Habakuk 2:1 - EBƆRƐ BE KAWƆL

¹ Meeŋ dii n yili egbal lempo jeŋgreŋ nɛ b pɔr ŋ kulti kadegboŋ na so a jo kusɔ nɛ Enyɛnpe Ebɔrɛ na beeŋ tuge pɔɛŋ nɛ m bugi to ŋ kaŋɛ kusɔ nɛ k ba nɛ mee fubel.

Habakuk 2:1 ပူးပေါင်းရင်းမြစ်များ

2 Samuɛl 18:24

Kade na be mbunagboŋ anyɔ nɛ kuko la kakpa nɛ baa bɔla a luri nɛ kakpa nɛ baa bɔla a lar na be kefɛato nɛ Deevid daa tase. Ndoŋ be ekenipo na ka dii kabunagboŋ na be egbal na be ketempreŋ jeŋgreŋ na, nɛ e wu kanyɛn ko nawule ka shil a ba.

2 Bewura 17:9

Ade kikɛ be buushi Israɛlebi na kraa wora asheŋ nɛ a maa par Ebɔrɛ nna. B daŋ pɔr agbir nna n yili Israɛl be ndewurbi nɛ ndegboŋ nɛ b pɔr egbal ŋ kulti amo na nɛ abee be esoso ashi kupuŋ to kikɛ.

2 Bewura 9:17

Ekumpo ko nɛ e yil egbal be kakpa jeŋgreŋ nɛ bekumpo bee keni so ashi Jizreel na ka wu Jehu nɛ mbe basa ka bee ba, nɛ e cha awɔr ŋ kaŋɛ ewura na le: “N wu basa ko ka bee ba.” Ndoŋ nna nɛ Joram kaŋɛ bumo le: “Men shuŋi esa ko nɛ e ta gbaŋɛ n ya bishi bumo fanɛ belɔpo e la bumo ŋko bedoŋ?”

Job be kawɔl 31:35

Esa ko maaŋ nu kusɔ nɛ mee kaŋɛ ere nseŋ ji n chɛ ma to a? Nɛ fanɛ Ebɔrɛ wu kusɔ ko ma so gba nna, e malga ŋko n sibɛ kumo n sa ma.

Job be kawɔl 31:37

Kumo be kaman, meeŋ kaŋɛ Ebɔrɛ kusɔ nɛ n wora kikɛ nseŋ nya kagbene n yili mbe anishito.

Nshɛ 5:3

Kachipurso kikɛ fee nu ma kekule nna. Mee ta ma asheŋ tirso nna a ba kaa nase fo anishito, nsaa jo fo atuwebi.

Nshɛ 85:8

Mee kaŋ kusoe a nu kusɔ nɛ Enyɛnpe Ebɔrɛ na bee kaŋɛ nna. E nase kayurwushi be kɔnɔ n sa anyi, mbe basa; nɛ anyi maŋ naŋ bɛta n yɔ anyi be kawulisheŋ to nna.

Nshɛ 85:9

Kashenteŋto e wora shiriya nɛ e mɔlga bekama nɛ baa ŋana mo na nna; saŋɛ na so mo gbagba be kemaŋkura beeŋ baa wɔ anyi be kasawule so.

Aizaaya 21:5

N daŋ wu bɔrɛdare na to nna fanɛ benapo be benimuana na ka wora kejigboŋ a ji ashi Babilɔn be kadegboŋ na to. Jemanɛ nɛ baa ji nsaa nu na, nɛ esa ko ponte epul to ŋ kaŋɛ le: “Benimu, men koso! Ekama e ta mbe kebɛlso be kusɔ kuŋkumuso.”

Aizaaya 21:6

Ndoŋ nna nɛ Enyɛnpe Ebɔrɛ na kaŋɛ ma le: “Shin nɛ esa ko e ya yili menyi be kadegboŋ na be egbal so a keni ekpa to nsaa kute kusɔ kama nɛ e wu k kaa bee ba.

Aizaaya 21:8

Ndoŋ nna nɛ esa nɛ e yil egbal na so a keni na kaŋɛ le: “Kapa nɛ kanyɛ kikɛ nɛ n yili nfe a dara a keni, ama m maŋ wu shɛŋ ka bee ba.”

Aizaaya 62:6

Jerusalɛm, n shin nɛ basa yil fo egbalana so e keni ekpa to. Kapa nɛ kanyɛ kikɛ, a maŋ daga b lo bumo be nnɔ kikɛ. A daga fanɛ b baa shin nɛ Enyɛnpe Ebɔrɛ e baa nyiŋi mbe nnɔ naseso na be asheŋ, nɛ e sa maŋ teŋ amo so kikɛ.

Jɛremaya 12:1

Enyɛnpe Ebɔrɛ, ma nɛ fo be demuji kikɛ to, fo e naa ji a bri ma. Ama ŋ kraa kɔ kusɔ ko nɛ m bishi a laŋɛ fo keji asheŋ nɛ amo be ekpa so be kaplɛa so. Manɛ nna nɛ kumu kpakpasowuraana bee dii dama, nɛ asheŋ bee nite nɛnɛ a sa basa nɛ baa puni beko?

Jɛremaya 6:17

Ndoŋ nna nɛ Enyɛnpe Ebɔrɛ na shuŋi anebiana fanɛ b ba kpele menyi kusoe a laŋɛ kenishipere nɛ k bee ba na be kaplɛa so, ama men kini kenu n sa kasokpele na.

Ezikɛl 3:17

“Dimɛdi pibi, n lara fo nna nɛ fo baa keni Israɛl be basa so. Amoso nu kamalga nɛ ŋ kɔ nɛ n sa bumo ere nseŋ fɛa bumo so.

Ezikɛl 33:7

Dimɛdi pibi, naniere mee lara fo nna nɛ fo baa la esa nɛ e beeŋ baa wu asheŋ nsaa kaŋɛ Israɛl be basa. A daga fanɛ fo shin nɛ b nu kefiɛso be kubɔya kama nɛ meeŋ sa fo fanɛ fo ta n sa bumo na.

Maika 7:7

Ama ma ere bee keni Enyɛnpe Ebɔrɛ na be anishito nna nseŋ ta tama a jo mo nɛ e mɔlga ma. Ma Ebɔrɛ na malɛ beeŋ nu ma kekule.

2 Kɔrintebi 13:3

Ŋkpal manɛ so, men yɛ menyee sha kepin fanɛ Kristo e naa malga ma to. E maŋ la epɔsopo a shuŋ menyi to, e la elempo nna.

Galeeshaebi 1:16

Mo alɛ ka naŋ yili kumo mbe kagbene to n lara mo Pibinyɛn ŋ ŋini ma nɛ n tiŋ m bɔ baru lela n sa nnyamase, m maŋ yɔ esa kama kutɔ epul na to n ya bishi asheŋ to m pin.