Galeeshaebi 3:16 - EBƆRƐ BE KAWƆL

¹⁶ Eebraham nɛ mbe kamanto be esa nɛ Ebɔrɛ daŋ nase nnɔ na n sa. Abɔrɛsibɛ na maa kaŋɛ fanɛ fo Eebraham nɛ fo kaman to ebi, kumo e la fanɛ, a ber bumo fanɛ basa damta. Abɔrɛsibɛ na yɛ: “Nɛ fo kamanto be esa”, a ŋini fanɛ esa koŋwule nɛ Ebɔrɛ de na. Mo e la Kristo na.

Galeeshaebi 3:16 ပူးပေါင်းရင်းမြစ်များ

Jɛnesis 12:3

Bekama malɛ nɛ b nɛfa fo, ma alɛ gba beeŋ nɛfa bumo. Ama ekama nɛ e sho fo kɔnɔ, ma alɛ gba beeŋ sho amodoŋwura kɔnɔ. Fo so nɛ meeŋ bɔla n nɛfa durnya to ebi kikɛ.”

Jɛnesis 12:7

Ndoŋ nɛ Enyɛnpe na lar Eebram so ŋ kaŋɛ mo: “Meeŋ ta kasawule ere n sa fo kanaŋ to ebi.” Kumo be kaman nɛ Eebram yuu bɔrɛsure ndoŋ n lara sarga n sa Enyɛnpe Ebɔrɛ nɛ e lar mo so ndoŋ na.

Jɛnesis 15:5

Ndoŋ nna nɛ Enyɛnpe Ebɔrɛ shin nɛ Eebram lar kowu nɛ e kaŋɛ mo: “Keni esoso ŋ keni, feeŋ tiŋ ŋ karga achɛkpabi ere a? To, nɛ fo maaŋ tiŋ ŋ karga amo bre, kumo ere loŋ nɛ fo kanaŋ to ebi beeŋ ba kaa sa na.”

Jɛnesis 21:12

Ndoŋ nna nɛ Ebɔrɛ kaŋɛ Eebraham le: “Sa maŋ shin nɛ fo kagbene e jija fo ga ŋkpal fo kenyache na nɛ mbe kebia so. Wora kusɔ kama nɛ Sɛɛra kaŋɛ fanɛ fo wora, ŋkpal manɛ so, Aizek so nɛ fo kanaŋ to ebi beeŋ nya ketre.

Jɛnesis 49:10

Juda e naaŋ ba kaa kɔ kuwurkpabi mbe enɔ to nɛ mbe kanaŋ to ebi malɛ e ba kaa ji kuwura basa so saŋkama. Efuli pɔtɛana so ebi beeŋ ba kaa bunyaŋ mo a gbir mo kumuli kasonuso.

Matiu 1:1

Kananɛ Yesu Kristo nɛ e shi Ewura Deevid nɛ mo alɛ shi Eebraham be kanaŋ to kikɛ lar nde.

Luuk 1:55

E nyiŋi kewu Eebraham nɛ mbe kanaŋ kikɛ kuwɔr mbaanaayɔ.”

Ashuŋ Shunso 3:25

Nnɔ nɛ Ebɔrɛ daŋ shin nɛ mbe anebiana nase na la menyi alɛ gba peya nna. Le nɛ e daŋ kaŋɛ Eebraham: ‘Fo kanaŋ to nɛ meeŋ bɔla n nɛfa durnya ere to be basa kikɛ.’

Romebi 12:5

To, loŋ koŋwule na nɛ anyi nɛ Yesu be kefɛato du. An shi, ama an la eyur koŋwule nna ashi mo to nɛ ekama malɛ wɔ mo barkasa to.

Romebi 4:13

Ebɔrɛ daŋ nase kɔnɔ nna n sa Eebraham nɛ mbe kaman to ebi fanɛ baaŋ nya durnya ere. Mannɛ Eebraham ka daa bɛ mbra na so so nɛ Ebɔrɛ nase kɔnɔ na, e ka daŋ yirda Ebɔrɛ nɛ e nase kumo fanɛ e la elelapo na so nɛ e daŋ wora loŋ.

Romebi 4:16

Amoso, yirda e la kɔnɔ naseso be kumu, saŋɛ na so, loŋ be kɔnɔ naseso na beeŋ baa la Ebɔrɛ be kakɛ be tɔɔnɛ a sa Eebraham be kaman to ebi kikɛ, mannɛ bumo nɛ baa bɛ mbra na so nawule na, ama bumo nɛ b yirda Ebɔrɛ fanɛ kananɛ Eebraham daŋ yirda na gba ti so. Ŋkpal manɛ so, Eebraham e la anyi kikɛ be etuto ashi abɔrɛsheŋ be kaplɛa so.

Romebi 9:4

Ma basa Israɛlebi nɛ n de na. Bumo nɛ Ebɔrɛ ta ŋ ki mbe mbia n shin nɛ b nya mbe kemaŋkura na n ti so. E nase kebaawɔtɔ koŋwuleso be kɔnɔ n sa bumo nseŋ sa bumo mbra na nɛ bɔrɛlambu na to be kabɔrɛshuŋ na nɛ b nya Ebɔrɛ be nnɔ naseso n ti so.

1 Kɔrintebi 12:12

Fanɛ kananɛ eyur baa la kukoŋwule kumo alɛ nsaa kɔ mba damta nɛ kumo be mba na kikɛ wɔ eyur koŋwule so na gbagba na nɛ Kristo gba du.

1 Kɔrintebi 12:27

To, menyi e la Kristo be eyur na nsaa la kumo be mba kukoko to.

2 Kɔrintebi 11:22

Mannɛ Hibruwebi e la bumo a? To, eko e la ma alɛ gba. Mannɛ Israɛlebi e la bumo a? To, eko e la ma alɛ gba. Mannɛ Eebraham mo nanabiana e la bumo a? To, eko e la ma alɛ gba.

Galeeshaebi 3:19

To, nɛ manɛ be tɔnɔ nɛ mbra na malɛ daa kɔ? B daŋ ta kumo nna n ti so nɛ k ŋini kusɔ nɛ k baa la kulubi nsaa wɔtɔ loŋ nɛ Eebraham be kamanto be esa nɛ b nase kɔnɔ na n sa na e ya ba. Emalaika so nɛ Ebɔrɛ daŋ bɔla n shin nɛ nyiŋgbasa, anebi Mosis nna na yili Ebɔrɛ nɛ basa be nferinto m bar mbra na.

Galeeshaebi 3:8

Abɔrɛsibɛ na malɛ wu kumo nna n yili fanɛ Ebɔrɛ ka beeŋ kpal nnyamase be yirda so n shin nɛ b ji n lar mbe anishito so so nseŋ wule m bɔ baru lela na n sa Eebraham fanɛ: “Fo so nɛ Ebɔrɛ beeŋ bɔla n nɛfa durnya ere to ebi kikɛ.”

Ɛfesesebi 5:32

Loŋ be kesheŋ ere malɛ la wulo be kashenteŋgboŋ nna n sa anyi, ama kashenteŋto, Kristo nɛ asɔri na be kaplɛa so nɛ mee malga.

Kɔlɔsiebi 2:19

Mo alɛ nɛ Yesu Kristo nɛ e la an be enimu na maŋ la kukoŋwule. Yesu Kristo na e la an be enimu a shin nɛ Ebɔrɛ be basa bee nya Ebɔrɛ be kenyi a ti so a du kananɛ Ebɔrɛ bee sha a wɔ abar so fanɛ kananɛ awibichɛkpa nɛ achin bee pɛ esa be eyur a kukwe abar so na.

Kɔlɔsiebi 3:11

Loŋ na bumo nɛ b kɔ kebaawɔtɔ popɔr na maaŋ naa kɔ ŋkpɛato a kaŋɛ fanɛ eko la kanyamase nɛ eko malɛ la Juwebi be esa, ŋko ede ku, ede bre maŋ ku kututu, ede la efɔ, ede la edɔtopo, ŋko ede la kenya nɛ ede wɔ mbe kumu. Yesu Kristo na nawule e la bumo be kusɔ kama.