Galeeshaebi 2:13 - EBƆRƐ BE KAWƆL

¹³ K maŋ chɛr nɛ Juwebi be bebɛsopo nɛ b daŋ ka na malɛ gba bɛ mbe kebirkɔnshi be kesheŋ na so hale nɛ Baanabas gba foe ekpa koŋwule na so m bɛ bumo so.

Galeeshaebi 2:13 ပူးပေါင်းရင်းမြစ်များ

Jɛnesis 27:24

Ama pɔɛŋ nɛ e nɛfa mo na e daŋ bishi mo le nna: “Fo m pibi Isɔɔ gbagba nna ere a?” Nɛ Jeekɔb shuli ŋ kaŋɛ: “Mm, ma nna.”

2 Samuɛl 16:19

Wanɛ bre nɛ meeŋ naŋ shuŋ n naŋ baŋ n nyɛnpe Deevid pibinyɛn so? Kananɛ m baŋ shuŋ n sa fo tuto na, loŋ koŋwule na nɛ meeŋ shuŋ n sa fo alɛ gba.”

Job be kawɔl 15:12

Fo kagbene koso m baŋ so ga, n shin nɛ fo ki esa ŋana so.

Kaŋinichiŋgeliŋ 10:1

Kananɛ ashushombi bee wu a wɔtɔ tulale to nɛ amo be efɛa bee chɛrga na, aloŋ nɛ kawuli fimbi kikɛ bee jija esa be kanyiasheŋ nɛ kemaŋkura.

Kaŋinichiŋgeliŋ 7:20

Esa kama maŋ wɔ durnya ere to nɛ e niŋi n ya loge nsaa maa wora a foe.

Matiu 23:28

To, loŋ nɛ men du basa be anishito. Basa baŋ wu menyi, baa tre menyi basa lela nna, ama men be ŋgbene to bre kebirkɔnshi nɛ alubisheŋ e bɔlɔ to.

Ashuŋ Shunso 4:36

Kanyɛn ko malɛ gba daa wɔ bumo to nɛ baa tre mo Josɛf. E daa la Livai be kanaŋ to be esa nna nɛ b kurge mo Saipres be efuli so. Ketre nɛ beshuŋipo na daŋ sa mo e la Baanabas, kumo be kifito e la fanɛ esa nɛ e bee kpaŋ beko.

1 Kɔrintebi 12:2

Men nyi fanɛ saŋɛ nɛ men daa maŋ nyi Ebɔrɛ na, Setani e daŋ fuli menyi ekpa kama nɛ men daŋ bɔla so nɛ men bɛ agbir nɛ a la asɔ wuso na so.

1 Kɔrintebi 15:33

Men sa maŋ kaŋ fule men be amu. Beteri lubi e naa jija da lela.

1 Kɔrintebi 5:6

Kananɛ menyee puchi ere maŋ walɛ kuraa. Men maŋ nyi keŋasa mo nɛ k bee kaŋɛ fanɛ: Yiisi gbrɛbi baŋ luri nyifu to a bee shin nɛ nyifu na kikɛ bee tiŋ fɔŋgrɔŋ nna a?

1 Kɔrintebi 8:9

Ama men baa da so nɛ le be kamooji mo nɛ men kɔ ere e sa maŋ shin nɛ bumo nɛ b maŋ kɔ eleŋ yirda na to na e tɔr alubi to.

Galeeshaebi 2:1

Nfɛ kuduana be kaman nɛ ma nɛ Baanabas naŋ bɛta n yɔ Jerusalɛm. N daŋ keta Taites nna n ti so n yɔ.

Galeeshaebi 2:9

Jeems nɛ Pita nɛ Jɔn nɛ ekama daa nyi b ka la benimu na, e daŋ shuli n sa ma nɛ Baanabas fanɛ an baa la bumo braana beshuŋipo ŋkpal kananɛ b daŋ wu Ebɔrɛ be kuwɔr be kakɛ nɛ e daŋ sa ma na so. B daŋ shuli nna fanɛ an yɔ nnyamase kutɔ nɛ bumo alɛ yɔ Juwebi kutɔ.

Ɛfesesebi 4:14

Saŋɛ na so an maaŋ naa du fanɛ mbia nɛ basa e baa ta efɛ be keŋini be yiri kikɛ a kɔ a kpata anyi a lɛ a yɔ a ba fanɛ afu ka shin nɛ nchu koso a baga to na. Basa nɛ baa wora loŋ na wɔtɔ nna a kɔ bumo gbagba be efɛ be kanyiasheŋ a shin nɛ basa bee foe ekpa.

Hibruwebi 13:9

Men sa maŋ shin nɛ keŋini be nnaŋ to nɛ a wɔtɔ ere e fule menyi kikɛ nɛ men foe ekpa. Ebɔrɛ be kuwɔr be kakɛ e daga kebaaleŋ menyi be ŋgbeneana to, mannɛ edaŋkaresheŋ be ekpaana be ajibi nɛ a maŋ kɔ tɔnɔ n sa basa nɛ b ji amo na.