Galeeshaebi 3:29 - EBƆRƐ BE KAWƆL

²⁹ Nɛ men baa la Kristo peya bre, kumo ere Eebraham be kaman to ebi e la menyi nɛ menyi alɛ nya kakɛ nɛ Ebɔrɛ nase kɔnɔ a sa mbe mbia na.

Galeeshaebi 3:29 ပူးပေါင်းရင်းမြစ်များ

Matiu 3:9

nsaa maa fɛ fanɛ, nɛ men kaŋɛ men be amu le: ‘An nana e la Eebraham’, menyeeŋ ji n lar. Ma e kaŋɛ menyi na fanɛ Ebɔrɛ beeŋ tiŋ n ta ajembu ere m pɔr kaman to ebi n sa Eebraham.

Romebi 8:17

To, nɛ anyi alɛ baa la mbia bre, kumo ere anyeeŋ nya enɛfa nɛ e kɔ a jo mbe basa na. Kumo be kaman nɛ anyi nɛ Kristo e naaŋ nya kusɔ nɛ Ebɔrɛ kɔ a sa mo na, ŋkpal manɛ so, nɛ an baa tu Yesu a ji mbe awurfoŋ na fanɛ kananɛ e daŋ ji na, anyi alɛ beeŋ naŋ tu mo n nya mbe kemaŋkura na.

1 Kɔrintebi 15:23

Ama ekama nɛ mbe saŋɛ nna, sososo Kristo nɛ e la ejuŋkparso na e tiŋi, mo alɛ kaŋ naŋ ba, bumo nɛ b la mo peya na e naaŋ tiŋi m bɛ so.

2 Kɔrintebi 10:7

Asheŋ be kaman nɛ menyi ere bee keni, ama esa kama nɛ e baa nyi geeŋ fanɛ e la Kristo peya nna, amodoŋwura na e baa nyi fanɛ kananɛ e baa la Kristo peya na, loŋ nɛ anyi alɛ gba la mo peya.

Galeeshaebi 3:16

Eebraham nɛ mbe kamanto be esa nɛ Ebɔrɛ daŋ nase nnɔ na n sa. Abɔrɛsibɛ na maa kaŋɛ fanɛ fo Eebraham nɛ fo kaman to ebi, kumo e la fanɛ, a ber bumo fanɛ basa damta. Abɔrɛsibɛ na yɛ: “Nɛ fo kamanto be esa”, a ŋini fanɛ esa koŋwule nɛ Ebɔrɛ de na. Mo e la Kristo na.

Galeeshaebi 3:18

Amoso, nɛ mbra na be kebɛso so nɛ esa bee bɔla a nya Ebɔrɛ be nɛfa na bre, kumo ere mannɛ kɔnɔ naseso na so nɛ yirda na naa deŋ so na. Ama ŋkpal kuwɔr be kakɛ na so nɛ e daŋ bɔla mbe kɔnɔ naseso na so n ta nɛfa na n sa Eebraham.

Galeeshaebi 3:28

Amoso, Ebɔrɛ be anishito Juw maŋ kɔr kanyamase to, kenya maŋ kɔr esa nɛ e wɔ mbe kumu to, benyɛn maŋ kɔr beche to, men kikɛ la kukoŋwule nna ashi Kristo Yesu to.

Galeeshaebi 3:7

Amoso, men baa nyi fanɛ basa kama nɛ b yirda Ebɔrɛ e la Eebraham mo nanabiana.

Galeeshaebi 4:1

Kusɔ nɛ mee kaŋɛ nde fanɛ, nɛ esa pibi nɛ e beeŋ ba kaa wɔ mo tuto be asɔ kraa la kebibi, e maŋ la shɛŋ. Mo nɛ laŋ na to be kenya maŋ kɔr abar to, ŋkeshin nɛ mo alɛ e wɔ mo tuto be asɔ na kikɛ.

Galeeshaebi 4:7

Amoso, naniere men maŋ naa la anya, men ki Ebɔrɛ be mbia nna. Menyi alɛ ka ki loŋ ere so, asɔ nɛ Ebɔrɛ kɔ a sa mbe mbia na malɛ gba kikɛ ki menyeya.

Galeeshaebi 5:24

Basa nɛ b la Kristo peya na maŋ naa shin nɛ bumo be kapɔr lubiana ere bee wɔ bumo, naniere a du fanɛ b ka ta kapɔr lubiana ere nɛ amo be asɔ sha so nɛ ayɛlgasɔ nna ŋ gbir m mata kedibi so m mɔ.

Galeeshaebi 6:16

Ebɔrɛ be kagbenewushi nɛ mbe kuwɔr e baa wɔ bekama nɛ baa bɛ le be kesheŋ ere so n ti Ebɔrɛ be basa kikɛ so.

Ɛfesesebi 3:6

Wulo na nde fanɛ baru lela na so nɛ nnyamase nɛ Juwebi kikɛ beeŋ gama n nya Ebɔrɛ be enɛfa na. B la eyur koŋwule to be mba nna ŋ gama a kɔ Ebɔrɛ be nnɔ naseso nɛ Ebɔrɛ bɔla Kristo Yesu so n nase na.

Taites 3:7

Ŋkpal mbe kuwɔr be kakɛ na so e kpra anyi be alubi ashi anyi so nɛ ŋkpa nɛ k maŋ kɔ ekar nɛ anyee tama na e ki anyeya.

Hibruwebi 1:14

To, kananɛ emalaika be asheŋ du Ebɔrɛ be anishito nna na. Bumo kikɛ la ayoyu nna a shuŋ Ebɔrɛ nɛ e bee shuŋi bumo nɛ baa chɛ bumo nɛ baaŋ nya kumɔlga na to.

Hibruwebi 11:18

Le nɛ Ebɔrɛ daŋ kaŋɛ mo pibi be asheŋ: “Aizek to nɛ feeŋ bɔla n nya kaman to ebi na.”

Hibruwebi 11:7

Yirda so nɛ Nowa daŋ nu Ebɔrɛ be kɔnɔ a yɛ asheŋ nɛ a daa beeŋ ba kachako so nɛ esa maŋ naŋ wu na. Ebɔrɛ ka daŋ kaŋɛ loŋ na e daŋ nu n sa mo nseŋ gbir kuloŋgboŋ nɛ mo nɛ mbe kanaŋ luri m mɔlga bumo be amu. Ŋkpal loŋ na so durnyaebi daa maŋ nya kashenteŋ, kumo be kaman nɛ e nya yirda be tɔnɔ, kumo e la fanɛ e ki elelapo Ebɔrɛ be anishito.

Hibruwebi 6:17

Ebɔrɛ daa sha keŋini basa nɛ baaŋ nya kusɔ nɛ e nase kɔnɔ ŋ kaŋɛ fanɛ e beeŋ wora na fanɛ e maaŋ chɛrga mbe kɔnɔ naseso na kikɛ, amoso nɛ e bɔ ntaŋ n sa bumo na.

Jeems 2:5

Ŋ kurgepo shasoana, men baa nyi fanɛ basa nɛ b maŋ kɔ shɛŋ basa be anishito na nɛ Ebɔrɛ lara fanɛ b yirda Yesu Kristo nseŋ ki damawuraana ashi Ebɔrɛ be anishito nseŋ nya n luri mbe kuwura mo nɛ e nase kɔnɔ fanɛ e beeŋ sa basa nɛ baa sha mo na to.

Kelaraŋŋini 21:7

Ekama nɛ e kɔ m pɔɔ so beeŋ nya ade kikɛ, nɛ m baa la amodoŋwura be Ebɔrɛ nɛ mo alɛ e baa la m pibi.