Habakuk 1:3 - EBƆRƐ BE KAWƆL

³ Manɛ nna nɛ fo shin nɛ n wu le be tɔrɔ ere? Nuso nɛ feeŋ tiŋ n nya kagbene a keni le be alubi ere? Kemur nɛ keŋkenshi be kebaawɔtɔ e kulti ma n wɔtɔ nɛ kebri nɛ katege malɛ sɔ kaplɛkama.

Habakuk 1:3 ပူးပေါင်းရင်းမြစ်များ

Kaŋinichiŋgeliŋ 4:1

Ade kikɛ be kaman nɛ n naŋ keni n wu fanɛ keji asheŋ nɛ amo be ekpa so maŋ naa wɔ durnya to. Basa nɛ b wɔ kamɛaŋ to na bee shu anishichubi nɛ esa kama maa chɛ bumo to, ŋkpal basa nɛ baa mɛaŋ bumo na ka kɔ eleŋ a chɔ bumo so.

Kaŋinichiŋgeliŋ 5:8

Fo baŋ wu abane be ekrachi ka bee tɔrɔ mbe efuli so be betirpo nsaa ji bumo durmu, sa maŋ shin nɛ k baa chinchiŋ fo, ŋkpal manɛ so ekrachi wurbi na bee wora a bɛ bumo be benimu be nnɔ so nna.

Aizaaya 46:12

Menyi, basa nɛ men be ŋgbene du kpakpa, nɛ menyi nɛ kumɔlga barga abar na e nu nfe!

Aizaaya 5:7

Israɛl e la Enyɛnpetale Ebɔrɛ na be ndibi sɔrso be kudɔ na; Juda be efuli so be basa malɛ e la afeelebi nɛ e daŋ duu na. E daa sha fanɛ b wora kusɔ nɛ k walɛ nna, ama b daŋ mɔ basa nna. Mo alɛ daa sha fanɛ b baa wora kusɔ nɛ k daga nna, ama bumo be basa daa shu a fin esa nɛ e beeŋ wu bumo kuwɔr nna.

Jɛremaya 15:10

Ade kikɛ be kaman nɛ Jɛremaya fɛ le ashi mbe kagbene to: “N la esa nɛ mbe kagbene jija mo ga nna! Manɛ nna nɛ n nio kurge ma m ba durnya to bre? Ma nɛ ekama bee bile nna kasawule ere so. Ma alɛ maŋ naŋ yɔ esa kikɛ kutɔ n ya paŋ amansherbi ŋko n ta amansherbi m paŋ esa kikɛ ŋ ku so, ama ekama bee shoduu ma nna.”

Jɛremaya 20:18

Manɛ so nɛ b kurge ma bre? Kebaa kaa wɔ etɔrɔ nɛ awurfoŋ to a ji anishinyɔr n ya wu so nɛ b kurge ma a?

Jɛremaya 20:8

Jemanɛ kikɛ nɛ k daga fanɛ m malga, kemur nɛ luwu be asheŋ nɛ mee malga. Enyɛnpe Ebɔrɛ, fo kubɔya nɛ mee bɔ na bee bar ma katege nɛ etɔrɔ nawule nna.

Ezikɛl 2:6

Ama fo ere, dimɛdi pibi, sa maa ŋana bumo ŋko bumo be mmalga. Sa maa lɔ kufu ŋkpal b ka beeŋ kplaŋ fo so nseŋ wora fo yɛryɛrbi so. K beeŋ baa du fanɛ fo ka wɔ ewi to ŋko nna to nna. Ama sa maa ŋana basa nɛ b kini ma nseŋ pal kaman n sa ma na ŋko n shin nɛ b baa ta kufu a da fo.

Matiu 10:16

Kede be kaman nɛ e naŋ kaŋɛ: “Kashenteŋto, mee shuŋi menyi nna nɛ menyi nɛ durnya ere to ebi e ya kaa wɔtɔ fanɛ mbolpɔ kaa wɔ ekuntuŋ to na. Men baa nyi asheŋ, a de men be amu so fanɛ awɔ nsaa du boeŋ fanɛ ali.

2 Pita 2:8

ŋkpal manɛ so, e ka daa la esa lela nseŋ daa wɔ bumo to kapa nɛ kanyɛ na so, mbe kagbene daa maŋ dese mo ŋkpal asɔ jiga nɛ e daa wu nɛ amo nɛ e daa nu so.