Galeeshaebi 2:11 - EBƆRƐ BE KAWƆL

¹¹ Pita ka daŋ ba Antiɔk, n fiɛ mo so ashi bebɛsopo na be anishito nna kacha ko, ŋkpal manɛ so, e daŋ wora kusɔ ko nna nɛ k maŋ kɔ ekpa.

Galeeshaebi 2:11 ပူးပေါင်းရင်းမြစ်များ

Jɛremaya 1:17

Jɛremaya, wora shiriya n ya kaŋɛ basa na kusɔ kama nɛ ŋ kaŋɛ fo kenishipereso na. Sa maa ŋana bumo, nɛ mannɛ aloŋ meeŋ shin nɛ kufu nɛ k chɔ loŋ a pɛ fo jemanɛ nɛ feeŋ baa wɔ bumo to na.

Jona 1:3

Nɛ Jona kini nseŋ shile Enyɛnpe Ebɔrɛ na. E daŋ yɔ kade ko nɛ baa tre Jɔpa nna n ya luri nchu so be kuloŋgboŋ ko nɛ k bee yɔ kadegboŋ ko nɛ baa tre Tashish ashi Speen be efuli so na to.

Jona 4:9

Nɛ Ebɔrɛ bishi mo le: “Manɛ so nɛ fo kpal kefeelebi na so a nya agbo?” Nɛ Jona kaŋɛ: “Ŋ kpal kumo so n nya agbo, hale a sha fanɛ n wu gba nna na.”

Nɔmbɛs 20:12

Ama le nɛ Enyɛnpe Ebɔrɛ daŋ kaŋɛ Mosis nɛ Ɛɛrɔn: “Ŋkpal men ka maŋ yirda ma nseŋ kini keshin nɛ Israɛlebi na pin ma eleŋ so, men maaŋ juŋkpar bumo n yɔ kasawule nɛ n nase kɔnɔ fanɛ meeŋ sa bumo na so.”

Matiu 16:23

Nɛ Yesu kilgi ŋ kaŋɛ Pita le: “Shile ashi ma so Setani. Fee kagle ma to nna na, ŋkpal manɛ so, fo nfɛra ere la nyiŋgbasa be nfɛra nna a maŋ la Ebɔrɛ peya.”

Baru lela nɛ Jɔn kute na 1:42

Kumo be kaman nɛ e bar Saimɔn Yesu kutɔ nɛ mo alɛ keni Saimɔn nseŋ kaŋɛ le: “Fo e la Saimɔn nɛ fo tuto bee ji Jɔn na ŋko? Naniere baaŋ baa tre fo Sifas.” Kumo be kifito e la kefalta nɛ kumo koŋwule na la Pita.

Ashuŋ Shunso 11:19

Tɔrɔ nɛ k daŋ ba jemanɛ nɛ b mɔ Stiven na daŋ shin nɛ beyirdapoana na pesaŋ to nna n yɔ mboŋ damta. Beko daŋ yɔ hale Fenisha nɛ Saipres nɛ Antiɔk n ya kaa bɔ Kristo be kubɔya na a sa Juwebi nawule.

Ashuŋ Shunso 11:20

Beyirdapoana nɛ b daŋ shi Saipres nɛ Sairini na be beko malɛ daŋ yɔ Antiɔk nna n ya bɔ Enyɛnpe Yesu be baru lela na be kubɔya na n sa nnyamase malɛ.

Ashuŋ Shunso 11:22

Jerusalɛm be asɔriebi na ka nu kumo be baru nɛ b shuŋi Baanabas Antiɔk.

Ashuŋ Shunso 11:27

Jemanɛ na so nɛ anebiana ko shi Jerusalɛm n yɔ Antiɔk.

Ashuŋ Shunso 15:1

Basa ko daŋ shi Judiya m ba Antiɔk m ba fara a ŋini bekurgepoana le be asheŋ a kaŋɛ: “B baa maŋ ku fo kututu fanɛ kananɛ Mosis be mbra na bee ŋini na, Ebɔrɛ maaŋ mɔlga fo kikɛ.”

Ashuŋ Shunso 15:5

Nɛ beyirdapoana na be beko nɛ b shi Efarisiana na be katuŋ to na niŋi to n yili ŋ kaŋɛ: “A daga fanɛ b ku bumo atutu ŋkeŋ shin nɛ b baa nu a sa Mosis be mbraana na.”

2 Kɔrintebi 11:5

Ma alɛ bee tama fanɛ men be beshuŋipo mo nɛ baa tre beshuŋipogboŋana ere maŋ chɔ ma gbrɛ kama gba.

2 Kɔrintebi 12:11

Mee wora asheŋ fanɛ ewulpo nna, ama menyi e shin nɛ ŋ ki loŋ. Menyi e daŋ daga fanɛ men baa chɔrɔ ma. Ŋkpal manɛ so, nɛ m maŋ la shɛŋ gba, beshuŋipo nɛ menyee tre beshuŋipogboŋ ere maŋ bɔ ma.

2 Kɔrintebi 5:16

Amoso, naniere mannɛ dimɛdi be kaplɛa so nɛ an naa bɔla so a keni kananɛ esa du. Saŋko bre, loŋ nɛ an daa keni Kristo na, ama naniere bre anyi maŋ naa keni mo loŋ.

Galeeshaebi 1:18

Ŋ ka yɔ Damaskɔs na be nfɛ asa be kaman nɛ n yɔ Jerusalɛm nɛ n ya wu Pita. Nchɛ kuduanu nɛ n daŋ ji mo kutɔ ndoŋ,

Galeeshaebi 2:14

Ŋ ka wu fanɛ kesheŋ nɛ b wora na maŋ bɔla kashenteŋ be baru lela na be ekpa so nɛ ŋ kaŋɛ Pita le ashi bebɛsopo na kikɛ be anishito: “To, Juw e la fo nɛ fo daa wɔ nfe fanɛ kanyamase, mannɛ fanɛ Juw. Nɛ nuso nɛ feeŋ wora n tintiŋ nnyamase nɛ b baa wɔtɔ a bɛ Juwebi be edaŋkaresheŋ so?”

Galeeshaebi 2:5

An daa maŋ shuli gbrɛ kama gba n sa bumo, saŋɛ na so menyeeŋ baa kɔ baru lela na be kashenteŋ na to a wɔtɔ.

Galeeshaebi 2:7

Ama kusɔ nɛ b daŋ baŋ wu bre e daa la fanɛ Ebɔrɛ ta baru lela na nna m bɔɔ ma enɔ nɛ m bɔ kubɔya na n sa nnyamase fanɛ kananɛ e ta kubɔya koŋwule na n sa Pita fanɛ e bɔ n sa Juwebi na.

Galeeshaebi 2:9

Jeems nɛ Pita nɛ Jɔn nɛ ekama daa nyi b ka la benimu na, e daŋ shuli n sa ma nɛ Baanabas fanɛ an baa la bumo braana beshuŋipo ŋkpal kananɛ b daŋ wu Ebɔrɛ be kuwɔr be kakɛ nɛ e daŋ sa ma na so. B daŋ shuli nna fanɛ an yɔ nnyamase kutɔ nɛ bumo alɛ yɔ Juwebi kutɔ.

1 Timoti 5:20

Benimu nɛ b wɔ alubi to na, fiɛ bumo so asɔri to ebi na kikɛ be anishito nɛ kufu e pɛ bumo nɛ b ka na.

Jeems 3:2

An kikɛ bee kaa wora a foe ekpa. Amoso, esa nɛ mo ere maa malga a foe ekpa, kumo ere kulubi kikɛ maŋ wɔ mo to nɛ mo alɛ bee tiŋ a pɔɔ kulubi be yiri kikɛ so ashi mbe kebaawɔtɔ to.

Juud 1:3

Ma beshapo, k daa wɔ ma kagbene to nna ga fanɛ n sibɛ ŋ kaŋɛ menyi kumɔlga mo nɛ an kikɛ kɔ na be asheŋ, ama n naŋ wu fanɛ a daga fanɛ n sibɛ menyi ŋ kule menyi ga fanɛ men baa wora ania a kɔ a sa abɔrɛsheŋ mo nɛ an yirda nɛ Ebɔrɛ ta kela koŋwule pati m bɔɔ mbe basa laraso enɔ na.