Habakuk 1:12 - EBƆRƐ BE KAWƆL

¹² O Enyɛnpe Ebɔrɛ, fo la Ebɔrɛ nna sososo na kikɛ. Fo e la ma Ebɔrɛ nɛ fo du cheembi nsaa wɔtɔ mbaanaayɔ. Enyɛnpe, ma Ebɔrɛ nɛ ma ekumpo, fo e lara Babilɔnebi na n shin nɛ b nya eleŋ saŋɛ na so baaŋ gberge anyi kusoe.

Habakuk 1:12 ပူးပေါင်းရင်းမြစ်များ

Jɛnesis 21:33

Kumo be kaman nɛ Eebraham duu kedibi ko nɛ baa tre tamariski na ashi Bɛshiba nseŋ bunyaŋ Enyɛnpe Ebɔrɛ nɛ e wɔ ŋkpa to mbaanaayɔ na be ketre ndoŋ.

2 Bewura 19:25

Menyi maŋ pin to fanɛ ma, Enyɛnpe Ebɔrɛ na e kre kumo loŋ dra na kikɛ nɛ naniere k wora m bɔlɔ so na. Ma e sa menyi eleŋ nɛ men tiŋ n shin nɛ ndegboŋ nɛ b pɔr egbalana ŋ kulti na ki nde bureso.

Nshɛ 102:24

Ndoŋ nna nɛ ŋ kaŋɛ le: O ma Ebɔrɛ, sa maŋ ta ma, nɛ ma nchɛ maŋ naŋ fo. Fo ere wɔtɔ nna mbaanaayɔ.

Nshɛ 118:17

Amoso m maaŋ wu, meeŋ baa wɔ ŋkpa to, a ber kusɔ nɛ Enyɛnpe Ebɔrɛ na wora be kubomboŋ.

Nshɛ 149:2

Israɛl be basa, men shin nɛ menyi be ŋgbene e fuli menyi ŋkpal menyi be etopo na so; menyi Jerusalɛm to be basa malɛ e ji eyur ŋkpal menyi be ewura so!

Nshɛ 17:13

Enyɛnpe Ebɔrɛ koso ŋ kɔ m pɔɔ bumo so. Ta fo tokobi m mɔlga ma ashi amu kpakpasowuraana be enɔ to.

Nshɛ 18:1

Enyɛnpe Ebɔrɛ mee sha fo; fo kutɔ nɛ ma eleŋ bee shi.

Nshɛ 74:12

O Ebɔrɛ, sososo na kikɛ, fo e la anyi be ewura; fo alɛ e bar kumɔlga durnya kikɛ be basa to.

Nshɛ 90:1

O Enyɛnpe Ebɔrɛ, fo kutɔ e la anyi pe, jemanɛ kikɛ.

Nshɛ 90:2

Pɔɛŋ nɛ fo to abeeana nɛ kasawule nɛ durnya kikɛ na, nɛ fo la Ebɔrɛ nna nsaa wɔtɔ mbaanaayɔ.

Nshɛ 93:2

Dra na kikɛ nɛ fee ji kuwura, fo alɛ wɔtɔ nna mbaanaayɔ.

Aizaaya 31:1

Asheŋ maaŋ nyalɛ n sa bekama nɛ baa yɔ Ijipt be efuli so n ya kaa fin kechɛto na! Baa ta bumo be amu nna a deŋi Ijipt be benapo be egbaŋɛ nɛ egbaŋɛturko be keshi nɛ benapo lempo so. Ama b maa ta bumo be amu a deŋi Enyɛnpe, Israɛl be Ebɔrɛ cheembi na so ŋko a fin mbe kechɛto.

Aizaaya 37:23

Wanɛ nɛ fo daa fɛ fanɛ fee tege nsaa wora eyurto na? Ma, Israɛl be Ebɔrɛ cheembi na nɛ fo daa maa sa bunyaŋ na.

Aizaaya 37:26

Menyi maŋ pin to fanɛ ma, Enyɛnpe Ebɔrɛ na e kre kumo loŋ dra na kikɛ nɛ naniere k wora m bɔlɔ so na. Ma e sa menyi eleŋ nɛ men tiŋ n shin nɛ ndegboŋ lempoana ki alambure na.

Aizaaya 40:28

Menyi maŋ nyi a? Menyi alɛ maŋ naŋ nu a? Fanɛ Enyɛnpe na e la Ebɔrɛ nɛ e wɔtɔ mbaanaayɔ; mo e to durnya kikɛ. E maa shuŋ a gben ŋko a gben a chul to kikɛ. Esa kikɛ malɛ maaŋ tiŋ m pin mbe nfɛra to.

Aizaaya 43:15

Ma e la Enyɛnpe, menyi be Ebɔrɛ cheembi na. Israɛl, mee to fo nsaa la fo ewura.”

Aizaaya 49:7

Israɛl be basa, ma e la Enyɛnpe menyi be Ebɔrɛ cheembi na. Ma alɛ e la menyi be emɔlgapo! Men daa la anya nna n sa efuli pɔtɛana be bewura nɛ baa keni menyi jiga. Naniere kɔnɔ nɛ mee nase a sa menyi nde: “Bewurjipo nɛ kenimujiana beeŋ gbir m bunyaŋ menyi. Menyeeŋ tiŋ n yirda ma! Ŋkpal manɛ so, ma e la Enyɛnpe menyi be Ebɔrɛ nɛ menyi alɛ la ma basa laraso.”

Aizaaya 57:15

Ma e la Enyɛnpe Ebɔrɛ nɛ e wɔ ebɔrɛso nsaa wɔtɔ mbaanaayɔ na. N wɔ kakpa cheembi nɛ k wɔ esoso nna, ama ma alɛ nɛ basa nɛ b bar bumo be amu kaseto nseŋ ta bumo be amu n deŋi ma so na gba e wɔtɔ nɛ m baa chɛ bumo to.

Jɛremaya 30:11

Meeŋ ba menyi kutɔ m ba mɔlga menyi. Meeŋ mur efuliana nɛ m pesaŋ menyi to n yɔ na kikɛ, ama m maaŋ mur menyi ere. M maaŋ shin nɛ men nya menyi be amu n ji nɛ m maŋ gberge menyi kusoe. Ama meeŋ gberge menyi kusoe nɛ kumo be ekpa so nna. Ma, Enyɛnpe Ebɔrɛ e kaŋɛ na.”

Jɛremaya 4:27

Nɛ Enyɛnpe Ebɔrɛ na kaŋɛ le: “Kasawule na kikɛ beeŋ mur a dese fuloŋ, ama ma alɛ maaŋ mur kumo cheche.

Jɛremaya 46:28

Meeŋ ba menyi kutɔ m ba mɔlga menyi. Ma alɛ beeŋ mur efuliana nɛ n daŋ pesaŋ menyi to n yɔ amo so na, ama m maaŋ mur menyi ere. M maaŋ shin nɛ men wora kulubi nɛ m maŋ gberge menyi kumo be kusoe; ama meeŋ gberge menyi kusoe na nɛ kumo be ekpa so nna. Ma, Enyɛnpe Ebɔrɛ e kaŋɛ na.”

Jɛremaya 5:18

Kede be kaman nɛ Enyɛnpe Ebɔrɛ na naŋ kaŋɛ le: “Jɛremaya, bedoŋ be benapo na maaŋ mɔ ekama nɛ e wɔ Juda be efuli so.

Nfabel 5:19

Ama fo, Enyɛnpe Ebɔrɛ na e la ewura mbaanaayɔ. Fo e naa ji kuwura hale n ya fo jemanɛ be lalaloge.

Ezikɛl 30:25

Kashenteŋto, meeŋ shin nɛ Ijipt be ewura, Fɛɛro, e ki esa pɔso nseŋ shin nɛ Babilɔn be ewura e nya eleŋ. Saŋɛ na so nɛ ŋ kaŋ ta ma tokobi m bɔɔ mo enɔ nɛ e ta kumo n shoŋi Ijipt, ekama beeŋ pin fanɛ ma e la Enyɛnpe Ebɔrɛ na.

Maika 5:2

Ama Enyɛnpe Ebɔrɛ na yɛ: “Bɛtlɛhɛm Efrata, fo la Juda be efuli so be ndewurbiana na be kuko nna, ama fo to nɛ meeŋ lara esa nɛ e beeŋ ba ji Israɛl be efuli so be kuwura. Dra dra na kikɛ nɛ mbe kanaŋ jɔŋɛ.”

Habakuk 3:2

O Enyɛnpe Ebɔrɛ, n nu kusɔ nɛ fo wora, nɛ k mɔ ma kɔnɔ nsaa keta ma kufu. Naniere naŋ wora asheŋgboŋ nɛ fo daŋ wora n sa an nanaana na, anyi alɛ gba be jemanɛ ere to. Hale nɛ fo nya agbo gba, fo baa nyiŋi fo kuwɔrwu na.

Habakuk 3:6

Fo baŋ shir n yili, kasawule bee gbuŋgbuŋ nna, fo alɛ baŋ gbɛ ŋ keni malɛ efuliana na bee chicha nna. Dradra be abeegboŋ nɛ abeebi kikɛ bure to n tɔr. Ama fo ere wɔtɔ nna mbaanaayɔ!

Malakai 3:5

Enyɛnpetale yɛ: “Mee ba nɛ m ba ji ŋkilgiwuraana nɛ basa nɛ baa ji kesakalea nɛ bumo nɛ baa ji efɛ be eshɛda nɛ bekama nɛ baa puni bumo be beshumpo kakɔka to na nɛ bumo nɛ baa tɔrɔ bekulpoche nɛ amunibi nɛ befɔ nɛ bumo nɛ b maŋ kɔ bunyaŋ n sa ma na demu.”

Malakai 3:6

Ma e la Enyɛnpe Ebɔrɛ nɛ maa chɛrga kikɛ na. Amoso menyi nɛ men la Jeekɔb be kaman to ebi na maaŋ mur cheche.

Ashuŋ Shunso 3:14

Esa cheembi nɛ Esa Lela e daa la mo ama men kini mo nseŋ kule Pailat fanɛ e sɔ emɔpo n yige n sa menyi.

Ditɛronɔmi 32:4

Enyɛnpe Ebɔrɛ na e la menyi be ekumpo lempo, nɛ mbe kusɔ kama niŋi nseŋ bɔla ekpa. Men be Ebɔrɛ na la eshenteŋjipo nɛ esa beeŋ tiŋ n yirda nna; mo e naa wora kusɔ nɛ k daga nsaa maa kpɛa to na.

Ditɛronɔmi 33:27

Ebɔrɛ nɛ e wɔtɔ mbaanaayɔ na e la menyi be ekumpo. Mo e kɔ menyi mbe enɔana to na. Mo koŋwule na e naa ju men doŋana ashi menyi so na. Mo e naa malga nɛ menyee mur men doŋana na.

1 Timoti 1:17

Bunyaŋ nɛ epaŋ be kedi e baa wɔ Ewurgboŋ nɛ e wɔ ŋkpa to saŋkikɛ na nɛ mo koŋwule nɛ e la kashenteŋ be Ebɔrɛ nɛ esa kikɛ maaŋ tiŋ n ta kenishi fuful n wu mo kikɛ na so mbaanaayɔ. Amɛn.

1 Timoti 6:16

Mo nawule kpeŋ e maa wu kikɛ nsaa wɔ kefulto parrbi nɛ esa kikɛ maaŋ tiŋ ŋ keni kumo kikɛ na to. Esa kama malɛ maŋ naŋ wu mo ŋ ku so, ekama malɛ maaŋ tiŋ n wu mo kikɛ. Bunyaŋ nɛ kuwurji nɛ k maŋ kɔ ekar e baa wɔ mo so. Amɛn.

Hibruwebi 13:8

Ndere nɛ kabre nɛ saŋkikɛ, Yesu Kristo wɔ ŋkpa to nna mbaanaayɔ. E maa chɛrga kikɛ.

Kelaraŋŋini 1:11

Ebɔl na yɛ: “Sibɛ asɔ nɛ feeŋ wu ere n wɔtɔ kawɔl to nseŋ ta kawɔl na n sa nɛ b ya sa asɔri ashunu na. Asɔriana nɛ a wɔ Ɛfeses nɛ Smɛɛna nɛ Pɛɛgamem nɛ Tayataira nɛ Saadis nɛ Filadɛlfia nɛ Laodisiya na.”

Kelaraŋŋini 1:8

Enyɛnpe Ebɔrɛ na yɛ: “Ma e la Alfa nɛ Omega, Enyɛnpetale mo nɛ e daa wɔtɔ nseŋ kraa wɔtɔ nseŋ naa ba na.”

1 Samuɛl 2:2

Ebɔrɛ kikɛ maŋ wɔtɔ a du cheembi fanɛ fo Enyɛnpe na; Esa kama maŋ du fanɛ fo. Fo an be Ebɔrɛ du fanɛ kebee nna a kuŋ anyi.