Galeeshaebi 2:2 - EBƆRƐ BE KAWƆL

² N daŋ yɔ nna, ŋkpal manɛ so, Ebɔrɛ e daŋ lara ŋ ŋini ma fanɛ n yɔ. Bumo nɛ b daa la fanɛ benimuana na nɛ n daŋ shɛr wulo to ŋ kaŋɛ bumo baru lela nɛ mee malga a sa nnyamase na be asheŋ, ŋkpal manɛ so, n daa maa sha fanɛ kushuŋ nɛ n fara na e to jiga nɛ kananɛ ŋ kraa wɔ kumo to ere malɛ gba maaŋ baa la kusɔ jiga.

Galeeshaebi 2:2 ပူးပေါင်းရင်းမြစ်များ

Kaŋinichiŋgeliŋ 10:1

Kananɛ ashushombi bee wu a wɔtɔ tulale to nɛ amo be efɛa bee chɛrga na, aloŋ nɛ kawuli fimbi kikɛ bee jija esa be kanyiasheŋ nɛ kemaŋkura.

Matiu 10:16

Kede be kaman nɛ e naŋ kaŋɛ: “Kashenteŋto, mee shuŋi menyi nna nɛ menyi nɛ durnya ere to ebi e ya kaa wɔtɔ fanɛ mbolpɔ kaa wɔ ekuntuŋ to na. Men baa nyi asheŋ, a de men be amu so fanɛ awɔ nsaa du boeŋ fanɛ ali.

Ashuŋ Shunso 15:12

Pɔɔl nɛ Baanabas ka bee kute Ebɔrɛ be etɔɔnɛsheŋ nɛ emamachisheŋ damta nɛ Ebɔrɛ shin nɛ b wora nnyamase na to be asheŋ ere nɛ basa na kikɛ la to boeŋ a nu.

Ashuŋ Shunso 15:2

Ndoŋ nna nɛ b kpal loŋ so n ji Pɔɔl nɛ Baanabas emɔrɔ kpakpaso ga nseŋ yili kumo fanɛ Pɔɔl nɛ Baanabas nɛ Antiɔk be basa na be beko e yɔ Jerusalɛm nɛ bumo nɛ beshuŋipo na nɛ benimuana na e ya malga demu na be asheŋ.

Ashuŋ Shunso 15:4

B ka ba Jerusalɛm nɛ asɔriebi na nɛ beshuŋipo na nɛ benimuana na sɔ bumo nɛnɛ nɛ b kaŋɛ bumo asɔ nɛ bumo nɛ Ebɔrɛ wora kikɛ nyam.

Ashuŋ Shunso 18:9

Kanyɛso ko Pɔɔl ku bɔrɛdare n nu Enyɛnpe ka bee kaŋɛ mo: “Sa maa lɔ kufu n yige, baa kraa malga, ŋkpal manɛ so, n wɔ fo kaman.

Ashuŋ Shunso 23:11

Kumo be kamɔnchɛ be kanyɛso nɛ Enyɛnpe ba yili Pɔɔl kutɔ nseŋ kaŋɛ mo: “Baa kɔ kenyɛn. Kananɛ fo ji ma shɛda ashi Jerusalɛm to ere nɛ fee naŋ yɔ Rom malɛ n ya wora.”

Ashuŋ Shunso 5:34

Ama Gameelial, basa na to be Farisinyɛn ko nɛ e daa la mbraŋinipo nsaa la esa nɛ basa kikɛ daa sa bunyaŋ na koso n yili nseŋ shin nɛ b keta beshuŋipo na n lar ekarso gbrɛ

Romebi 9:16

Amoso, k maŋ la kusɔ nɛ k bee wora ŋkpal nyiŋgbasa be kusɔ nɛ e bee sha so ŋko mbe ashuŋ shunso so, k la Ebɔrɛ be kuwɔr nna.

1 Kɔrintebi 1:23

Ama anyi ere, Kristo mo nɛ b daŋ gbir m mata kedibi largato so na be asheŋ be kubɔya nɛ anyee bɔ a sa basa. Loŋ be kubɔya na malɛ la kusɔ nɛ k bee kagle Juwebi ekpa nna nsaa la kawulisheŋ a sa Nnyamase malɛ.

1 Kɔrintebi 2:2

N daŋ yili kumo nna fanɛ ŋ ka daa wɔ menyi kutɔ na, n daa maŋ nyi shɛŋ she Yesu Kristo nawule nɛ luwu mo nɛ e wu kedibi largato so na be asheŋ.

1 Kɔrintebi 9:24

Men maŋ nyi fanɛ eshile kikɛ to beshilepo na kikɛ bee shile nna, ama esa koŋwule e naa kaa ji kɔŋkɔŋ a? Men baa shile nɛnɛ, saŋɛ na so menyeeŋ nya kɔŋkɔŋ n ji.

1 Kɔrintebi 9:26

Amoso, m maa shile chamcham nna fanɛ esa nɛ e maŋ nyi kakpa nɛ e bee yɔ. M maa bile kolu nna fanɛ esa nɛ e bee too enɔ to a wɔtɔ afu to na nna.

2 Kɔrintebi 12:1

A daga fanɛ m baa puchi hale nɛ k maŋ kɔ tɔnɔ gba. Ama naniere bre meeŋ malga ebɔrɛdareana nɛ kewuŋkaŋɛana nɛ Enyɛnpe sa na be asheŋ.

Galeeshaebi 1:12

Mannɛ nyiŋgbasa ko kutɔ nɛ n nya kumo ŋko ŋ koya kumo. Yesu Kristo e lara kumo efuli n sa ma.

Galeeshaebi 1:16

Mo alɛ ka naŋ yili kumo mbe kagbene to n lara mo Pibinyɛn ŋ ŋini ma nɛ n tiŋ m bɔ baru lela n sa nnyamase, m maŋ yɔ esa kama kutɔ epul na to n ya bishi asheŋ to m pin.

Galeeshaebi 1:6

Men be asheŋ bee chinchiŋ ma kashenteŋto pasaa, ŋkpal kananɛ men tea yige Ebɔrɛ nɛ e bɔla Kristo be kuwɔr be kakɛ na so n tre menyi na a to nsaa sɔ baru pɔtɛ nɛ basa ko bee tre baru lela na.

Galeeshaebi 2:6

Bumo nɛ b daa du fanɛ benimuana na bre, kanaŋkama nɛ b daa du daa maŋ la shɛŋ ŋ kutɔ, Ebɔrɛ malɛ gba maa kpɛa basa to, b maŋ ta shɛŋ n ti ma kubɔya na so.

Galeeshaebi 2:9

Jeems nɛ Pita nɛ Jɔn nɛ ekama daa nyi b ka la benimu na, e daŋ shuli n sa ma nɛ Baanabas fanɛ an baa la bumo braana beshuŋipo ŋkpal kananɛ b daŋ wu Ebɔrɛ be kuwɔr be kakɛ nɛ e daŋ sa ma na so. B daŋ shuli nna fanɛ an yɔ nnyamase kutɔ nɛ bumo alɛ yɔ Juwebi kutɔ.

Galeeshaebi 5:7

To, men daa bɛ ekpa na so nna nɛnɛ nɛ wanɛ e naaŋ ba kaa kagle menyi ashi kashenteŋ be kebɛso be ekpa na to?

Filipaiebi 2:16

nsaa kɔ ŋkpa be kamalga na to kpakpa. Loŋ malɛ e naaŋ shin nɛ n ji njɔŋ kachɛ nɛ Kristo beeŋ naŋ bɛta m ba na nɛ loŋ malɛ e ŋini fanɛ m maŋ shile kebɛso na to jiga ŋko m pere kenishi n shuŋ jiga.

Filipaiebi 2:29

Amoso, men ta kagbenefuli kikɛ n sɔ mo fanɛ ekurgepo ashi Enyɛnpe to. Ekama malɛ nɛ e du fanɛ mo, men sa amodoŋwura bunyaŋ, ŋkpal manɛ so, a daŋ ka gbrɛbi nɛ e wu ŋkpal Kristo be kushuŋ na so.

1 Tɛsalɔnikaebi 3:5

Amoso, nɛ m ba gben n shuŋi Timoti nɛ e ya keni ŋko men kraa kɔ men be yirda na to ŋko Setani chɔ menyi ŋ keni n shin nɛ an be kushuŋ ki kushuŋ fuloŋ a.

2 Timoti 4:7

Ŋ kɔ kolu lela na n loge nseŋ shile eshile na n loge, ma alɛ nseŋ naŋ keta yirda na m ba fo ekar.

Hibruwebi 12:1

To, naniere a daga fanɛ anyi, bumo nɛ le be eshɛda ere kulti anyi ere ka ta asɔ kama nɛ a bee kagle anyi ekpa ashi kebɛso na to na nɛ alubi mo nɛ a mar anyi so kpakpa na n lɛ nseŋ ta kenishipere n shile eshile nɛ k dese a jo anyi ere kanyitiso.