Galeeshaebi 5:3 - EBƆRƐ BE KAWƆL

³ Men shin nɛ n naŋ laŋɛ ŋ kaŋɛ menyi kenishipereso, ekama nɛ e shin nɛ b ku mo kututu, kumo ere a daga fanɛ amodoŋwura ka bɛ mbra na so kikɛ nyam.

Galeeshaebi 5:3 ပူးပေါင်းရင်းမြစ်များ

Nehemaya 9:34

Anyi be bewura nɛ bejuŋkparpo nɛ bɔrɛmatapoana nɛ an nanaana maŋ bɛ fo mbra nɛ mmalga kpakpaso mo nɛ fo ŋini bumo fanɛ b bɛ so na so.

Matiu 23:16

Bejuŋkparpo tanpoana ere, asheŋ maaŋ nyalɛ n sa menyi kikɛ. Men yɛ fanɛ nɛ esa baŋ ta bɔrɛlambu na be ketre m bɔ ntaŋ, k maŋ la shɛŋ, ama ekama nɛ e bɔ bɔrɛlambu na to be amansherbi na bre daga e ka wora kusɔ nɛ e bɔ fanɛ e beeŋ wora na.

Matiu 23:18

Menyi alɛ kraa naa kaŋɛ fanɛ nɛ esa baŋ bɔ bɔrɛsure na, k maŋ la shɛŋ, ama nɛ e bɔ kakɛ nɛ baa ta a deŋi bɔrɛsure na so na bre k daga e ka wora kusɔ nɛ e bɔ fanɛ e beeŋ wora na.

Luuk 16:28

n ya fiɛ n sipoana so nɛ b sa maŋ ba ebesa be kakpa ere. Ŋkpal manɛ so, besipo anu nɛ ŋ kɔ.’

Ashuŋ Shunso 15:1

Basa ko daŋ shi Judiya m ba Antiɔk m ba fara a ŋini bekurgepoana le be asheŋ a kaŋɛ: “B baa maŋ ku fo kututu fanɛ kananɛ Mosis be mbra na bee ŋini na, Ebɔrɛ maaŋ mɔlga fo kikɛ.”

Ashuŋ Shunso 2:40

Kesheŋ ere nɛ Pita daŋ kaŋɛ bumo nseŋ ta le be mmalga ŋ kaŋɛ bumo kenishipereso: “Men mɔlga menyi be amu ashi kasogberge nɛ k bee ba le be basa lubi ere so na to.”

Ashuŋ Shunso 20:21

Juwebi nɛ nnyamase kikɛ nɛ n daŋ fiɛ so kpakpa fanɛ b lar bumo be alubi to a bɛ Ebɔrɛ so nseŋ yirda an Nyɛnpe Yesu.

Romebi 2:25

Nɛ fee bɛ mbra na be kɔnɔ so nseŋ ku kututu, kumo ere fo keku na kɔ kifi, ama nɛ fo maa bɛ mbra na be kɔnɔ so nseŋ ku kututu, kenyanyaŋɛso nɛ fo ku na.

Galeeshaebi 3:10

Bumo nɛ b ta bumo be nfɛra n wɔtɔ mbra na be kebɛso na to na wɔ kɔnɔso to nna na, ŋkpal manɛ so, le nɛ abɔrɛsibɛ na bee kaŋɛ: “Ebɔrɛ be kɔnɔso wɔ ekama nɛ e maa bɛ mbra na be kawɔl na so nɛnɛ saŋkikɛ na so nna.”

Galeeshaebi 5:2

Men nu nfe. Ma Pɔɔl e naa kaŋɛ menyi na fanɛ nɛ men bɛ mbra na so n shin nɛ b ku menyi atutu, Kristo na maaŋ baa la shɛŋ n sa menyi.

Galeeshaebi 5:6

Ŋkpal manɛ so, nɛ an baa wɔ Kristo to, emo nɛ e ku kututu nɛ emo nɛ e maŋ ku kututu maŋ kɔr abar to. Kusɔ koŋwule nɛ k baa tir e la yirda nɛ k bee bɔla kasha so a shuŋ.

Ɛfesesebi 4:17

Amoso, ma kamalga mo nɛ ŋ kɔ a sa menyi nsaa fiɛ menyi so ashi Enyɛnpe na be ketre to e la fanɛ men sa maŋ naa wɔtɔ fanɛ basa nɛ b maŋ nyi Ebɔrɛ nɛ b kɔ nfɛra fuloŋ a wɔtɔ na.

Ditɛronɔmi 27:26

Nɛ b naŋ kaŋɛ: “Ebɔrɛ be kɔnɔsho beeŋ ba esa kama nɛ e maaŋ wora Ebɔrɛ be mbraana kikɛ kasonu na so.” Nɛ basa nɛ b yil Ebal be kebee so na e kaŋɛ: ‘Amɛn!’

Ditɛronɔmi 31:21

Kumo be loŋ beeŋ shin nɛ kumu lubi gboŋgboŋi e ba bumo nɛ bumo be kaman to ebi so. Ama b kraa beeŋ baa boŋ kashɛ ere nɛ k baa ji shɛda a gbiti bumo. Pɔɛŋ nɛ meeŋ keta bumo n yɔ kasawule nɛ n nase kumo be kɔnɔ n sa bumo na gba so, n tea nyi kusɔ nɛ baa fɛ.”

Ditɛronɔmi 8:19

Mee kpele menyi kusoe kabre nna, fanɛ men sa maŋ kaŋ teŋ Enyɛnpe menyi be Ebɔrɛ na so ŋko n ya shuŋ agbir. Nɛ men kaŋ wora loŋ Enyɛnpe Ebɔrɛ na beeŋ mur menyi fanɛ kananɛ e beeŋ mur efuliana nɛ menyeeŋ kɔ kena na.”

1 Tɛsalɔnikaebi 4:6

Amoso, ekama e sa maŋ kaŋ wora kulubi kikɛ ŋ gbiti mo barkasa ŋko m puni mo. An chɛr m malga le be kamalga kenishipereso n sa menyi fanɛ ekama nɛ e wora le be asheŋ, Enyɛnpe na beeŋ gberge mo kusoe.

1 Jɔn 4:14

Anyi alɛ wu nseŋ ji kumo be shɛda fanɛ Etuto na shuŋi mo Pibinyɛn fanɛ e ba kaa la durnya ere to be Emɔlgapo.