Habakuk 1:7 - EBƆRƐ BE KAWƆL

⁷ Bekama bee ŋana bumo nna nɛ bumo be asheŋ malɛ bee keta kufu ga. Bumo gbagba be mbraana nɛ atande nɛ baa bɛ so.

Habakuk 1:7 ပူးပေါင်းရင်းမြစ်များ

Aizaaya 14:17

Kanyɛn nɛ e mur ndegboŋ nseŋ shin nɛ durnya ki fanɛ kiyitokpaŋ na nde a? Mo e daŋ kini keshin nɛ basa nɛ b pɛ kena to na e nya ekpa n yɔ bumo peana na a?”

Aizaaya 18:2

Ijipt bee shuŋi mbɔ nna nɛ baa ta nchu so be ekuloŋ nɛ b ta agasa n lɔŋɛ a nite lɔrgboŋ nɛ baa tre Nail na so, fanɛ b nya manaŋ n yɔ Itiopia nɛ kumo be basa wɔ nteŋ nɛ bumo be kayurwule du mɔlmɔlbi na. Elɔr shibi nna ashi Itiopia ebi ere be kasawule so nɛ b kɔ eleŋ nseŋ lubi ga nɛ ekama bee ŋana bumo ashi durnya kikɛ to.

Aizaaya 18:7

Itiopia be basa ere la basa tenteŋ nɛ bumo be kayurwule du mɔlmɔlbi nna. Ekama bee ŋana bumo durnya ere to nna, ŋkpal b ka kɔ eleŋ ga nseŋ lubi so. Ama loŋ be jemanɛ kaŋ fo, baaŋ shi bumo be kasawule nɛ elɔr shibi kumo so na so n ta esarga m ba sa Enyɛnpetale Ebɔrɛ nɛ baa shuŋ mo ashi Zayɔn be kebee so na.

Aizaaya 47:8

Menyi alɛ daa naa fɛ fanɛ men shi ga nna a kɔ eleŋgboŋ fanɛ Ebɔrɛ, a wɔtɔ a ji menyi be amu jemanɛ kikɛ, a fɛ fanɛ esa kikɛ maŋ naa du fanɛ menyi. Menyi alɛ daa naa fɛ nna fanɛ menyi maaŋ tiŋ ŋ ki fanɛ ekulpoche ŋko esa nɛ e paŋ mbe mbia.

Danɛl 2:31

Yiramu, kusɔ nɛ fo daŋ wu k ka yil fo anishito na e la kapɔrduli gboŋgboŋi ko, nɛ k fulto nsaa nyɛkpɛ nɛ kumo be kekeni gba kɔ kufu.

Zefanaiya 2:15

Kusɔ nɛ k beeŋ wora kadegboŋ nɛ baa ji njɔŋ kumo to nsaa puchi kumo be eleŋ so, a fɛ fanɛ shɛŋ shɛŋ maaŋ tiŋ n wora kumo na nna na. Kumo be basa bee fɛ nna fanɛ kadegboŋ kikɛ maŋ naŋ fo kumo so ashi durnya ere to. K beeŋ ki kade bureso, kakpa nɛ kupuŋ to be asɔbɔya kikɛ beeŋ baa dese nɛ ekama e baa choŋ a wu kumo nsaa pɛ kɔnɔ a kooba.

Ditɛronɔmi 5:19

Men sa maŋ kaŋ yuri.

Ditɛronɔmi 5:27

Amoso, Mosis, bɛta n yɔ n ya nu kusɔ kama nɛ Enyɛnpe, anyi be Ebɔrɛ na kaŋɛ nseŋ ba kaŋɛ anyi. Anyeeŋ nu nseŋ wora kusɔ kama nɛ e kaŋɛ.”