Galeeshaebi 3:24 - EBƆRƐ BE KAWƆL

²⁴ Amoso, mbra na e daa wɔ anyi a ŋini anyi kebaawɔtɔ hale le pɔɛŋ nɛ Kristo ba, saŋɛ na so anyeeŋ bɔla yirda to n ji n lar Ebɔrɛ be anishito.

Galeeshaebi 3:24 ပူးပေါင်းရင်းမြစ်များ

Romebi 10:4

Kristo malɛ e bar mbra na ekar, saŋɛ na so, ekama nɛ e yirda, Ebɔrɛ beeŋ shin nɛ mo nɛ amodoŋwura e nyalɛ.

Romebi 9:30

To, naniere, nuso nɛ anyeeŋ kaŋɛ? Kumo kikɛ nde fanɛ saŋɛ na nnyamase daa maa fin bumo nɛ Ebɔrɛ be nferinto be kelela, ama naniere bre b bɔla yirda so n nya loŋ be kebaawɔtɔ.

1 Kɔrintebi 4:15

Kashenteŋ nna fanɛ hale nɛ men kɔ basa nɛ baa ŋini menyi Kristo be asheŋ damta fanɛ kagboŋ gba, menyi maŋ kɔ betuto damta bre, ŋkpal manɛ so, Kristo Yesu to, ma e daŋ bɔla baru lela na so ŋ ki menyi tuto.

Galeeshaebi 2:16

baa nyi fanɛ esa be kebaabɛ mbra na so maa shin nɛ Ebɔrɛ bee kaŋɛ fanɛ e ji n lar ama e bɔla Yesu Kristo so nna n yirda. Amoso, anyi alɛ gba ta anyi be yirda nna n deŋi Yesu so nɛ Ebɔrɛ e bɔla Kristo na so n shin nɛ an ji n lar, ama mannɛ ŋkpal anyi be kebaabɛ mbra na so so, ŋkpal manɛ so, kebaabɛ mbra na so maaŋ tiŋ n shin nɛ esa kikɛ e ji n lar Ebɔrɛ be anishito kikɛ.

Galeeshaebi 2:19

Ŋkpal manɛ so, mbra na be kaplɛa so, n wu nna, mbra na mɔ ma, saŋɛ na so nɛ m baa wɔ ŋkpa to a sa Ebɔrɛ.

Galeeshaebi 3:25

Naniere, yirda be jemanɛ ere ka ba ere bre, mbra na maŋ naa wɔ anyi.

Kɔlɔsiebi 2:17

Ŋkpal manɛ so, ade ere bre kikɛ daŋ ŋini nna fanɛ kusɔ nɛ k bɔ ade kikɛ ka beeŋ ba, ama kusɔ nɛ k la kashenteŋ na malɛ shi Yesu Kristo to nna.