Galeeshaebi 2:21 - EBƆRƐ BE KAWƆL

²¹ M maa keni Ebɔrɛ be kuwɔr be kakɛ na nna jiga, ŋkpal manɛ so, nɛ b daa bɛ mbra na so nna a ji a lar Ebɔrɛ be anishito, dafanɛ Kristo be luwu na daa maŋ kɔ kifito.

Galeeshaebi 2:21 ပူးပေါင်းရင်းမြစ်များ

Nshɛ 33:10

Enyɛnpe Ebɔrɛ na e naa jija efuliana be ŋkre. Mo e naa kuŋ bumo be nfɛra lubiana ekpa.

Aizaaya 49:4

Ndoŋ nna nɛ ŋ kaŋɛ le: “N shuŋ ŋ gben jiga. N ta ma eleŋ n shuŋ ga, ama ma alɛ maŋ nya shɛŋ. Kusɔ nɛ k daga fanɛ n nya kikɛ wɔ Enyɛnpe Ebɔrɛ na be enɔ to nna. Mo e naaŋ ka ma kumo be kukɔ.”

Jɛremaya 8:8

Nuso nɛ menyeeŋ tiŋ ŋ kaŋɛ fanɛ men nyi asheŋ nsaa nyi ma mbraana na? Mbraŋinipoana na chɛrga amo nna nɛ e ki efɛ men kutɔ.

Maak 7:9

Nɛ e naŋ kaŋɛ: “Men kini Ebɔrɛ be mbra ŋgbalanto nsaa bɛ menyi be edaŋkaresheŋ so.

Romebi 10:3

Ŋkpal manɛ so, b maa pin ekpa nɛ Ebɔrɛ bee sha fanɛ b bɔla so na to nɛ bumo nɛ mo e nyalɛ nsaa wɔtɔ a bɔla bumo gbagba be aworbi be ekpaana so. Loŋ malɛ e naa ŋini fanɛ b maŋ ta bumo be amu m bɔɔ Ebɔrɛ enɔ nɛ e shin nɛ mo nɛ bumo e nyalɛ.

Romebi 11:6

K ka baa la kuwɔr be kakɛ be asheŋ ere bre, k maŋ naa la ashuŋ shunso be asheŋ, nɛ k daa la ashuŋ shunso be asheŋ nna, kumo ere Ebɔrɛ be kuwɔr be kakɛ na daa maaŋ naa la kuwɔr be kakɛ.

Romebi 4:25

Ebɔrɛ shin nɛ b daŋ ta mo nna n sa nɛ e wu ŋkpal anyi be alubi so nseŋ naŋ shin nɛ e tiŋi luwu na to nɛ an baa la belelapo Ebɔrɛ be anishito.

Romebi 8:31

To, asheŋ nɛ an nu ere kikɛ be kaman, nuso nɛ anyeeŋ kaŋɛ? Nɛ Ebɔrɛ baa wɔ anyi be kaman, wanɛ e naaŋ tiŋ m pɔɔ anyi so?

1 Kɔrintebi 15:14

Nɛ fanɛ Kristo malɛ baa maŋ tiŋi luwu to, kumo ere, anyi be kubɔya nɛ anyee bɔ na, maŋ kɔ kifito, nɛ men be yirda gba maŋ kɔ kifito.

1 Kɔrintebi 15:17

Nɛ Kristo malɛ daa maŋ tiŋi ashi luwu na to, kumo ere, men be yirda na daa maaŋ baa kɔ tɔnɔ nɛ menyi alɛ kraa wɔ men be alubi to

1 Kɔrintebi 15:2

Baru lela na so nɛ menyee nya kumɔlga, nɛ men baa kɔ kumo to kpakpa nna na, ama men daŋ yirda jiga nna.

Galeeshaebi 2:16

baa nyi fanɛ esa be kebaabɛ mbra na so maa shin nɛ Ebɔrɛ bee kaŋɛ fanɛ e ji n lar ama e bɔla Yesu Kristo so nna n yirda. Amoso, anyi alɛ gba ta anyi be yirda nna n deŋi Yesu so nɛ Ebɔrɛ e bɔla Kristo na so n shin nɛ an ji n lar, ama mannɛ ŋkpal anyi be kebaabɛ mbra na so so, ŋkpal manɛ so, kebaabɛ mbra na so maaŋ tiŋ n shin nɛ esa kikɛ e ji n lar Ebɔrɛ be anishito kikɛ.

Galeeshaebi 2:18

Nɛ m baŋ fara a pɔr kusɔ nɛ n daŋ da n lɛ, kumo ere k bee ŋini fanɛ n la mbrafɛlpo nna na.

Galeeshaebi 3:21

To, ama an kaŋɛ fanɛ mbra na nɛ Ebɔrɛ be nnɔ nasesoana maa kukwe nna ŋko? Ayai, mannɛ loŋ nna kuraa. Ŋkpal manɛ so, nɛ mbra ko daŋ ba na m ba kaa tiŋ a sa ŋkpa, kumo ere basa daa beeŋ bɔla mbra na so ŋ ki belelapo Ebɔrɛ be anishito.

Hibruwebi 7:11

Nɛ fanɛ esa daŋ baŋ tiŋ m bɔla Livai be kanaŋ to be bɔrɛmatapoana na be ekpa so nna n nya kebaawɔtɔ cheembi loŋ malɛ be ekpa so nɛ Ebɔrɛ daŋ ta mbra na n sa basa, a ji nuso nna nɛ a daŋ naŋ daga fanɛ bɔrɛmatapo pɔtɛ ka naŋ ba kaa du fanɛ Mɛlkizedɛk be ekpa so, mannɛ bɔrɛmatapo nimuso Ɛɛrɔn be ekpa so?