Galeeshaebi 2:4 - EBƆRƐ BE KAWƆL

⁴ Ama kesheŋ na daŋ ba koso, ŋkpal manɛ so, bekurgepo fɛpo ko daŋ luri anyi to nna n daŋ fin kekeni anyi be kamooji nɛ an kɔ Kristo Yesu to na to nɛ b nya n jija kumo nseŋ ta anyi ŋ ki anya.

Galeeshaebi 2:4 ပူးပေါင်းရင်းမြစ်များ

Nshɛ 119:45

Ŋkpal ŋ ka bee wora fo mbraana kasonu so, n nya ma kumu nna a ji ma keparso.

Nshɛ 51:12

Shin nɛ ma kagbene e naŋ fuli ma fanɛ kananɛ k daa du saŋɛ so nɛ fo mɔlga ma na; nseŋ shin nɛ n naa sha kebaawora fo kasonu.

Aizaaya 51:23

Ama meeŋ shin nɛ kasogberge na e ba basa nɛ b kɔrfɛ menyi nseŋ shin nɛ men dese agbembi so, nɛ baa chichi menyi so fanɛ shishɛr na so.”

Luuk 5:38

Kashenteŋto, nsa popɔr daga asɔ popɔr to be keluri nna!

Ashuŋ Shunso 15:1

Basa ko daŋ shi Judiya m ba Antiɔk m ba fara a ŋini bekurgepoana le be asheŋ a kaŋɛ: “B baa maŋ ku fo kututu fanɛ kananɛ Mosis be mbra na bee ŋini na, Ebɔrɛ maaŋ mɔlga fo kikɛ.”

Ashuŋ Shunso 15:24

An nu kananɛ anyi to be beko ya malga asheŋ ko a tɔrɔ menyi n shin nɛ menyi be ŋgbene jija menyi ga, ama men baa nyi fanɛ mannɛ anyi e shuŋi bumo fanɛ b ya kaŋɛ menyi loŋ.

Ashuŋ Shunso 20:30

Menyi to be beko malɛ gba beeŋ koso kachako ŋ ku efɛ n shin nɛ beyirdapoana na e bɛ bumo so.

Romebi 8:15

Kiyoyu nɛ Ebɔrɛ sa menyi na malɛ maa ta menyi nna a ki anya n shin nɛ men naa lɔ kufu. Men nya Kiyoyu nɛ e bee ta menyi a ki mbia nna. Kiyoyu na malɛ so nɛ anyee tiŋ a tre Ebɔrɛ ‘Aba’, kumo e la fanɛ an Tuto.

2 Kɔrintebi 11:13

Ŋkpal manɛ so, loŋ be basa na la beshuŋipo fɛpoana nna nseŋ naa la beshumpo nɛ baa fule basa nɛ b wɔtɔ a ta bumo be amu fanɛ Kristo be beshuŋipoana na.

2 Kɔrintebi 11:17

Men baa nyi fanɛ kusɔ nɛ mee kaŋɛ naniere maŋ la kusɔ nɛ Enyɛnpe na bee kaŋɛ fanɛ ŋ kaŋɛ, ŋkpal manɛ so, mee puchi nna a malga fanɛ ewulpo.

2 Kɔrintebi 11:20

Kashenteŋto, menyee tiŋ a nyiti ekama nɛ e bee ta menyi fanɛ anya ŋko ekama nɛ e bee ji menyi so ŋko emo nɛ e bee dese kasawule a nya menyi ŋko emo nɛ e bee keni menyi a bɔl ŋko emo nɛ e bee kpa menyi etaŋ.

2 Kɔrintebi 11:26

Saŋkikɛ enite to nɛ m baa wɔ a luri kachuji be kenishipere to a luri beyu to a luri kenishipere to ashi m braana Juwebi nɛ nnyamase to a luri kenishipere to ashi ndegboŋana to, a luri kenishipere to kiyi to a luri kenishipere to etekuana so nsaa luri kenishipere to bekurgepo fɛpoana to.

2 Kɔrintebi 3:17

Enyɛnpe e la Kiyoyu na, kaplɛkama malɛ nɛ Enyɛnpe be Kiyoyu malɛ wɔ, ndoŋ nɛ kamooji wɔ.

Galeeshaebi 1:7

Kashenteŋto bre, baru lela kama maŋ naa wɔtɔ n ti anyeya ere so, ama ŋkpal basa ko ka wɔtɔ a wul menyi to a sha kechɛrga Kristo be baru lela na so e shin nɛ ŋ kaŋɛ loŋ na.

Galeeshaebi 4:25

Nɛ esa baa malga Heega be asheŋ, kumo ere Sainai be kebee nɛ k wɔ Areebia be efuli so na be asheŋ nɛ e bee ji na. Mo nɛ baa ta a ber Jerusalɛm nɛ anyee wu ere nna, ŋkpal manɛ so, kumo nɛ kumo be mbia la anya nna a wɔtɔ.

Galeeshaebi 4:3

To, anyi alɛ gba ka daa du fanɛ mbibi abɔrɛsheŋ to na, loŋ e daa la. An daa la durnya ere to be sososo be asɔ ŋiniso be anya nna.

Galeeshaebi 5:1

Kebaawɔ anyi be amu so nɛ Kristo shin nɛ an nya anyi be amu. Amoso, naniere men baa yil kpakpa nsaa maŋ shin nɛ b naŋ ta menyi ŋ ki anya.

Galeeshaebi 5:10

Ama ŋ kraa kɔ tama ashi Enyɛnpe na to fanɛ men maaŋ chɛrga men be nfɛra n yɔ kakpa ko. Ma alɛ nseŋ naa nyi fanɛ Ebɔrɛ beeŋ gberge esa nɛ e kɔ menyi a wɔ kebagato to ere kusoe, e bee sha e baa du kanaŋkama.

2 Timoti 3:6

Bumo to be beko e naa ŋana a luri basa peana a pɔɔ beche nɛ b maa tiŋ a keta bumo be amu so na. Loŋ be beche, alubi e nyaŋ bumo ŋ keta nɛ ayɛlgasɔ be yiri kikɛ kɔ bumo to a wora kusɔ kama.

Jeems 1:25

Ama nɛ esa baa ta mbe nfɛra kikɛ a wɔtɔ Ebɔrɛ be mbraana nɛ a maŋ kɔ kulubi amo to kikɛ nsaa tiŋ a lara basa alubi to na to a maa teŋ asɔ nɛ e koya na so nsaa kɔ amo to kpakpa a wora asɔ nɛ a bee ŋini na, Ebɔrɛ beeŋ nɛfa amodoŋwura.

1 Pita 2:16

Men baa wɔtɔ fanɛ basa nɛ b wɔ bumo be amu a ji, ama men sa maa kɔ loŋ be kamooji na a buu kulubi kama so. Men baa kɔ kebaawɔtɔ mo nɛ k du fanɛ Ebɔrɛ be anya peya a wɔtɔ.

2 Pita 2:19

Baa kaŋɛ basa pɔtɛ fanɛ baaŋ nya kamooji nɛ bumo gbagba wɔ kafule be kenyaya to. Kusɔ kama malɛ nɛ k bee pɔɔ esa so, kumo e la amodoŋwura mo nyɛnpe.

1 Jɔn 4:1

N teri shasoana, men sa maa yirda basa kama nɛ baa kaŋɛ fanɛ Ebɔrɛ be Kiyoyu wɔ bumo to. Men baa wora bumo a keni ŋko ayoyu mo nɛ b kɔ na shi Ebɔrɛ kutɔ nna ŋko a maŋ shi mo kutɔ, ŋkpal manɛ so, anebi fɛpo damtaana lar n luri durnya to.

Juud 1:4

Mee kaŋɛ le nna, ŋkpal manɛ so, basa ko mo nɛ b maa nu a sa Ebɔrɛ ŋana n nyia n luri menyi to a sha kechɛrga Ebɔrɛ be kuwɔr be kakɛ nɛ e kɔ a sa anyi na be kifito, saŋɛ na so baaŋ nya ekpa a wora kulubi kama nɛ baa sha. Baa kini Yesu Kristo gbagba mo nɛ mo nawule la an Nyɛnpe mo nɛ e bee ji anyi so kuwura na. Dra na malɛ kikɛ nɛ b sibɛ abɔrɛsibɛ na to a kaŋɛ fanɛ Ebɔrɛ beeŋ gberge loŋ be basa na kikɛ kusoe.