Galeeshaebi 4:12 - EBƆRƐ BE KAWƆL

¹² Ŋ kurgepoana, mee kule menyi nna fanɛ men baa du fanɛ ma, ŋkpal manɛ so, ma alɛ gba baŋ ba ki fanɛ menyi nna. Dra na men daa maŋ wora ma kulubi kama, ama naniere bre menyee wora.

Galeeshaebi 4:12 ပူးပေါင်းရင်းမြစ်များ

Jɛnesis 34:15

Ekpa koŋwule so nawule nɛ anyeeŋ shuli n sa fo. Kumo e la fanɛ menyeeŋ ki fanɛ anyi nna, nseŋ ku menyi be benyɛn kikɛ atutu.

1 Bewura 22:4

Kede be kaman nɛ ewura Ahab bishi ewura Jehoshafat le: “Feeŋ tu ma n ya kɔ Ramɔfebi kena a?” Nɛ ewura Jehoshafat kaŋɛ: “Saŋkama nɛ fo wora shiriya ma alɛ gba wora shiriya nɛ ma benapo nɛ benapo nɛ baa dii egbaŋɛ a kɔ na kikɛ gba wora shiriya. Anyeeŋ tu fo n yɔ.”

Ashuŋ Shunso 21:21

Basa kaŋɛ bumo fanɛ fo wɔtɔ nna a ŋini Juwebi nɛ b wɔ nnyamase be efuliana so nna fanɛ b yige kebaabɛ Mosis be mbra na so. B yɛ fo yɛ, b sa maa ku bumo be mbia atutu, bumo alɛ e sa maa bɛ Juwebi be edaŋkare na so.

2 Kɔrintebi 2:5

Nɛ esa baŋ bar kagbenejija anyi to, mannɛ ma kagbene nɛ amodoŋwura jija, ama nɛ fo keni to, menyi kikɛ be ŋgbene nɛ e jija. M maa sha fanɛ n ta kenishipere ga n tu amodoŋwura na.

2 Kɔrintebi 6:11

Kɔrintebi, an bugi to nna m malga asheŋ ere n sa menyi na nɛ anyi alɛ be ŋgbene malɛ baŋ bugi n sa menyi.

2 Kɔrintebi 6:13

Naniere mee malga nna a sa menyi fanɛ ma mbia gbagba fanɛ men baa kɔ kasha koŋwule mo nɛ an kɔ a sa menyi na a sa anyi alɛ gba. Men bugi men be ŋgbene kikɛ to.

Galeeshaebi 2:14

Ŋ ka wu fanɛ kesheŋ nɛ b wora na maŋ bɔla kashenteŋ be baru lela na be ekpa so nɛ ŋ kaŋɛ Pita le ashi bebɛsopo na kikɛ be anishito: “To, Juw e la fo nɛ fo daa wɔ nfe fanɛ kanyamase, mannɛ fanɛ Juw. Nɛ nuso nɛ feeŋ wora n tintiŋ nnyamase nɛ b baa wɔtɔ a bɛ Juwebi be edaŋkaresheŋ so?”

Galeeshaebi 4:11

Men be asheŋ bee ku ma kagbene nna nɛ mee fɛ fanɛ shere ŋ gben menyi so jiga nna na.

Galeeshaebi 4:13

Men nyi fanɛ kulɔ ka daŋ pɔɔ ma so so e shin nɛ m bɔ baru lela na n sa menyi sososo na.

Galeeshaebi 6:14

Ama ma ere, kaarɛ gba fanɛ ŋ ka beeŋ ji njɔŋ ko she an Nyɛnpe Yesu Kristo be luwu nɛ e wu kedibi largato na so nawule so, nɛ durnya maŋ naa la shɛŋ ma anishito.

Galeeshaebi 6:18

Ŋ kurgepoana, an Nyɛnpe Yesu Kristo be kuwɔr be kakɛ na e baa wɔ men kikɛ so nyam. Amɛn.