Habakuk 2:12 - EBƆRƐ BE KAWƆL

¹² Asheŋ maaŋ nyalɛ n sa menyi, ŋkpal men ka ta kulubi n tɔl menyi be kadegboŋ nseŋ ta basa be kamɔ m pɔr kumo n ya loge so.

Habakuk 2:12 ပူးပေါင်းရင်းမြစ်များ

1 Bewura 16:34

Jemanɛ nɛ Ahab daa ji kuwura na, nɛ Heil nɛ e shi Bɛtɛl na lɔŋɛ m pɔr Jɛriko be kade na. Saŋɛ so nɛ Heil daa pɔr kade na be egbal na be gbaltɔlase, nɛ mbe wurkoŋnyɛn Abiram wu. E ka pɔr kumo be mbunagboŋ a loge na malɛ nɛ mbe kowurnyɛn Segɔb malɛ wu. Le be kesheŋ ere daŋ wora nna nɛ kusɔ nɛ Enyɛnpe Ebɔrɛ daŋ bɔla Nun pibi Joshuwa so ŋ kaŋɛ dra dra na e bɔlɔ so.

Ezikɛl 24:9

Ade be kaman kusɔ nɛ Enyɛnpetale Ebɔrɛ na bee kaŋɛ e la fanɛ; “Asheŋ maaŋ nyalɛ n sa kadegboŋ nɛ baa mɔ basa kumo to na. Ŋ gbagba e naŋ ber ndibi damta n wɔtɔ edɛ na to.

Maika 3:10

Kumukpakpaso nɛ kamɔ nɛ men ta ŋ ki menyi be karechɛ kikɛ be kebaawɔtɔ ashi Ebɔrɛ be kadegboŋ nɛ baa tre Jerusalɛm na to.

Nahum 3:1

Asheŋ maaŋ nyalɛ n sa kadegboŋ nɛ bemɔpo nɛ befɛpo nɛ kapuni bɔlɔ kumo to na.

Habakuk 2:6

Basa nɛ b kɔ n tɔr na bee melgi belempo nɛ b pɔɔ bumo so na nna a kaŋɛ le: “Asɔ nɛ e maŋ la menyi peya nɛ menyee suge. Asheŋ maaŋ nyalɛ n sa menyi kikɛ! Menyi maaŋ tiŋ n tintiŋ menyi be akɔjipoana n sɔ akɔ nɛ b ji menyi n dii kedama!”

2 Kɔrintebi 1:21

Ebɔrɛ koŋwule na malɛ e naa shin nɛ anyi nɛ menyi kikɛ bee yili kpakpa ashi Kristo to. Mo e nɛfa anyi n yili

Joshuwa 6:26

Loŋ be jemanɛ na nɛ Joshuwa daŋ fiɛ basa na so ŋ kaŋɛ le: “Enyɛnpe Ebɔrɛ e sho ekama nɛ e beeŋ naŋ laŋɛ n ya pɔr Jɛriko be kade ere kɔnɔ. Ekama malɛ nɛ e beeŋ naŋ ya fara a pɔr kumo be gbaltɔlase beeŋ paŋ mbe wurkoŋnyɛn. Ekama malɛ nɛ e beeŋ lɔŋɛ kumo be mbunagboŋana na m pɔr beeŋ paŋ mbe kaluge.”

Kelaraŋŋini 17:6

N daŋ wu fanɛ kache na daŋ nuu Ebɔrɛ be basa laraso be ŋklaŋ nɛ bumo nɛ b daŋ ji Yesu be shɛda na be ŋklaŋ nna m boo. Ŋ ka wu mo nɛ k wora ma kanaŋ ko ga.