Habakuk 1:16 - EBƆRƐ BE KAWƆL

¹⁶ Baa bunyaŋ bumo be ashewu nna nsaa lara esarga a sa amo, ŋkpal b ka bee bɔla ashewu na so a dii kedama nsaa nya ajibi lela a ji so.

Habakuk 1:16 ပူးပေါင်းရင်းမြစ်များ

Habakuk 1:11

Kumo be kaman nɛ b choŋ fanɛ afu na. Bumo be eleŋ du fanɛ kegbir be eleŋ nna n sa bumo nɛ baa bunyaŋ kumo.”

Danɛl 5:23

Fo wora n da Enyɛnpe Ebɔrɛ nɛ e wɔ ebɔrɛso na so nna, ŋkpal fo ka ta shuwa be asɔnuunchu nɛ ntishaŋ nɛ fo tuto ta ashi Ebɔrɛ be bɔrɛlambu nɛ k wɔ Jerusalɛm na to nɛ fo nɛ bewurbiana nɛ fo beche, nɛ fo jipoana kikɛ ta amo a nuu nsa nsaa di agbirana nɛ b ta shuwa nɛ gbiti nɛ danyaŋ nɛ abɛlso, nɛ ndibi nɛ ajembu n lɔŋɛ na epaŋ so. Le be agbir ere maa wu ŋko a nu, amo alɛ maŋ nyi shɛŋ. Ama fo kini kebunyaŋ Ebɔrɛ nɛ kusɔ kama bɔɔ mo enɔ nɛ e kɔ eleŋ nɛ e tiŋ n shin nɛ fo ji efute ŋko n wu na bre.

Danɛl 4:30

nseŋ kaŋɛ le: “Keni kananɛ Babilɔn shibi loŋ! Ma eleŋ so nɛ m pɔr kumo nɛ kebaa la ma kadegboŋ a ŋini eleŋ nɛ kemaŋkura nɛ adelebigboŋ nɛ ŋ kɔ.”

Ezikɛl 28:3

Fo alɛ naa fɛ fanɛ fo nyi asheŋ nna a chɔ Danɛl nɛ Babilɔn be ewura daŋ ta n wɔtɔ ebuluŋ to na, ŋko ashiri kikɛ maŋ ŋana fo so.

Ditɛronɔmi 8:17

Amoso men sa maŋ kaa fɛ fanɛ menyi gbagba be eleŋ nɛ ketiŋwora so nɛ men nyalɛ nseŋ dii dama na.

Ezikɛl 29:3

Kaŋɛ Ijipt be ewura fanɛ Enyɛnpetale Ebɔrɛ na bee kaŋɛ fanɛ, fo ki n doŋ nna ŋkpal fo ka ta fo kumu fanɛ laŋchaŋ nɛ e kɔ eleŋ a wɔ lɔr to na so. Fo alɛ naŋ kaŋɛ fanɛ feeto lɔrgboŋ nɛ baa tre Nail na a ki feya.

Aizaaya 37:24

Fo daŋ shuŋi fo mbɔ nna nɛ b ba kaa puchi menyi ka daŋ ta menyi be egbaŋɛturko n dii n yɔ Lebanɔn be kebee be awɔlto n ya kɔ m pɔɔ so ashi ma Enyɛnpe Ebɔrɛ na be anishito. Men daa puchi fanɛ men daŋ tiŋ ŋ ku sida be ndibi tenteŋ nɛ seprɛs be ndibi lelaana n lɛ nna ashi kebee na so hale n ya fo kupo na be nferinto.

Nshɛ 22:29

Durnya to be amansherbiwuraana nɛ b kɔ asɔ ga beeŋ bunyaŋ mo, nɛ bumo nɛ b gbar nchaŋ be kɔnɔ gba e fur mo.

Jɛremaya 44:8

Manɛ nna nɛ menyee bunyaŋ agbirana nsaa lara esarga a sa amo ashi Ijipt a wɔtɔ ma agbo to? Menyee wora le nna nɛ men mur menyi be amu, saŋɛ na so durnya to be efuli kama so be basa beeŋ baa keni menyi jiga nsaa ta menyi be ketre a sho basa kɔnɔ a?

Jɛremaya 44:17

Kusɔ kama nɛ an kaŋɛ fanɛ anyeeŋ wora na nɛ anyeeŋ wora. Anyeeŋ lara esarga n sa anyi be kegbirche nɛ e la ebɔrɛso be Ewurche na, nseŋ naŋ ta yabra n to nchu n sa mo, fanɛ kananɛ an nananyɛnana nɛ anyi be ewura nɛ bejuŋkparpoana na daŋ wora ashi Juda be ndeana to nɛ Jerusalɛm be agbembi so na. Kumo be kaman, an daa kɔ ajibi damta nseŋ daŋ dii dama nɛ etɔrɔbi kikɛ malɛ daa maŋ wɔ anyi to.