Galeeshaebi 4:18 - EBƆRƐ BE KAWƆL

¹⁸ Keshin nɛ asheŋ e baa wɔ menyi to walɛ nɛ asheŋ na baa la alelasheŋ nna na a wɔ menyi to saŋkikɛ, mannɛ saŋɛ nɛ n wɔ men kutɔ nawule.

Galeeshaebi 4:18 ပူးပေါင်းရင်းမြစ်များ

Nshɛ 119:139

Jemanɛ kikɛ nɛ bedoŋ baŋ kplaŋ fo mbraana so, k bee chɔɔ ma to nna fanɛ edɛ.

Nshɛ 69:9

Kasha nɛ ŋ kɔ n sa fo bɔrɛlambu na bee chɔ ma to nna fanɛ edɛ, nɛ basa baa tege fo, k bee lɛa ma alɛ gba nna.

Aizaaya 59:17

E beeŋ ta keji asheŋ nɛ amo be ekpa so m buu fanɛ enapo be kebɛlso be kekpaŋkale nɛ kumɔlga malɛ gba m buu fanɛ enapo be kebɛlso be kekpaŋwuro. Mo alɛ beeŋ naŋ ta kewora asheŋ ekpa nɛ k daga so kenishipereso fanɛ kusɔbuuso m buu nseŋ sɔ basa nɛ baa ji awurfoŋ be kɔnɔ so ŋ ka kulubi kukɔ.

Baru lela nɛ Jɔn kute na 2:17

Ndoŋ nna nɛ mbe bebɛsopoana nyiŋi abɔrɛsibɛ na ka bee kaŋɛ fanɛ: “Kasha nɛ fo kɔ a sha fo pe ere shi ma to ga hale a chɔɔ ma to fanɛ edɛ na.”

1 Kɔrintebi 15:58

Amoso ŋ kurgepo shasoana, men baa yil to kpakpa. Men sa maŋ shin nɛ shɛŋ shɛŋ e tia menyi ashi to. Saŋkikɛ men baa ta men be ŋgbene kikɛ a wɔtɔ Enyɛnpe be kushuŋ na to, ŋkpal manɛ so, menyi alɛ gba baa nyi fanɛ men be kegben nɛ menyee gben a sa Enyɛnpe na maaŋ to jiga kikɛ.

Galeeshaebi 4:13

Men nyi fanɛ kulɔ ka daŋ pɔɔ ma so so e shin nɛ m bɔ baru lela na n sa menyi sososo na.

Galeeshaebi 4:17

Basa nɛ anyee malga bumo be asheŋ ere bee wora fanɛ men be asheŋ ka wɔ bumo to ga nna, ama nfɛra nɛ a wɔ bumo be loŋ be asheŋ woraso na be kaman na maŋ walɛ. Kusɔ nɛ baa sha e la fanɛ kananɛ baaŋ wora m barga ma nɛ menyi abar to nɛ bumo ere be asheŋ e baa wɔ menyi to.

Galeeshaebi 4:20

N daa wɔ menyi kutɔ nna naniere n tiŋ n chɛrga mmalga kpakpaso nɛ mee malga a sa menyi ere, k daa beeŋ par ma ga, ŋkpal manɛ so, men be asheŋ baŋ wul ma to nna.

Filipaiebi 1:27

Amoso, kusɔ kama nɛ k la gba, men baa kɔ men be amu to nɛnɛ a du fanɛ kananɛ Kristo be baru lela na bee ŋini na. Saŋɛ na so, nɛ m ba wu menyi nna ŋko n wɔ kufɔ nna nsaa nu menyi be asheŋ, n nyi men ka yil to nɛnɛ kɔnɔkoŋwuleso a kɔ fanɛ esa koŋwule ŋkpal yirda nɛ k shi baru lela na to na so.

Filipaiebi 2:12

Amoso, n teri shasoana, men baa kraa nu a sa ma fanɛ kananɛ men chɛr a wora na, mannɛ fanɛ saŋɛ nɛ n wɔ menyi kutɔ nawule, ama saŋɛ nɛ m maŋ wɔ menyi kutɔ gba a chɔ ŋ ka wɔ men kutɔ. Men baa ta kagbene ŋana asheŋ ŋ kraa kɔ a fin men be kumɔlga kikɛ be kenya.

Taites 2:14

E ta mo gbagba be kumu n sa anyi nɛ e tiŋ m mɔlga anyi ashi alubisheŋ kikɛ to nseŋ ta anyi ŋ ki basa cheembi nɛ an baa la mo nawule peya m bugi kagbene a wɔtɔ a sha kebaawora alelasheŋ.

Kelaraŋŋini 3:19

Ma ere, basa nɛ mee sha nɛ mee fiɛ so nsaa ŋini bumo ekpa, amoso, men yeŋi so n lar men be alubi to.