Galeeshaebi 6:9 - EBƆRƐ BE KAWƆL

⁹ Amoso, men sa maŋ shin nɛ kelela be kewora e baa gben menyi, ŋkpal manɛ so, nɛ an baa maŋ pɔ aba nsaa kɔ to loŋ, kachako anyeeŋ nya kelela be kewora be asɔ.

Galeeshaebi 6:9 ပူးပေါင်းရင်းမြစ်များ

Jɛnesis 29:7

B ka malga loŋ na be kaman nɛ Jeekɔb kaŋɛ bumo le: “Epeŋi maŋ naŋ wora shɛŋ nɛ men gama mbolpɔ ere nfe na, amoso men jɔ nchu n sa bumo nɛ b nuu nɛ men naŋ keta bumo n yɔ keji to.”

Nshɛ 104:27

Le be asɔ keniso ere kikɛ bee keni fo anishito nna nɛ fo sa amo kusɔ jiso jemanɛ nɛ k daga.

Nshɛ 126:5

Shin nɛ bekama nɛ baa gben a du asɔduu so na, e teŋi amo nɛ kagbenefuli nseŋ ji eyur.

Nshɛ 145:15

Asɔ futeso kikɛ bee keni fo anishito nna nɛ fo sa amo ajibi jemanɛ nɛ k daga.

Aŋasa 11:18

Belubiworapo maa nya tɔnɔ kikɛ, ama esa nɛ e bee wora kelela bre maaŋ paŋ kumo be tɔnɔ kikɛ.

Kaŋinichiŋgeliŋ 11:1

Baa ta fo asɔ a kɛ yilayilaso, kachako so feeŋ ji amo be tɔnɔ.

Jɛremaya 45:3

E yɛ: “Baruk, fee kaŋɛ le: ‘M maaŋ naŋ wora shɛŋ! Enyɛnpe Ebɔrɛ na shin nɛ ma etɔrɔbi naŋ ti so nna. M baŋ shu nna n ya gben. M maaŋ naŋ tiŋ n shu gba!’

Levitikɔs 26:4

meeŋ shin nɛ bɔrɛ e baa ba menyi jemanɛ nɛ k daga, saŋɛ na so adɔjibi beeŋ baa wora nɛnɛ nɛ ndibi e baa sɔr nɛnɛ kasawule na so.

Zefanaiya 3:16

Jemanɛ ko bee ba nɛ b kaŋɛ Jerusalɛmebi le: ‘Men sa maa ŋana kufu! Menyi alɛ e sa maŋ pɔ aba ŋko a yil chaam ŋkpal kufu so!

Malakai 1:13

Kumo be kaman le nɛ men kraa kaŋɛ: ‘Ebɔl lar anyi ere nna.’ Men wɔtɔ gba nna a kpa mmuna to a wɔtɔ ma. Kayu be asɔbɔya nɛ asɔbɔya nɛ b la ebobi nɛ asɔbɔya nɛ baa lɔ nɛ men ta a lara sarga a sa ma. Men fɛ fanɛ meeŋ shuli n sɔ amo nna a?

Matiu 10:22

Ekama beeŋ kishi menyi ŋkpal ma so, ama esa kama nɛ e ji kanyiti n ya fo lalaloge na beeŋ nya kumɔlga.

Matiu 24:13

Ama ekama nɛ e ji kanyiti n ya fo lalaloge na beeŋ nya kumɔlga.

Matiu 25:17

Loŋ koŋwule nɛ emo nɛ e daŋ nya ebɔtɛ anyɔ na gba daŋ wora n nya ebɔtɛ anyɔ n ti so.

Matiu 9:19

Ndoŋ nna nɛ Yesu koso m bɛ mo so nɛ mo nɛ mbe bebɛsopo kikɛ ta m pɛ ekpa.

Maak 3:3

Nɛ Yesu kaŋɛ enɔwusowura na: “Koso m ba anishito nfe.”

Luuk 18:1

Nɛ Yesu bɔ bumo keŋasa ere a ŋini kananɛ a daga fanɛ b baa kule Ebɔrɛ saŋkama nsaa maa pɔ aba.

Romebi 2:7

Bumo nɛ alelasheŋ be kewora maa gben bumo nɛ baa fin kemaŋkura nɛ bunyaŋ nɛ kebaawɔtɔ nɛ k maŋ kɔ luwu na, e beeŋ sa bumo ŋkpa nɛ k maŋ kɔ ekar na.

1 Kɔrintebi 15:58

Amoso ŋ kurgepo shasoana, men baa yil to kpakpa. Men sa maŋ shin nɛ shɛŋ shɛŋ e tia menyi ashi to. Saŋkikɛ men baa ta men be ŋgbene kikɛ a wɔtɔ Enyɛnpe be kushuŋ na to, ŋkpal manɛ so, menyi alɛ gba baa nyi fanɛ men be kegben nɛ menyee gben a sa Enyɛnpe na maaŋ to jiga kikɛ.

2 Kɔrintebi 4:1

To, ŋkpal Ebɔrɛ ka wu anyi kuwɔr n sa anyi le be kushuŋ ere so, anyi maa pɔ aba.

2 Kɔrintebi 4:16

Amoso, an maa pɔ aba. Anyi be eyur so bre bee nya kapɔshi nna a ti so, anyi be ayoyu bre to bee wora eleŋ nna kapa nɛ kanyɛ a ti so.

2 Kɔrintebi 9:6

Men baa nyiŋi fanɛ esa kama nɛ e bee duu asɔ miiriso, beeŋ teŋi miiriso be asɔ nna nɛ esa kama malɛ nɛ e bee duu asɔ damaso beeŋ teŋi asɔ damaso nna.

Ɛfesesebi 3:13

Amoso, mee kule menyi nna fanɛ men sa maa pɔ aba ŋkpal ŋ ka bee wu tɔrɔ a sa menyi so so, men be kelela so nɛ loŋ be asheŋ bee nya ma.

Ditɛronɔmi 11:14

Nɛ menyee wora loŋ, e beeŋ shin nɛ bɔrɛ e ba jemanɛ nɛ k daga menyi be kasawule so, kumo e la fanɛ dɔchubɔrɛso nɛ kechalaso be bɔrɛ beeŋ ba nɛnɛ n sa menyi, saŋɛ na so menyeeŋ dɔ n nya ayu nɛ yabra belbelso nɛ ɔlif be ŋku nɛnɛ,

2 Tɛsalɔnikaebi 3:13

Bekurgepoana, men sa maŋ shin nɛ kelela be kewora e baa gben menyi.

Hibruwebi 12:3

Men fɛ kananɛ e maŋ ta kekishi damta mo nɛ alubiworapoana daŋ ta n tu mo na kikɛ n tre shɛŋ na be asheŋ ŋ keni, saŋɛ na so men maaŋ pɔ aba n shin nɛ menyi be ŋgbene e baa jija menyi.

Hibruwebi 12:5

Men teŋ keleŋto be mmalga nɛ Ebɔrɛ bee malga a sa menyi fanɛ mbe mbia na so a? E yɛ: “M pibi, sa maŋ ta kananɛ Enyɛnpe niŋi fo ekpa na fanɛ kusɔ fɔmbi nsaa maa pɔ aba ŋkpal e ka gberge fo kusoe so.

Hibruwebi 3:14

Ŋkpal manɛ so, nɛ an baa kɔ anyi be sososo be tama na to kpakpa n ya fo ekar, kumo ere anyi nɛ Kristo e kɔ kachige koŋwule.

Hibruwebi 3:6

Ama Kristo bre bugi kagbene nna fanɛ Ebɔrɛ Pibinyɛn a keni Ebɔrɛ be kowu to ebi so. Nɛ anyi alɛ baa kɔ anyi be kenyɛn na nɛ tama nɛ anyee puchi kumo so na to kpakpa, kumo ere an la Ebɔrɛ na be kowu to ebi nna na.

Jeems 5:7

Ŋ kurgepoana, ŋkpal le so, men baa ji kanyiti a jo saŋɛ nɛ an Nyɛnpe beeŋ naŋ bɛta m ba na. An ta fanɛ edɔpo ŋ keni kananɛ e bee kaa ji kanyiti. E bee kaa jo nna le nɛ bɔrɛ e ba nɛ mbe asɔ e kɔr n daŋ n wora nɛ e teŋi amo be alela na.

1 Pita 2:15

Ŋkpal manɛ so, kusɔ nɛ k bee par Ebɔrɛ e la fanɛ men baa wora kelela, nɛ loŋ e tiŋ n shin nɛ bumo nɛ b maŋ nyi nsaa malga kawuliso be mmalga na e lo bumo be nnɔ.

1 Pita 3:17

Ŋkpal manɛ so nɛ k la Ebɔrɛ be kepar be kusɔ fanɛ men nya tɔrɔ nɛ men nya loŋ be tɔrɔ na ŋkpal kelela mo nɛ men wora so, k walɛ a chɔ men ka wora alubi ŋkaa nya tɔrɔ.

1 Pita 4:19

Amoso, bumo nɛ b wɔ tɔrɔ mo nɛ a la Ebɔrɛ be keparso peya ere to ere, b baa ta bumo be amu kikɛ a bɔɔ bumo be Epɔrpo mo nɛ e maŋ kɔ kɔnɔkilgi na nsaa wɔtɔ a wora kelela na enɔ.

Kelaraŋŋini 2:17

Ekama nɛ e kɔ asoe e baa nu asɔ nɛ Kiyoyu na bee kaŋɛ asɔriana na. Ekama nɛ e kɔ m pɔɔ so, meeŋ sa mo manna ŋana so na be ako. Kumo be kaman nɛ n naŋ sa mo kejembu fuful mo nɛ b sibɛ kumo so ketre popɔr mo nɛ esa nɛ e bee sɔ kejembu na nawule nyi na.’ ”

Kelaraŋŋini 2:3

N nyi kananɛ men kɔ kanyiti a yil to nɛ kananɛ menyee ji tɔrɔ ŋkpal ma ketre so, menyi alɛ ŋkaa maa pɔ aba.

Kelaraŋŋini 2:7

Ekama nɛ e kɔ asoe, e baa nu asɔ nɛ Kiyoyu na bee kaŋɛ asɔriana na. Ekama nɛ e kɔ m pɔɔ so, meeŋ sa mo ekpa nɛ e ji ŋkpa be kedibi nɛ k wɔ Ebɔrɛ be kakpa lela nɛ baa tre ndoŋ Paradisi to na be kusɔrso na.’ ”