Habakuk 2:10 - EBƆRƐ BE KAWƆL

¹⁰ Ama ŋkpal kusɔ nɛ men wora beko na so, menyeeŋ bar ŋaba menyi be nnaŋ to ebi so nseŋ shin nɛ kemur e ba menyi gbagba so.

Habakuk 2:10 ပူးပေါင်းရင်းမြစ်များ

1 Bewura 2:23

Kede be kaman nɛ Sɔlɔmɔn nase kɔnɔ kpakpaso Enyɛnpe Ebɔrɛ na be anishito ŋ kaŋɛ le: “Nɛ m baa maŋ shin nɛ b mɔ Adonija, kumo ere Ebɔrɛ e gberge ma kusoe ga!

2 Bewura 10:7

B ka kraŋ ewura Jehu be kawɔl na nɛ Samɛria be bejuŋkparpoana na mɔ Ahab be kaman to ebi adushunu na nseŋ ku bumo be amu n wɔtɔ nlantaŋɛ to n ya sa Jehu ashi Jizreel.

2 Bewura 9:26

E yɛ: “N wu b ka mɔ Nabɔf be mbinyɛnsobi ndre. Ma alɛ beeŋ gberge fo kusoe kasawule nɛ b mɔ Nabɔf ere gbagba so.” Kumo be kaman nɛ Jehu kaŋɛ mbe kayɛrbi na fanɛ e ya ta Joram be kebuni n ya lɛ Nabɔf be kasawule na so saŋɛ na so Enyɛnpe Ebɔrɛ be kamalga na beeŋ bɔlɔ so.

Aŋasa 1:18

To, loŋ be basa lubi na bee sho bumo gbagba be amu ajigbelɛ nna. B yɛ basa nɛ baa pugi a jo, ama bumo gbagba be amu nɛ baa kilgi a mɔ.

Aŋasa 20:2

Ewura be kanya agbo du fanɛ buluŋ ka nya agbo nna. Keshin nɛ ewura e nya agbo du fanɛ kapotɔ nna.

Aŋasa 8:36

Bekama nɛ b maŋ nya ma bre bee tɔrɔ bumo be amu nna. Ekama nɛ e kishi ma bee sha luwu nna na.”

Aizaaya 33:11

Menyee kaa kre ŋkre fuloŋ nɛ kusɔ kama nɛ menyee wora bee to jiga. Ma kɔnɔ to be afu du fanɛ edɛ nɛ k beeŋ mur menyi nna.

Jɛremaya 22:30

“Kpra Ewura Jehowachin be mbia be atre ashi Juda be kuwurji be nwɔl to. E maŋ tiŋ n wora shɛŋ mbe kuwurji to, amoso mbe kebia kama maaŋ chena mo nananyɛn Deevid be kuwurputi so n ji kuwura ashi Juda be efuli so. Ma, Enyɛnpe Ebɔrɛ e malga na.”

Jɛremaya 26:19

Ndoŋ nna nɛ benimuana na kraŋ naŋ kaŋɛ ewura Hɛzekaya nɛ e shin nɛ Juda be basa na maŋ mɔ anebi Maika. Ama kusɔ Hɛzekaya daŋ wora e la fanɛ e daŋ maŋkura Enyɛnpe Ebɔrɛ na nna nseŋ kule mo fanɛ e wu mo kuwɔr. Kumo be kaman nɛ Enyɛnpe Ebɔrɛ na chɛrga mbe nfɛra a laŋɛ jɛrbi nɛ e daŋ kaŋɛ fanɛ e beeŋ shin nɛ b ji na be kaplɛa so. An peebi Juda be basa, nɛ an mɔ Jɛremaya, anyeeŋ ji jɛrbi lubi.”

Jɛremaya 36:31

Meeŋ gberge fo nɛ fo kaman to ebi nɛ benimuana na kusoe ŋkpal alubi nɛ men wora kikɛ so. Fo nɛ Juda nɛ Jerusalɛm be basa na be ekama maŋ wɔtɔ lakal kasokpele nɛ n sa menyi na to. Amoso asheŋ maaŋ nyalɛ n sa menyi kikɛ!”

Jɛremaya 44:7

To, ma, Enyɛnpetale, Israɛl be Ebɔrɛ na bee bishi nna fanɛ manɛ so nɛ menyee wora menyi gbagba be amu le be kulubi ere? Menyee sha fanɛ benyɛn nɛ beche nɛ mbia wurbi nɛ mbi popɔrbi kikɛ e mur nna nɛ menyi be esa kama maaŋ naŋ ka a wɔtɔ a?

Nahum 1:14

Ketande nɛ Enyɛnpe Ebɔrɛ na nase a laŋɛ Asiriyaebi be kaplɛa so nde. E yɛ: “B maaŋ nya kaman to ebi nɛ baaŋ sɔ bumo so n shin nɛ basa e baa nyiŋi bumo a ti bumo be atre. Meeŋ mur bumo be agbirana nɛ a wɔ bumo be agbirlambuana to na. Ma alɛ beeŋ kur Asiriyaebi be nchaŋana n nase, ŋkpal manɛ so, b maŋ walɛ kikɛ.”

Habakuk 2:16

Aloŋ nɛ menyi alɛ gba be kemaŋkura beeŋ ki ŋaba n sa menyi. Men gbagba beeŋ nuu nsa m boo m baŋ so a nite a jante. Enyɛnpe Ebɔrɛ na e naŋ shin nɛ men ki basa booso a delgeso a nite basa to nɛ menyi be bunyaŋ e ki anishinyɔr.

Nɔmbɛs 16:38

ŋkpal b ka ta amo m ba Enyɛnpe Ebɔrɛ na be bɔrɛsure na ase so. Ta basa nɛ edɛ chɔ m mɔ ŋkpal bumo be alubi so ere be edɛtɔl m bɛl ebuuso a buu bɔrɛsure na so nɛ kumo be loŋ e baa la kefiɛso n sa Israɛlebi.”

Matiu 27:25

Nɛ basa na kikɛ kaŋɛ: “Mm, mbe ŋklaŋ e baa wɔ anyi nɛ anyi be mbia so.”