Galeeshaebi 4:17 - EBƆRƐ BE KAWƆL

¹⁷ Basa nɛ anyee malga bumo be asheŋ ere bee wora fanɛ men be asheŋ ka wɔ bumo to ga nna, ama nfɛra nɛ a wɔ bumo be loŋ be asheŋ woraso na be kaman na maŋ walɛ. Kusɔ nɛ baa sha e la fanɛ kananɛ baaŋ wora m barga ma nɛ menyi abar to nɛ bumo ere be asheŋ e baa wɔ menyi to.

Galeeshaebi 4:17 ပူးပေါင်းရင်းမြစ်များ

Matiu 23:15

Mbraŋinipoana nɛ Efarisiana, asheŋ maaŋ nyalɛ n sa menyi kikɛ, kebirkɔnshiwuraana ere. Menyee ta ekpa tenteŋana nsaa baŋ etekuana so a yɔ mboŋ ko n ya shin nɛ esa koŋwule e tuba, kumo be kaman nɛ men naŋ shin nɛ mo koŋwule na e naaŋ ki esa lubi a chɔ kananɛ menyi gbagba du a la Setani be edɛ to be esa.

Romebi 10:2

Ŋkpal manɛ so, meeŋ tiŋ n ji shɛda ŋ kaŋɛ fanɛ Ebɔrɛ be asheŋ pere bumo kenishi ga, ama loŋ be kenishipere na malɛ maŋ bɛ kepin asheŋ to so.

Romebi 16:18

Ŋkpal manɛ so, mannɛ an Nyɛnpe Yesu Kristo na nɛ loŋ be basa na bee shuŋ na, bumo gbagba be epunana nɛ baa shuŋ a sa. Kɔnɔ belbelso nɛ ŋkpaŋ fuloŋ nɛ b kɔ a fule basa nɛ b maŋ nyi asheŋ to.

1 Kɔrintebi 11:2

Saŋkikɛ mee chɔrɔ menyi nna ŋkpal men ka bee nyiŋi ma kusɔ kama to nɛ kananɛ men baa kɔ keŋini mo nɛ n ta n sa menyi na to so.

1 Kɔrintebi 4:18

Menyi be beko bee wu menyi be amu nna a fɛ fanɛ shere m maaŋ naŋ ba menyi kutɔ,

1 Kɔrintebi 4:8

Menyee fɛ fanɛ naniere men tea kɔ kusɔ kikɛ nɛ menyee sha ŋko? Men teŋ dii dama ŋko? Men ki bewura ŋ ka anyi. Nɛ men daa la bewura kashenteŋto k daa beeŋ par ma paa! Saŋɛ na so anyi alɛ gba daa beeŋ tu menyi a la bewura.

2 Kɔrintebi 11:3

Ama men be asheŋ bee keta ma kufu fanɛ nɛ men maŋ de so, kananɛ kusɔkpaŋ na daŋ ta mbe nambara n fule Hawa na, loŋ koŋwule na nɛ e beeŋ lara men be nfɛra ashi kagbene koŋwule be Kristo be kasha cheembi to.

Galeeshaebi 4:16

To, naniere bre ŋ ki men doŋ nna ŋkpal ŋ ka ji menyi kashenteŋ so ŋko?

Galeeshaebi 4:18

Keshin nɛ asheŋ e baa wɔ menyi to walɛ nɛ asheŋ na baa la alelasheŋ nna na a wɔ menyi to saŋkikɛ, mannɛ saŋɛ nɛ n wɔ men kutɔ nawule.

Filipaiebi 2:21

Bumo nɛ b ka na kikɛ be ekama wɔtɔ nna a de mo gbagba nawule be asheŋ so, ekama maŋ de Kristo be asheŋ so.

2 Pita 2:18

Ŋkpal manɛ so, njɔŋ be mmalga fuloŋ e naa lar bumo be nnɔ to, bumo alɛ nseŋ naa kɔ anishinyɔr be kayɛlgasɔ ashi bumo be eyurana to a pɛ basa nɛ b baŋ fara a sha kelara bumo be amu basa nɛ b wɔ kafule to.

2 Pita 2:3

Beŋinipoana ere beeŋ bɔla bumo be kajɛ so n ta bumo gbagba be ablɔmbi n ta menyi n nyalɛ. Bumo alɛ be kasogberge dese n chɛr a jo bumo nɛ bumo be esa nɛ e beeŋ mur bumo na maa di.