Galeeshaebi 2:1 - EBƆRƐ BE KAWƆL

¹ Nfɛ kuduana be kaman nɛ ma nɛ Baanabas naŋ bɛta n yɔ Jerusalɛm. N daŋ keta Taites nna n ti so n yɔ.

Galeeshaebi 2:1 ပူးပေါင်းရင်းမြစ်များ

Ashuŋ Shunso 11:25

Kede be kaman nɛ Baanabas yɔ Taases nɛ e ya fin Sɔɔl.

Ashuŋ Shunso 11:30

B ka wora toto na n loge nɛ b ta amansherbi na n shuŋi Baanabas nɛ Sɔɔl nɛ b ya sa ndoŋ be asɔriebi be benimuana na.

Ashuŋ Shunso 12:25

Baanabas nɛ Sɔɔl ka loge bumo be kushuŋ nɛ b keta Jɔn Maak nɛ mo nɛ bumo lar Jerusalɛm to m bɛta n yɔ.

Ashuŋ Shunso 13:2

Saŋko b ka bee bunyaŋ Enyɛnpe nsaa kishi nɛ Kiyoyu Cheeŋ na kaŋɛ bumo: “Men lara Baanabas nɛ Sɔɔl n sa ma nɛ b shuŋ kushuŋ nɛ n lara bumo fanɛ b ba shuŋ ere.”

Ashuŋ Shunso 13:50

Nɛ Juwebi na we n wɔtɔ kadegboŋ na to be benimu nɛ bebunyampocheana nɛ baa bunyaŋ Ebɔrɛ na nɛ b fara a tɔrɔ Pɔɔl nɛ Baanabas n ju bumo bumo be kasawule so.

Ashuŋ Shunso 14:12

Ketre nɛ b daŋ nase Baanabas e daa la Zius, bumo be kegbir ko be ketre nseŋ nase Pɔɔl malɛ Hɛmes, bumo be kegbir ko malɛ be ketre, ŋkpal manɛ so mo e daa malga.

Ashuŋ Shunso 15:25

Amoso nɛ an shɛr n wora kɔnɔkoŋwule n lara anyi to be beko n shuŋi bumo menyi kutɔ na.

1 Kɔrintebi 9:6

Ŋko ma nɛ Baanabas nawule e daga fanɛ an baa shuŋ a ji?

2 Kɔrintebi 2:13

Ama ma kagbene daa maŋ dese ma kuraa ŋkpal ŋ ka daa maŋ tu an kurgepo Taites na so. Amoso, n daŋ kela ndoŋebi na nna nseŋ yɔ Masɛdonia.

2 Kɔrintebi 8:16

Mee chɔrɔ Ebɔrɛ ga ŋkpal e ka ta kagbene koŋwule be kasha mo nɛ an kɔ a sa menyi na n wɔtɔ Taites be kagbene to so.

2 Kɔrintebi 8:23

Taites bre, m barkasa nna nɛ ma nɛ mo bee shuŋ nɛ an chɛ menyi to. Ama bekurgepo mo nɛ b tu mo a yɔ na bre, asɔriana na be katelamu to nɛ b yil a yɔ menyi kutɔ na a sa Kristo na kemaŋkura.

Galeeshaebi 1:18

Ŋ ka yɔ Damaskɔs na be nfɛ asa be kaman nɛ n yɔ Jerusalɛm nɛ n ya wu Pita. Nchɛ kuduanu nɛ n daŋ ji mo kutɔ ndoŋ,

Galeeshaebi 2:13

K maŋ chɛr nɛ Juwebi be bebɛsopo nɛ b daŋ ka na malɛ gba bɛ mbe kebirkɔnshi be kesheŋ na so hale nɛ Baanabas gba foe ekpa koŋwule na so m bɛ bumo so.

Galeeshaebi 2:3

Amo be saŋɛ na nɛ Taites wɔ ŋ kutɔ nɛ b nyi e ka la Griik be esa, ama bumo alɛ daa maŋ tintiŋ mo nɛ e ku kututu.

Galeeshaebi 2:9

Jeems nɛ Pita nɛ Jɔn nɛ ekama daa nyi b ka la benimu na, e daŋ shuli n sa ma nɛ Baanabas fanɛ an baa la bumo braana beshuŋipo ŋkpal kananɛ b daŋ wu Ebɔrɛ be kuwɔr be kakɛ nɛ e daŋ sa ma na so. B daŋ shuli nna fanɛ an yɔ nnyamase kutɔ nɛ bumo alɛ yɔ Juwebi kutɔ.

Kɔlɔsiebi 4:10

Aristaakes nɛ ma nɛ mo kikɛ wɔ kabuti to nfe ere bee chɔrɔ menyi. Maak, Baanabas mo kurgepo na gba bee chɔrɔ menyi. N daŋ ŋini menyi kananɛ menyeeŋ wora mo. E kaŋ ba ndoŋ, men keni mo so nɛnɛ.

Taites 1:4

Mee sibɛ kawɔl ere nna a sa fo Taites, m pibi kashenteŋto ashi yirda koŋwule nɛ an kɔ na to. Ebɔrɛ be kuwɔr be kakɛ nɛ kagbenewushi nɛ a shi Ebɔrɛ Etuto nɛ an be Emɔlgapo Kristo Yesu kutɔ na e baa wɔ fo to.