Galeeshaebi 3:17 - EBƆRƐ BE KAWƆL

¹⁷ Kusɔ nɛ mee ŋini nde fanɛ: Ebɔrɛ e daŋ nase kɔnɔ fanɛ e beeŋ bɛ kɔnɔ na so. Kumo be nfɛ alfa ana nɛ adesa be kaman nɛ mbra na lar, ama mbra na maaŋ tiŋ m ba jija Ebɔrɛ be kɔnɔ naseso na nseŋ kpra kumo.

Galeeshaebi 3:17 ပူးပေါင်းရင်းမြစ်များ

Jɛnesis 15:13

Kumo be kaman nɛ Enyɛnpe Ebɔrɛ kaŋɛ mo: “Eebram, baa nyi geeŋ fanɛ kachako fo kanaŋ to ebi beeŋ ki befɔ ashi kasawule nɛ b maŋ nyi so nseŋ ki anya ndoŋ nɛ b tɔrɔ bumo ga nfɛ alfa ana.

Jɛnesis 15:18

To, kumo be kachɛ na nɛ Enyɛnpe nɛ Eebram wora kɔnɔkoŋwule be ŋkre nɛ Enyɛnpe kaŋɛ mo: “Kɔnɔ nɛ mee nase a sa fo e la fanɛ meeŋ ta kasawule nɛ k yili lɔr nɛ k wɔ Ijipt be kasawule be ekar n ya fo lɔrgboŋ nɛ baa tre Yufreetes na kikɛ n sa fo kaman to ebi,

Jɛnesis 17:19

Nɛ Ebɔrɛ kaŋɛ: “Ayai, loŋ maaŋ wora, fo eche Sɛɛra e naaŋ kurge ebinyɛn n sa fo nɛ fo nase mo ketre Aizek. Meeŋ shin nɛ ma kɔnɔkoŋwule be ŋkre na e baa wɔ mo ere nɛ mbe kaman to ebi so mbaanaayɔ.

Job be kawɔl 40:8

Fee sha nɛ fo ŋini fanɛ m maa ji asheŋ nɛ amo be ekpa so. Ma e maŋ wora n nyalɛ, fo ere e wora n nyalɛ, ŋko?

Nshɛ 105:9

Le be kɔnɔkoŋwule be ŋkre nɛ mo nɛ men nananyɛn Eebraham kre, nɛ e bɔ ntaŋ n nase kɔnɔ n sa men nananyɛn Aizek malɛ dra dra na.

Nshɛ 33:10

Enyɛnpe Ebɔrɛ na e naa jija efuliana be ŋkre. Mo e naa kuŋ bumo be nfɛra lubiana ekpa.

Aizaaya 14:27

Enyɛnpetale Ebɔrɛ na e yili kumo mbe kagbene to fanɛ e beeŋ wora ade kikɛ. Esa kikɛ malɛ maaŋ tiŋ ŋ kuŋ mo ekpa fanɛ e sa maŋ wora amo.

Aizaaya 28:18

Menyi nɛ luwu be kɔnɔ nɛ men wora na nɛ kananɛ menyi nɛ basa nɛ b wu n yɔ bubuni to be nnɔ wora kukoŋwule na beeŋ ba ekar. Kumo be kaman nɛ jɛrbi e ba menyi so fanɛ nchu ka bɔlɔ n sulɔ menyi n yɔ na.

Nɔmbɛs 23:19

Ebɔrɛ maŋ la dimɛdi nna a ku efɛ ŋko nyiŋgbasa a chɛrga mbe nfɛra, kusɔ kama nɛ e nase kɔnɔ fanɛ e beeŋ wora, mo alɛ beeŋ wora kumo. E bee malga nna nɛ k bee wora.

Nɔmbɛs 30:8

Nɛ mo kul ju mo fanɛ e sa maŋ wora m bɔlɔ kɔnɔ naseso na so bre, kumo ere k maŋ naŋ daga fanɛ e wora m bɔlɔ kumo so. Enyɛnpe Ebɔrɛ malɛ beeŋ ta m paŋ mo.

Baru lela nɛ Jɔn kute na 1:17

Ŋkpal manɛ so, anebi Mosis so nɛ Ebɔrɛ bɔla m bar mbra na, ama kuwɔr be kakɛ nɛ kashenteŋ bre shi Yesu Kristo so nna.

Ashuŋ Shunso 7:6

Le nɛ Ebɔrɛ daŋ kaŋɛ mo: ‘Fo kaman to ebi beeŋ ba kaa wɔ efuli pɔtɛ ko so, kakpa nɛ baaŋ baa la anya nɛ b tɔrɔ bumo ga nfɛ alfa ana.

Romebi 3:25

Ebɔrɛ ta mo nna n sa basa nɛ e wu m mata be luwu nɛ k bee shin nɛ dimɛdi bee bɔla yirda so a nya alubi be ketampaŋ na. Ebɔrɛ wora loŋ nna nɛ e ŋini kananɛ e bee ji asheŋ nɛ amo be ekpa so, ŋkpal manɛ so, saŋɛ na e daa nyi basa be alubi nna nsaa nyiti bumo.

Romebi 3:3

Ama nɛ bumo be beko malɛ kini kebugi epunto n sa Ebɔrɛ ai? Loŋ beeŋ tiŋ n shin nɛ Ebɔrɛ malɛ e ki kɔnɔleŋiwura a?

1 Kɔrintebi 1:12

Kusɔ nɛ mee ber e la fanɛ men wɔtɔ nna a kaŋɛ abar le: “Pɔɔl nɛ ma ere bɛ so,” nɛ ede kaŋɛ: “Apɔlɔs nɛ ma ere bɛ so,” nɛ ede malɛ e kaŋɛ: “Sifas nɛ ma ere bɛ so,” nɛ eko malɛ e kaŋɛ: “Kristo nɛ ma ere bɛ so.”

1 Kɔrintebi 1:17

Ŋkpal manɛ so, Kristo maŋ shuŋi ma nna fanɛ m ba kaa bɛr basa kabɔrɛbɛr, e shuŋi ma nna fanɛ m ba kaa bɔ baru lela na a sa basa. Kumo alɛ maŋ la fanɛ m ba ta dimɛdi be kamalganyi be mmalga nna n wora loŋ, nɛ mannɛ aloŋ, Kristo be luwu nɛ e wu kedibi largato so na beeŋ paŋ kumo be eleŋ na.

1 Kɔrintebi 10:19

To, nuso nɛ mee ber ere, fanɛ kalɔŋɛjibi e la kusɔ ko ŋko kegbir bre e la kusɔ ko?

1 Kɔrintebi 7:29

Ŋ kurgepoana, kusɔ nɛ n de e la fanɛ, saŋɛ maŋ naa shi. Amoso, bekama nɛ b kɔ beche e baa wɔtɔ fanɛ bumo nɛ b maŋ kɔ beche.

2 Kɔrintebi 1:20

Ŋkpal manɛ so, Ebɔrɛ be nnɔ naseso baa sha a baa shi kanaŋkamaso, amo kikɛ la mm be mmalga nna ashi Kristo to. Amoso, mo so nɛ anyee bɔla a shuli ‘Amɛn’ a ta kemaŋkura a sa Ebɔrɛ.

2 Kɔrintebi 9:6

Men baa nyiŋi fanɛ esa kama nɛ e bee duu asɔ miiriso, beeŋ teŋi miiriso be asɔ nna nɛ esa kama malɛ nɛ e bee duu asɔ damaso beeŋ teŋi asɔ damaso nna.

Galeeshaebi 3:15

Bekurgepoana, men shin nɛ n ta durnya ere to be kesheŋ ŋ kesar kesheŋ ere. Nɛ fanɛ durnya ere to be basa anyɔ baŋ nase kɔnɔ n sa abar, bumo be ekama maaŋ tiŋ n naŋ wora n da kɔnɔ naseso na so ŋko n ta kusɔ ko n naŋ ti kumo so. To, loŋ nɛ kesheŋ na du Ebɔrɛ be kaplɛa so.

Galeeshaebi 3:21

To, ama an kaŋɛ fanɛ mbra na nɛ Ebɔrɛ be nnɔ nasesoana maa kukwe nna ŋko? Ayai, mannɛ loŋ nna kuraa. Ŋkpal manɛ so, nɛ mbra ko daŋ ba na m ba kaa tiŋ a sa ŋkpa, kumo ere basa daa beeŋ bɔla mbra na so ŋ ki belelapo Ebɔrɛ be anishito.

Galeeshaebi 5:16

Amoso, mee kaŋɛ menyi nna na fanɛ men baa wɔ Kiyoyu na be kebaawɔtɔ to nsaa maa wora kapɔr lubi ere be ayɛlgasheŋ.

Galeeshaebi 5:4

Menyi, bumo nɛ menyee wora ania a sha kebɛ mbra na so n ji n lar Ebɔrɛ be anishito ere, barga men be amu ashi Kristo na kutɔ nna na. Men lar kuwɔr be kakɛ be kebaawɔtɔ to.

Ɛfesesebi 2:12

Men daa la befɔ nna ashi Israɛl be efuli so ebi to. Menyi alɛ be shɛŋ daa maŋ wɔ nnɔkoŋwule nɛ a wɔ Ebɔrɛ nɛ Israɛlebi be nferinto na to, ŋkpal mbe nnɔ naseso nɛ e nase n sa mbe basa na so. Men daa wɔ durnya ere to nna a maŋ kɔ tama kikɛ, menyi alɛ daa maa ta Ebɔrɛ a wɔtɔ men be asheŋ to.

Ɛfesesebi 4:17

Amoso, ma kamalga mo nɛ ŋ kɔ a sa menyi nsaa fiɛ menyi so ashi Enyɛnpe na be ketre to e la fanɛ men sa maŋ naa wɔtɔ fanɛ basa nɛ b maŋ nyi Ebɔrɛ nɛ b kɔ nfɛra fuloŋ a wɔtɔ na.

Kɔlɔsiebi 2:4

Mee kaŋɛ menyi ade kikɛ nna nɛ men sa maŋ shin nɛ esa kikɛ e tiŋ n ta efɛ be kamɔrɔji n shin nɛ men foe ekpa.

Hibruwebi 11:13

Yirda to nɛ basa ere kikɛ daa wɔ nseŋ wu nɛ b maŋ naŋ nya asɔ nɛ Ebɔrɛ nase kɔnɔ fanɛ e beeŋ sa na. B daŋ to kenishi nna n yɔ kufɔ n wu amo n sɔ amo a nyi fanɛ b shi efuli pɔtɛ so nna a la befɔ kasawule ere so.

Hibruwebi 7:18

Amoso, kesheŋ naseso dra na maŋ naa wɔ asheŋ to nna na, ŋkpal manɛ so, k daa maŋ kɔ eleŋ, kumo alɛ maŋ naa kɔ tɔnɔ.

1 Pita 1:20

Ebɔrɛ lara mo nna pɔɛŋ nseŋ to durnya ere, ama lalaloge be nchɛ ere to nɛ e lara mo ŋ ŋini ŋkpal menyi so.