wɔ amo to a chɔɔ na to nna nɛ b kraa keni.

Demujipoana 17:4

Ndoŋ nna nɛ Maika bɛta gbiti be ndarbi na n sa mo nio nɛ mo nio lara amo to be alfa anyɔ n sa gbiti be bɔyɛpo. Nɛ bɔyɛpo na malɛ ta amo n lɔŋɛ kegbir n sa Maika nɛ e ta n yɔ epe.

1 Samuɛl 12:21

Men sa maa shuŋ agbir, ŋkpal manɛ so, a maaŋ tiŋ n chɛ menyi to ŋko m mɔlga menyi. Agbir la asɔ fuloŋ nna.