Galeeshaebi 4:15 - EBƆRƐ BE KAWƆL

¹⁵ Naniere, manɛ e wora men be kagbenefuli nɛ men daŋ nya na? Nɛ esa bishi ma, n daa beeŋ tiŋ ŋ kaŋɛ fanɛ nɛ k daa la kewora kusɔ ko nna gba, men daa beeŋ chule men be anishi gba n sa ma.

Galeeshaebi 4:15 ပူးပေါင်းရင်းမြစ်များ

Luuk 8:13

Asɔ duuso nɛ a tɔr kejasawule so na du fanɛ basa nɛ baa nu kamalga na nsaa sɔ kumo nɛ kagbenefuli na nna. Ama k maa luri bumo to nɛnɛ, amoso, b maa yirda a yɔ kufɔ. Kechɔŋkeni be jemanɛ baŋ ya fo nɛ b bɛ so ŋ gben.

Romebi 10:2

Ŋkpal manɛ so, meeŋ tiŋ n ji shɛda ŋ kaŋɛ fanɛ Ebɔrɛ be asheŋ pere bumo kenishi ga, ama loŋ be kenishipere na malɛ maŋ bɛ kepin asheŋ to so.

Romebi 15:13

Ebɔrɛ nɛ e bee sa anyi tama na e shin nɛ kagbenefuli nɛ kagbenewushi e bɔlɔ menyi to ashi menyi be keyirda mo ere to, saŋɛ na so menyi be tama beeŋ bɔla Kiyoyu Cheeŋ na be eleŋ to m bɔlɔ menyi to felɛlɛ n ya kaa wurge.

Romebi 5:2

Yesu kpal anyi be yirda so n shin nɛ an nya le be kuwɔr be kakɛ nɛ an wɔ ere to. Amoso, anyi be ŋgbene fuli anyi ŋkpal an ka kɔ tama fanɛ anyi alɛ gba beeŋ nya Ebɔrɛ be kemaŋkura nɛ e kɔ a jo anyi na so.

Romebi 9:3

Nɛ Ebɔrɛ daŋ kpal bumo so, ma yiri to ebi gbagba nɛ n de na, n so ma gbagba kɔnɔ nseŋ lara ma ashi Kristo be kebaawɔtɔ to gba, n daa beeŋ baa sha loŋ.

2 Kɔrintebi 8:3

Ma alɛ e kaŋɛ menyi kashenteŋto na fanɛ b sa kananɛ b tiŋ hale n ya baŋ kananɛ bumo be eleŋ sa gba so.

Galeeshaebi 3:14

E sɔ anyi nna n yige nɛ nɛfa nɛ Ebɔrɛ ta n sa Eebraham na e bɔla Yesu Kristo so m ba nnyamase so, saŋɛ na so anyeeŋ nya Kiyoyu Cheeŋ nɛ Ebɔrɛ daŋ nase kɔnɔ fanɛ e beeŋ sa na.

Galeeshaebi 4:14

Kulɔ na daa la kechɔŋkeni gboŋgboŋi nna n sa menyi, ama men maŋ keni ma jiga ŋko ŋ kini ma. Men daŋ sɔ ma nna fanɛ ŋ ka la malaika ŋko fanɛ Kristo Yesu gbagba na.

Galeeshaebi 4:16

To, naniere bre ŋ ki men doŋ nna ŋkpal ŋ ka ji menyi kashenteŋ so ŋko?

Galeeshaebi 4:19

Ma mbi shasoana, ebesa nɛ k wɔ ma to a sa menyi ere baa du fanɛ eche be kakurge be ebesa nna a wɔ ma to ama n ya wu fanɛ Kristo be kebaawɔtɔ na kikɛ ya luri nna m bɔlɔ menyi to.

Galeeshaebi 5:22

Ama nɛ Kiyoyu na baa wɔ esa to, le be asɔ lela ere e du fanɛ kusɔrso a wɔ amodoŋwura to nɛ e bee wora: Kasha nɛ kagbenefuli nɛ kagbenewushi nɛ kanyiti nɛ kebaala esa nɛ alelasheŋ nɛ kebaayɛ a wora

Galeeshaebi 6:4

Ekama e baa keni mo gbagba be asheŋ woraso to a nyi kananɛ a du, nɛ a baa walɛ, e chɔrɔ mbe kumu. Ama e sa maa ta mbe asheŋ woraso a kesar esa pɔtɛ peya so.

Kɔlɔsiebi 4:13

Mee malga Epafras be asheŋ nna, ŋkpal manɛ so, mee sha keji shɛda nna fanɛ e ka bee mɔ mbe kumu a shuŋ menyi Laodisiyaebi nɛ Hiɛrapɔlisebi.

1 Tɛsalɔnikaebi 2:8

Mannɛ fanɛ baru lela nɛ k shi Ebɔrɛ kutɔ na nawule nɛ an daŋ bugi kagbene n sa menyi, ama an daŋ ta an be amu kikɛ gba nna n sa menyi kashaso, ŋkpal manɛ so, men be asheŋ daa wɔ an be ŋgbene to ga.

1 Tɛsalɔnikaebi 5:13

Men baa sa bumo bunyaŋ nɛ kasha kpakpaso ŋkpal kushuŋ nɛ baa shuŋ na so. Men baa kɔ kɔnɔkoŋwule abar so.