Galeeshaebi 4:27 - EBƆRƐ BE KAWƆL

²⁷ Ŋkpal manɛ so, le nɛ abɔrɛsibɛ na bee kaŋɛ: “Fo egbentepo nɛ fo maŋ naŋ kurge ŋ ku so, fo alɛ ŋkaa maŋ naŋ nya kakurge be ebesa ere, baa kɔ kagbenefuli nseŋ bugi kɔnɔ n wora kagbenefuliso be awɔr. Ŋkpal manɛ so, eche nɛ b kini na beeŋ nya bibi a chɔ emo nɛ e kɔ ekul a wɔtɔ na.”

Galeeshaebi 4:27 ပူးပေါင်းရင်းမြစ်များ

2 Samuɛl 13:20

Mo da Absalɔm ka wu mo nɛ e bishi mo le: “Amnɔn pur fo nna a? Jande esipoche, sa maŋ shin nɛ kesheŋ ere e tɔrɔ fo, fo alɛ e sa maŋ kaŋɛ esa kama kumo, ŋkpal manɛ so, fo da nna.” Ndoŋ nna nɛ Tamaa ta kagbenejija nɛ kenawule a wɔ mo da Absalɔm be laŋ to.

Nshɛ 113:9

Eche kilpo baa maa kɔ mbia, Ebɔrɛ e naa nɛfa mo nɛ e bee nya mbia nɛ mbe kagbene e fuli. Men kpaŋ Enyɛnpe Ebɔrɛ na!

Aizaaya 49:21

Ndoŋ nna nɛ fo alɛ e kaŋɛ fo kumu le: ‘Wanɛ e kurge mbia ere kikɛ n sa ma? N daŋ paŋ ma mbia nna nsaa maaŋ naŋ tiŋ ŋ kurge ebi. B daŋ pɛ ma kenya nna n yɔ efuli pɔtɛ so; wanɛ e bela mbia ere nɛ b daŋ? N nawule e daŋ ka a wɔtɔ; nnɛ nɛ mbia ere shi m ba?’ ”

Galeeshaebi 4:19

Ma mbi shasoana, ebesa nɛ k wɔ ma to a sa menyi ere baa du fanɛ eche be kakurge be ebesa nna a wɔ ma to ama n ya wu fanɛ Kristo be kebaawɔtɔ na kikɛ ya luri nna m bɔlɔ menyi to.

1 Timoti 5:5

Ekulpoche gbagba nɛ e maŋ kɔ esa kikɛ nɛ e bee keni mo so be tama wɔ Ebɔrɛ so nna fanɛ e baa chɛ mo to. Mo alɛ baa wɔtɔ nna a kule Ebɔrɛ kapa nɛ kanyɛ fanɛ Ebɔrɛ e chɛ mo to.

1 Samuɛl 2:5

Basa nɛ b daa nya a ji yɛlyɛla so na bee ji paa nna a fin bumo be kusɔ jiso naniere, ama bekama nɛ akoŋ daa mɔ na bre maŋ naa shu akoŋ. Fo e shin nɛ egbentepo kurge mbia ashunu, nɛ bibi damta bumo nio malɛ paŋ mbe mbia kikɛ.