Galeeshaebi 3:22 - EBƆRƐ BE KAWƆL

²² Ama abɔrɛsibɛ na bee kaŋɛ fanɛ durnya kikɛ wɔ alubi be enɔ to nna, amoso, basa nɛ b yirda beeŋ nya kakɛ nɛ Ebɔrɛ nase kɔnɔ fanɛ e beeŋ sa na ŋkpal b ka bee yirda Yesu Kristo so.

Galeeshaebi 3:22 ပူးပေါင်းရင်းမြစ်များ

Nshɛ 143:2

Sa maŋ ji ma, fo kayɛrbi demu; ŋkpal manɛ so, esa kikɛ be kebaawɔtɔ maŋ niŋi ashi fo anishito.

Maak 16:16

Ekama nɛ e yirda, nɛ b bɛr mo kabɔrɛbɛr, e beeŋ nya kumɔlga, ama ekama nɛ e maŋ yirda, e beeŋ nya kasogberge.

Baru lela nɛ Jɔn kute na 12:46

M ba durnya to nna fanɛ kefulto na, saŋɛ na so, ekama nɛ e yirda ma, maaŋ shir a wɔ tentembiri to.

Baru lela nɛ Jɔn kute na 20:31

Ama b sibɛ ade ere nna nɛ men yirda fanɛ Yesu e la Mesaya na, Ebɔrɛ Pibinyɛn na, nɛ menyi alɛ yirda loŋ, men beeŋ nya ŋkpa ashi mbe ketre na to.

Baru lela nɛ Jɔn kute na 3:36

Esa kama nɛ e yirda Ebinyɛn na kɔ ŋkpa nɛ k maŋ kɔ ekar na, ama esa kama nɛ e kini Ebinyɛn na, maaŋ wu ŋkpa na, ama Ebɔrɛ be agbo e naaŋ baa wɔ mo so.

Baru lela nɛ Jɔn kute na 5:24

Ma e kaŋɛ menyi kashenteŋto na fanɛ esa kama nɛ e nu ma mmalga ere nseŋ yirda esa nɛ e shuŋi ma na kɔ ŋkpa nɛ k maŋ kɔ ekar na, mo alɛ maaŋ ji n tɔr, ama e teŋ lar luwu to m ba luri ŋkpa to.

Baru lela nɛ Jɔn kute na 6:40

Ŋkpal manɛ so, n Tuto be aparsheŋ e la fanɛ esa kama nɛ e wu ma, Nyiŋgbasa Pibinyɛn na nseŋ yirda, amodoŋwura beeŋ nya ŋkpa nɛ k maŋ kɔ ekar na nɛ n tiŋi mo ashi luwu to lalaloge be kachɛ na.”

Ashuŋ Shunso 16:31

Nɛ b kaŋɛ mo: “Yirda Enyɛnpe Yesu Kristo nɛ fo nɛ fo laŋ to ebi e nya kumɔlga.”

Romebi 10:9

Nɛ fo baŋ bugi kɔnɔ n ji shɛda ŋ kaŋɛ fanɛ Yesu e la Enyɛnpe na nseŋ yirda fanɛ Ebɔrɛ tiŋi mo ashi luwu to, feeŋ nya kumɔlga.

Romebi 11:32

Ŋkpal manɛ so, Ebɔrɛ yige basa kikɛ nna n wɔtɔ kasomaanu be kebaawɔtɔ to, saŋɛ na so nɛ e wu bumo kikɛ kuwɔr.

Romebi 3:22

Loŋ be shɛda nɛ mbra na gba nɛ anebiana na bee ji. Ebɔrɛ malɛ bee bɔla basa be yirda nɛ k deŋ Yesu Kristo so so nna a shin nɛ mo nɛ basa na kikɛ bee nya kɔnɔkoŋwule. Mo alɛ maa kpɛa basa to.

Romebi 3:23

Ŋkpal manɛ so, ekama nyam wora kulubi a maŋ taga to Ebɔrɛ be kemaŋkura na.

Romebi 5:12

To, naniere, men baa nyi fanɛ esa koŋwule so nɛ alubi bɔla m ba durnya to nɛ luwu malɛ ba ŋkpal alubi na so m ba sɔ durnya kikɛ to nyam, ŋkpal manɛ so, basa kikɛ wora alubi.

Galeeshaebi 3:14

E sɔ anyi nna n yige nɛ nɛfa nɛ Ebɔrɛ ta n sa Eebraham na e bɔla Yesu Kristo so m ba nnyamase so, saŋɛ na so anyeeŋ nya Kiyoyu Cheeŋ nɛ Ebɔrɛ daŋ nase kɔnɔ fanɛ e beeŋ sa na.

Galeeshaebi 3:17

Kusɔ nɛ mee ŋini nde fanɛ: Ebɔrɛ e daŋ nase kɔnɔ fanɛ e beeŋ bɛ kɔnɔ na so. Kumo be nfɛ alfa ana nɛ adesa be kaman nɛ mbra na lar, ama mbra na maaŋ tiŋ m ba jija Ebɔrɛ be kɔnɔ naseso na nseŋ kpra kumo.

Galeeshaebi 3:23

Pɔɛŋ nɛ yirda ere be jemanɛ na fo, mbra na daŋ nyaŋ anyi nna a wɔtɔ fanɛ ebutipoana nɛ an baa wɔtɔ loŋ hale pɔɛŋ nɛ le be yirda be jemanɛ be kefo ere ba lar efuli ere.

Galeeshaebi 3:29

Nɛ men baa la Kristo peya bre, kumo ere Eebraham be kaman to ebi e la menyi nɛ menyi alɛ nya kakɛ nɛ Ebɔrɛ nase kɔnɔ a sa mbe mbia na.

2 Timoti 1:1

Kawɔl ere shi ma Pɔɔl nɛ n la Kristo Yesu be eshuŋipo ŋkpal Ebɔrɛ be keparso nɛ ŋkpal kɔnɔ nɛ Ebɔrɛ nase ŋ kaŋɛ fanɛ e beeŋ sa basa nɛ b yirda Kristo Yesu ŋkpa na so kutɔ nna

Hibruwebi 9:15

Amoso, mo e la kɔnɔkoŋwule be ŋkre popɔr na be ematapo, saŋɛ na so bumo nɛ Ebɔrɛ tre na beeŋ nya kɔnɔ naseso na be enɛfa nɛ a wɔtɔ mbaanaayɔ nɛ Ebɔrɛ kaŋɛ fanɛ e beeŋ sa na. Le be kesheŋ beeŋ tiŋ n wora nna ŋkpal Kristo ka wu nɛ mbe luwu na bee tiŋ a sɔ basa ashi bumo be alubi nɛ b daa kɔ a wɔ kɔnɔkoŋwule be ŋkre dra na to a yige so.

2 Pita 1:4

Ade malɛ kikɛ so nɛ e bɔla n sa anyi mbe nnɔ naseso gboŋana nɛ a maŋ kɔ abraana kikɛ na, saŋɛ na so menyeeŋ bɔla amo so ŋ gelge kafulesheŋ nɛ k wɔ durnya ere to ŋkpal kumo be ayɛlgasɔ so nseŋ ba tu Ebɔrɛ a kɔ mbe kapɔr na.

2 Pita 3:13

Ama mbe kɔnɔ nɛ e nase na so nɛ anyee keni esoso popɔrana na nɛ kasawule popɔr na ekpa, ndoŋ nɛ Ebɔrɛ be anishito be alelasheŋ wɔ na.

1 Jɔn 2:25

Kusɔ nɛ mo alɛ nase kɔnɔ fanɛ e beeŋ sa anyi e la ŋkpa nɛ k maŋ kɔ ekar na.