Habakuk 1:4 - EBƆRƐ BE KAWƆL

⁴ Mbra na maŋ kɔ eleŋ nɛ tɔnɔ kikɛ. Ekama malɛ maa ji asheŋ nɛ amo be ekpa so. Basa lubi e naa ji a bri basa niŋiso a shin nɛ kashenteŋji maŋ naa wɔtɔ.

Habakuk 1:4 ပူးပေါင်းရင်းမြစ်များ

1 Bewura 21:13

Ndoŋ nna nɛ befɛpo anyɔ ko lar n yili Nabɔf be anishito ŋ kaŋɛ fanɛ e sho Ebɔrɛ nɛ ewura na kɔnɔ. Ŋkpal loŋ so nɛ b gberge mo n lar kade na be ekarso n ya kpla mo ajembu m mɔ.

Job be kawɔl 21:7

Manɛ nna nɛ Ebɔrɛ bee sa basa lubi ekpa nɛ baa chena chɛr ga nɛ asheŋ bee nite nɛnɛ a sa bumo?

Nshɛ 11:3

manɛ nɛ basa lela beeŋ naŋ tiŋ n wora saŋɛ nɛ kusɔ kikɛ jija?

Nshɛ 119:126

O, Enyɛnpe Ebɔrɛ, jemanɛ fo nɛ fo wora kusɔ ko! Ŋkpal manɛ so, basa bee wora a da fo mbraana so nna.

Nshɛ 22:12

Bedoŋ damta e kulti ma n wɔtɔ fanɛ apuntona. B kɔ eleŋ nna nseŋ lubi fanɛ Bashan be efuli so be egbolu.

Nshɛ 22:16

Basa lubi be katuŋ kulti ma nna n wɔtɔ fanɛ njɔnɔ, a chɛ a far ma aya nɛ enɔana.

Nshɛ 59:2

Kuŋ ma ashi kumukpakpasowuraana nɛ baa fin ma nɛ b mɔ na kutɔ.

Nshɛ 59:4

M maŋ wora kulubi kikɛ, ama b wora shiriya nɛ b kɔ ma. Keni ma awurfoŋ nɛ mee ji ere so nseŋ wora kusɔ ko n chɛ ma to.

Nshɛ 94:3

O Enyɛnpe Ebɔrɛ, saŋɛ mo nɛ kumukpakpasowuraana be kagbenefuliso be kamooji ere beeŋ fo ekar?

Ɛksodɔs 23:2

Men sa maa bɛ jimaŋ so a wora alubi ŋko a ji efɛ be shɛda ashi demujikpa.

Ɛksodɔs 23:6

Men sa maa mɔn betirpo kashenteŋ ashi demujikpa ŋkpal b ka la betirpo so.

Aizaaya 5:20

Asheŋ maaŋ nyalɛ n sa menyi! Menyee ta kulubi nna a tre kelela nsaa ta kelela a tre kulubi. Menyee ta tentembiri nna a ki kefulto nsaa ta kefulto a ki tentembiri. Menyi alɛ naa ta kusɔ kekra nna a ki kusɔ belbelso, nsaa ta kusɔ belbelso a ki kusɔ kekra.

Aizaaya 59:12

An wora alubi damta ŋ gbiti fo, Enyɛnpe Ebɔrɛ na. Anyi be alubi bee ji a bri anyi nna, nɛ anyi alɛ nyi amo kikɛ nyam be asheŋ.

Jɛremaya 12:1

Enyɛnpe Ebɔrɛ, ma nɛ fo be demuji kikɛ to, fo e naa ji a bri ma. Ama ŋ kraa kɔ kusɔ ko nɛ m bishi a laŋɛ fo keji asheŋ nɛ amo be ekpa so be kaplɛa so. Manɛ nna nɛ kumu kpakpasowuraana bee dii dama, nɛ asheŋ bee nite nɛnɛ a sa basa nɛ baa puni beko?

Jɛremaya 12:6

Fo kurgepoana nɛ fo kanaŋ to be basa kikɛ debɔr fo. B tu basa nɛ baa tɔrɔ fo ga na nna a tɔrɔ fo. Nɛ baa malga nɛnɛ a laŋɛ fo kaplɛa so gba, sa maŋ kaŋ yirda bumo.”

Jɛremaya 26:8

Ŋ ka baŋ malga asɔ nɛ Enyɛnpe Ebɔrɛ na kaŋɛ ma kenishipereso fanɛ m malga na n loge, nɛ basa na ba kulti ma n wɔtɔ nseŋ pɛ ma to a ponte to a kaŋɛ le: “Fo daga luwu nna ŋkpal kusɔ nɛ fo kaŋɛ ere so!

Jɛremaya 8:7

Etɔkɔrkɔ nyi jemanɛ nɛ a daga e bɛta m ba nɛ elepɔ nɛ abɔrɛpɔpɔbi nɛ etitibi gba nyi jemanɛ ka chɛrga nɛ a daga e naŋ yɔ efuli pɔtɛ so. Ama menyi, nɛ men la ma basa na, maŋ nyi mbra nɛ ŋ kɔ a keni menyi so.

Ezikɛl 9:9

Nɛ Ebɔrɛ kaŋɛ ma le: “Israɛl nɛ Juda be basa be kulubi na shi m baŋ so. Basa be kemɔ e sɔ kasawule na kikɛ so nɛ ekishisheŋ malɛ sɔ Jerusalɛm be kade to kikɛ. Baa kaŋɛ nna fanɛ, ma, Enyɛnpe Ebɔrɛ na kplaŋ efuli na so nna; ma alɛ maa wu asheŋ nɛ baa wora na.

Hoziya 10:4

Bumo be mmalga kikɛ la mmalga fuloŋ nna nɛ bumo be nnɔ naseso kikɛ la efɛ. Kashenteŋji loge nɛ efɛ sɔ kakpa a salga to fanɛ afitiri nɛ a bee mɔ adɔjibi na.

Eemɔs 5:12

N nyi men be alubi damta nɛ menyee wora, nsaa nyi kananɛ menyee puni nsaa tɔrɔ basa lela. Menyee sɔ brɔbu nna nsaa ji betirpo durmu ashi demujikpa.

Eemɔs 5:7

Menyeeŋ mur cheche, ŋkpal manɛ so menyee kilgi kashenteŋ nna a buu nsaa wɔtɔ a puni basa!

Maak 7:9

Nɛ e naŋ kaŋɛ: “Men kini Ebɔrɛ be mbra ŋgbalanto nsaa bɛ menyi be edaŋkaresheŋ so.

Ashuŋ Shunso 7:52

Anebi mo nɛ men nanaana maŋ tɔrɔ! B mɔ Ebɔrɛ be mbɔ nɛ b daŋ wu ŋ kaŋɛ dra na kikɛ fanɛ Ebɔrɛ be Kenya cheembi beeŋ ba na. Kabre menyi alɛ debɔr mo nseŋ mɔ mo.

Ashuŋ Shunso 7:59

B daŋ kraa wɔ kekpa Stiven ajembu to nna nɛ e kule Enyɛnpe le: “Enyɛnpe Yesu, shin nɛ ma kiyoyu e ba fo kutɔ.”

Romebi 3:31

Ama an ta le be yirda ere n ti mbra na ekpa ŋko? Ayai, an baa kraa kɔ kumo to a ti kumo so eleŋ.

Ditɛronɔmi 16:19

K maŋ daga b baa ji durmu ŋko a kpɛa to ashi bumo be demujiana to. B sa maŋ kaa sɔ brɔbu basa kutɔ pɔɛŋ nsaa ji bumo demu, ŋkpal manɛ so ŋkɛ be kesɔ beeŋ tiŋ n shin nɛ enyiashempo e sa maŋ ji kashenteŋ nseŋ shin nɛ beshenteŋjipo e ki befɛpo, saŋɛ na so nɛ b baa ji asheŋ ekpa nɛ k maŋ daga so.