Galeeshaebi 5:12 - EBƆRƐ BE KAWƆL

¹² Alako basa nɛ baa tɔrɔ menyi ere daa beeŋ baŋ ku bumo be atutu kikɛ gba nna n lɛ kuraa.

Galeeshaebi 5:12 ပူးပေါင်းရင်းမြစ်များ

Jɛnesis 17:14

Amoso enyɛn kama nɛ e maŋ ku kututu daga b ka lara mo ashi ma basa to, ŋkpal manɛ so, e maŋ bɛ ma kɔnɔkoŋwule be ŋkre be kɔnɔ naseso na so nna na.”

Jɛnesis 30:34

Ndoŋ nna nɛ Leeban kaŋɛ: “To, n shuli loŋ. An ta kumo n yili kananɛ fo kaŋɛ na.”

Ɛksodɔs 12:15

Yili loŋ be kachɛ na n ya fo bɔkwe men be ekama e sa maŋ kaŋ ji bodobodo nɛ b ta yiisi n wora. Bɔkwe na to be kachɛ sososo na ekama e lara yiisi kikɛ ashi mbe laŋ to. Esa kama nɛ e baŋ ji bodobodo nɛ b ta yiisi n wora nchɛnshunu na to, meeŋ lara mo ashi ma basa to.

Ɛksodɔs 30:33

Esa kama nɛ e pel n wora amo be kaduli ŋko n ta amo ŋ gbiti esa pɔtɛ nɛ e maŋ la bɔrɛmatapo, a daga fanɛ b lara mo ashi mbe basa to.’ ”

Levitikɔs 22:3

Bɔrɛmatapo kama nɛ e wora eyurpi nseŋ ba esarga cheembi nɛ Israɛl be basa na bar m baa sa ma na ase, e maŋ naŋ shuŋ bɔrɛmatapo be kushuŋ bɔrɛsure na ase kikɛ. Le be kesheŋ ere dese nna hale mbaanaayɔ. Ŋkpal manɛ so, ma e la Enyɛnpe Ebɔrɛ na.

Baru lela nɛ Jɔn kute na 9:34

Nɛ basa na kaŋɛ: “Keni, baŋ yili fo kakurgeachɛ kikɛ nɛ fo wɔ alubi to m ba fo mbre nɛ fo ba kaa sha nɛ fo ŋini anyi asheŋ a?” B ka kaŋɛ mo loŋ n loge nɛ b ju mo nshɛrbuana na to be keluri to.

Ashuŋ Shunso 15:24

An nu kananɛ anyi to be beko ya malga asheŋ ko a tɔrɔ menyi n shin nɛ menyi be ŋgbene jija menyi ga, ama men baa nyi fanɛ mannɛ anyi e shuŋi bumo fanɛ b ya kaŋɛ menyi loŋ.

Ashuŋ Shunso 5:5

Ananiyas ka baŋ nu kesheŋ ere nɛ e tɔr n wu epul na to nɛ kufu pɛ bekama nɛ b nu kumo be asheŋ na ga.

Ashuŋ Shunso 5:9

Nɛ Pita bishi mo: “Manɛ e ba nɛ fo nɛ fo kul wora kɔnɔkoŋwule a sha kewora Enyɛnpe be Kiyoyu na ŋ keni? Basa nɛ b puli fo kul e wɔ kabuna to na, bumo alɛ beeŋ ta fo alɛ gba loŋ.”

1 Kɔrintebi 5:13

Ebɔrɛ e naaŋ ji basa nɛ b maŋ wɔ asɔri na to demu. Kusɔ nɛ abɔrɛsibɛ na bee kaŋɛ e la fanɛ: “Men ju alubiworapo kama ashi menyi to.”

Galeeshaebi 2:4

Ama kesheŋ na daŋ ba koso, ŋkpal manɛ so, bekurgepo fɛpo ko daŋ luri anyi to nna n daŋ fin kekeni anyi be kamooji nɛ an kɔ Kristo Yesu to na to nɛ b nya n jija kumo nseŋ ta anyi ŋ ki anya.

Galeeshaebi 5:10

Ama ŋ kraa kɔ tama ashi Enyɛnpe na to fanɛ men maaŋ chɛrga men be nfɛra n yɔ kakpa ko. Ma alɛ nseŋ naa nyi fanɛ Ebɔrɛ beeŋ gberge esa nɛ e kɔ menyi a wɔ kebagato to ere kusoe, e bee sha e baa du kanaŋkama.

Ditɛronɔmi 23:1

Enyɛn kama nɛ b fɛl mo ŋko ŋ ku mbe kenyɛnsɔ so maŋ naŋ ti Enyɛnpe Ebɔrɛ na be basa so.

Taites 3:10

Esa kama nɛ e bee ta basa be amu a ŋmɛa abar a shin nɛ baa barga abar, fiɛ amodoŋwura so ale anyɔ, nɛ e kraŋ kini a wora loŋ, fo shin nɛ fo nɛ mo e sa maŋ naa kɔ shɛŋ.

Joshuwa 7:12

Amoso nɛ Israɛlebi na maŋ tiŋ n yili n tu bumo doŋana na. B shile nna ŋkpal bumo gbagba ka ki basa nɛ baaŋ mur so. M maaŋ naa wɔ menyi kutɔ, ama men baŋ mur asɔ nɛ men ta ŋ ŋana na kikɛ nna!

Joshuwa 7:25

Nɛ Joshuwa kaŋɛ le: “Eekan, fo wɔtɔ anyi tɔrɔ to bre, ama Enyɛnpe Ebɔrɛ beeŋ gberge fo alɛ gba kusoe kabre!” Ndoŋ nna nɛ Israɛlebi na kpa Eekan nɛ mbe kanaŋ ajembu m mɔ nseŋ chɔ bumo nɛ bumo be asɔ kikɛ.