Habakuk 1:6 - EBƆRƐ BE KAWƆL

⁶ Meeŋ shin nɛ Babilɔnebi nɛ b la ŋgbene kpakpasowuraana a maa ŋana shɛŋ nsaa maŋ kɔ kechena n wushi kikɛ na e ji eleŋ. Baa lar nna a ba nɛ b ba kɔ durnya be kasawule kama so be basa kena.

Habakuk 1:6 ပူးပေါင်းရင်းမြစ်များ

2 Bewura 24:1

Jemanɛ nɛ Jehowakim bee ji Juda be kuwura na nɛ Babilɔn be ewura Nebukadneeza ba kɔ n sɔ Juda nseŋ tintiŋ Jehowakim nɛ e shuŋ mo nfɛ asa. Kumo be kaman nɛ Jehowakim kini fanɛ e maaŋ naŋ nu n sa Nebukadneeza.

2 Bewura 24:2

Ndoŋ nna nɛ Enyɛnpe Ebɔrɛ shin nɛ Babilɔn nɛ Siriya nɛ Mowab nɛ Ammɔn be benapo be ntuŋ nɛ baa ta kena a purgi na ya kɔ Jehowakim kena nseŋ jija Juda be efuli kikɛ fanɛ kananɛ e daŋ bɔla mbe nyɛrbi anebiana so ŋ kaŋɛ fanɛ e beeŋ mur Juda na.

2 Kronikɛls 36:17

Ŋkpal loŋ so Enyɛnpe Ebɔrɛ daŋ shin nna nɛ Babilɔn be ewura nɛ mbe benapo ba kɔ bumo kena, nseŋ mɔ Juda be mbrantiɛbia nɛ b wɔ bɔrɛlambu na to na. E daa maŋ wu esa kikɛ kuwɔr, nseŋ mɔ mbifɔlbi nɛ benimu nɛ benyɛn nɛ beche nɛ belɔpo nɛ alenfiawuraana kikɛ. Ebɔrɛ daŋ shin nna nɛ e mɔ basa kikɛ kade na to.

2 Kronikɛls 36:6

Jemanɛ nɛ Jehowakim bee ji kuwura na nɛ Babilɔn be ewura Nebukadneeza kɔ n sɔ Juda nseŋ pɛ Jehowakim n ta danyaŋ be ŋgbɛlɛbi ŋ kre mo n yɔ Babilɔn.

Aizaaya 23:13

Keni kusɔ nɛ Asiriyaebi wora Babilɔn be efuli so be basa! B kre kena m ba gbare shishɛr n deŋi abar so nseŋ dii amo so n luri kadegboŋ na to ŋ kɔ kumo nseŋ mur kasawule na so be ewurkpa kikɛ. Naniere kupuŋ to be asɔbɔya lubi e wɔ kumo be alambure na to.

Jɛremaya 13:20

Jerusalɛm, to kenishi ŋ keni, fo doŋana e shi kelargato be esoso be kaba so a ba na! Nnɛ nɛ basa nɛ fee keni so nsaa kpal bumo so a wu fo kumu na naa wɔ?

Jɛremaya 21:4

b ya kaŋɛ mo fanɛ kusɔ nɛ Enyɛnpe, Israɛl be Ebɔrɛ na kaŋɛ nde: “Zɛdikaya, meeŋ shin nɛ Babilɔn be ewura nɛ mbe benapo e kɔ m pɔɔ fo benapo so. Ma alɛ beeŋ naŋ gama fo benapo na be akɔsɔ n deŋi abar so ashi kadegboŋ na be nferinto.

Jɛremaya 21:7

Ama fo nɛ fo benimuana nɛ basa nɛ baaŋ ji efute ashi kena na nɛ akoŋ na nɛ alɔ lubi na to na bre, Babilɔn be ewura Nebukadneeza nɛ men doŋana nɛ baa sha kemɔ menyi na beeŋ pɛ menyi fanɛ anya nɛ ewura Nebukadneeza e ya mɔ menyi. E maaŋ yige menyi be ekoŋwule gba ŋko n wu menyi kuwɔr ŋko n shu menyi so. Ma, Enyɛnpe Ebɔrɛ na e kaŋɛ na.”

Jɛremaya 25:9

meeŋ shuŋi n tre efuliana nɛ e wɔ kelargato be esoso be kaba so na be basa kikɛ nɛ ewura Nebukadneeza nɛ e la Babilɔn be efuli so be ewura nɛ ma kenya na, nɛ b ba kɔ Juda nɛ efuliana nɛ e kulti ndoŋ na kikɛ kena m mur. Ndoŋ beeŋ mur a dese loŋ mbaanaayɔ nɛ k chinchiŋ ekama nɛ e beeŋ wu amo, ama b kraa beeŋ baa wora menyi eyurto. Ma, Enyɛnpe Ebɔrɛ e kaŋɛ na.

Jɛremaya 30:5

“N nu basa ka bee boŋ to a shu kufugboŋ so, mannɛ kayurwushi be kushu e daa la.

Jɛremaya 4:11

Jemanɛ ko bee ba nɛ Jerusalɛm to be basa e nu fanɛ afu tushiso ko bee shi keshishɛrsawule so a ber a ba bumo so. K maaŋ baa la afu nɛ k bee chela a ber amimi a lɛ na nna.

Jɛremaya 4:6

B ŋini ekpa nɛ k bee yɔ Jerusalɛm be kadegboŋ na to a yɔ! Men shile m mɔlga menyi be amu nsaa maŋ wora epel! Ŋkpal manɛ so, Enyɛnpe Ebɔrɛ na beeŋ shin nɛ kemur cheche gboŋgboŋi e shi kelargato be esoso m ba.

Jɛremaya 4:8

Amoso men ta nli be asɔbuuso m buu nsaa shu a boŋ to, ŋkpal manɛ so, Enyɛnpe Ebɔrɛ na be kanya agbogboŋ maaŋ wushi Juda be efuli so be basa so.

Jɛremaya 5:15

Israɛl be basa, Enyɛnpe Ebɔrɛ na beeŋ shin nɛ efuli ko so be basa e shi kufɔ kufɔ m ba kɔ menyi kena. B la basa lempo nɛ b wɔtɔ dra dra kikɛ nna nɛ menyi alɛ maŋ nyi ŋgbar nɛ baa gbar.

Jɛremaya 8:10

Ŋkpal loŋ so meeŋ ta bumo be adɔsawule n sa basa pɔtɛ nɛ bumo be beche n sa benyɛn pɔtɛ. Menyi to be betirpo nɛ damawuraana kikɛ bee bɔla kapuni be ekpa so nna a fin amansherbi. Anebiana nɛ bɔrɛmatapoana gba bee puni basa nna.

Ezikɛl 16:40

“Bumo alɛ beeŋ naŋ we n wɔtɔ jimaŋ nɛ b kpa fo ajembu m mɔ. Kumo be kaman nɛ b ta etokobi ŋ ŋele fo to fanɛ mblaŋkul nseŋ chɔɔ fo nwu.

Ezikɛl 21:31

Meeŋ shin nɛ ma agbo e ba menyi so fanɛ edɛ na n chɔɔ menyi. Meeŋ ta menyi m bɔɔ basa nyaŋnyaŋso enɔ, basa nɛ b nyi kamɔ to.

Ezikɛl 28:7

meeŋ shin nɛ bedoŋ nɛ b maŋ kɔ kushuso e ba kɔ fo. Baaŋ mur asɔ lela nɛ fo bɔla kanyiasheŋ nɛ kashennyi so n nya na kikɛ kuraa.

Ezikɛl 31:12

Befɔ nɛ b maa wu kuwɔr beeŋ ku kumo nseŋ yige kumo n nase kakpa nɛ k beeŋ tɔr na. Kumo gbagba nɛ kumo be ayabi beeŋ tɔr kebee kama nɛ ketaŋɛ kama nɛ a wɔ efuli na so so. Saŋɛ na so efuliana nɛ a daa chena kumo be kiyoyul to na beeŋ yɔ mboŋ ko.

Jowɛl 2:3

Baaŋ jija kusɔ kama nyam fanɛ kananɛ edɛ bee ji asɔ na. Kasawule kama nɛ k wɔ bumo be anishito du fanɛ kudɔbi nɛ baa tre Iden na nna. Ama kumo nɛ k wɔ amo be kaman to bre du fanɛ keshishɛrsawule, nɛ shɛŋ maŋ wɔ kumo so na nna. Shɛŋ shɛŋ malɛ maaŋ tiŋ ŋ gelge bumo.