Galeeshaebi 5:11 - EBƆRƐ BE KAWƆL

¹¹ Bekurgepoana, menyee tama fanɛ n daŋ kraa malga katutuku be kamalga nna, meeŋ baa nya tɔrɔ le a? Nɛ n daa wora loŋ nna, dafanɛ Kristo be kedibi largato be kubɔya na daa maaŋ naa fɛl basa.

Galeeshaebi 5:11 ပူးပေါင်းရင်းမြစ်များ

Aizaaya 8:14

Ŋkpal ma kecheembiya ka bee keta kufu so n du fanɛ kejembu gboŋ nɛ k pul nɛ basa bee fiti kumo a tɔr na nna. Ma alɛ naa du fanɛ kejigbelɛ nɛ k beeŋ pɛ Juda nɛ Israɛl be efuliana so nɛ Jerusalɛm to be basa nna.

Ashuŋ Shunso 16:3

Pɔɔl ka daa sha keketa Timoti n yɔ so e ku mo kututu nna. E daŋ wora loŋ nna ŋkpal ndoŋ be basa na kikɛ ka daa nyi Timoti mo tuto ka la Griik so.

Ashuŋ Shunso 21:21

Basa kaŋɛ bumo fanɛ fo wɔtɔ nna a ŋini Juwebi nɛ b wɔ nnyamase be efuliana so nna fanɛ b yige kebaabɛ Mosis be mbra na so. B yɛ fo yɛ, b sa maa ku bumo be mbia atutu, bumo alɛ e sa maa bɛ Juwebi be edaŋkare na so.

Ashuŋ Shunso 21:28

m ponte ŋ kaŋɛ: “Israɛlebi, men ba chɛ to. Kanyɛn nɛ e na kaplɛkama a ŋini basa kikɛ asheŋ nɛ a bee da Israɛlebi nɛ Mosis be mbra na nɛ bɔrɛlambu na so e ba nfe hale m bar nnyamase bɔrɛlambu na to nɛ b ba jija kumo kananɛ k du cheembi na.”

1 Kɔrintebi 1:18

Ŋkpal manɛ so, luwu mo nɛ Kristo wu kedibi largato so be kubɔya na la kawulisheŋ nna n sa basa nɛ b wɔ kemur be ekpa to na. Ama anyi nɛ an wɔ kumɔlga be ekpa to ere bre, loŋ be kubɔya na la Ebɔrɛ be eleŋ nna.

1 Kɔrintebi 1:23

Ama anyi ere, Kristo mo nɛ b daŋ gbir m mata kedibi largato so na be asheŋ be kubɔya nɛ anyee bɔ a sa basa. Loŋ be kubɔya na malɛ la kusɔ nɛ k bee kagle Juwebi ekpa nna nsaa la kawulisheŋ a sa Nnyamase malɛ.

1 Kɔrintebi 15:30

To, nɛ anyi alɛ ai? Manɛ e ba nɛ anyee luri kenishipere to le saŋkama ere?

Galeeshaebi 2:3

Amo be saŋɛ na nɛ Taites wɔ ŋ kutɔ nɛ b nyi e ka la Griik be esa, ama bumo alɛ daa maŋ tintiŋ mo nɛ e ku kututu.

Galeeshaebi 3:1

Ama menyi Galeeshaebi paŋ nfɛra pasaa! Wanɛ e wora menyi bre? To, men be anishito gbagba nɛ b bugi Yesu Kristo be kewu kedibi largato na so na be asheŋ n sa menyi. To nɛ mannɛ nna?

Galeeshaebi 4:29

Amo be saŋɛ na ebinyɛn nɛ b daŋ bɔla eyur be kasha so m ba abar so ŋ kurge na, daa wɔtɔ nna a tɔrɔ ebinyɛn nɛ b daŋ bɔla Ebɔrɛ be kɔnɔ naseso so m ba abar so ŋ kurge na nna. Hale mbre, loŋ malɛ e kraa la.

Galeeshaebi 6:12

Bumo nɛ baa sha keta asɔ nɛ basa bee wu kenishiso a ji njɔŋ ere e la basa nɛ baa wora ania a sha fanɛ b tintiŋ menyi nɛ men ku atutu na. Bumo alɛ kusɔ nɛ k baŋ ba nɛ baa wora loŋ na e la kananɛ baaŋ wora a maaŋ luri tɔrɔ to. Le be tɔrɔ ere bee shi Kristo be luwu nɛ e wu kedibi largato na so to nna.

Galeeshaebi 6:17

Ade kikɛ be kaman, esa kama e sa maŋ naŋ bar ma tɔrɔ kikɛ, ŋkpal manɛ so, Yesu be ndulgi wɔ ma eyur so nna.