Galeeshaebi 1:7 - EBƆRƐ BE KAWƆL

⁷ Kashenteŋto bre, baru lela kama maŋ naa wɔtɔ n ti anyeya ere so, ama ŋkpal basa ko ka wɔtɔ a wul menyi to a sha kechɛrga Kristo be baru lela na so e shin nɛ ŋ kaŋɛ loŋ na.

Galeeshaebi 1:7 ပူးပေါင်းရင်းမြစ်များ

Jɛremaya 23:26

Ama kusɔ kama nɛ baa kaŋɛ na shi bumo gbagba be nfɛra nɛ e maŋ niŋi na to nna. Bumo alɛ maaŋ tiŋ a wora loŋ mbaanaayɔ.

Jɛremaya 23:36

Amoso b sa maŋ naa malga a kaŋɛ le: ‘Baru nɛ k shi Enyɛnpe Ebɔrɛ na kutɔ nde.’ Ŋkpal manɛ so, nɛ bumo to be ekama kaŋ kaŋɛ loŋ, meeŋ shin nɛ ma kubɔya e baa la awurfoŋ kashenteŋto n sa bumo. Basa na chɛrga bumo be Ebɔrɛ nɛ e bee sa ŋkpa nsaa la Enyɛnpetale na be mmalga nna kashenteŋto.”

Matiu 24:24

Ŋkpal manɛ so, befɛpo nɛ baa tre bumo be amu Kristo na nɛ anebi fɛpoana beeŋ lar n wora eleŋ be etɔɔnɛsheŋ gboŋ nɛ emamachisheŋ damta n fule Ebɔrɛ be basa laraso gba nɛ baaŋ tiŋ nna na.

Ashuŋ Shunso 13:10

“Setani pibi ere. Fo la kelela be yiri kikɛ be edompo nna. Kafule be kulubi be yiri kikɛ e baŋ bɔlɔ fo to nɛ saŋkama fee kɔ a fin keta Enyɛnpe be nshenteŋ ŋ ki efɛ.

Ashuŋ Shunso 15:24

An nu kananɛ anyi to be beko ya malga asheŋ ko a tɔrɔ menyi n shin nɛ menyi be ŋgbene jija menyi ga, ama men baa nyi fanɛ mannɛ anyi e shuŋi bumo fanɛ b ya kaŋɛ menyi loŋ.

Ashuŋ Shunso 20:30

Menyi to be beko malɛ gba beeŋ koso kachako ŋ ku efɛ n shin nɛ beyirdapoana na e bɛ bumo so.

2 Kɔrintebi 11:13

Ŋkpal manɛ so, loŋ be basa na la beshuŋipo fɛpoana nna nseŋ naa la beshumpo nɛ baa fule basa nɛ b wɔtɔ a ta bumo be amu fanɛ Kristo be beshuŋipoana na.

2 Kɔrintebi 2:17

Anyi alɛ maŋ du fanɛ basa damta nɛ b kɔ Ebɔrɛ be kawɔl to na a fin kenya tɔnɔ ko n ji na nna. Anyi ere, Ebɔrɛ e shuŋi anyi, amoso, nfɛra niŋiso nɛ an kɔ a malga asheŋ Kristo be ketre to ashi Ebɔrɛ be anishito.

2 Kɔrintebi 4:2

Naniere, an yige wulo to be asheŋ nɛ anishinyɔr be ekpaana. Anyi maa ta kafule a wora asheŋ, anyi alɛ maa chɛrga Ebɔrɛ be kamalga na. Ama kashenteŋ nɛ an lara n dii efuli. Loŋ malɛ, ekama be nfɛra fɛso beeŋ ŋini mo fanɛ an walɛ nna ashi Ebɔrɛ be anishito.

Galeeshaebi 1:6

Men be asheŋ bee chinchiŋ ma kashenteŋto pasaa, ŋkpal kananɛ men tea yige Ebɔrɛ nɛ e bɔla Kristo be kuwɔr be kakɛ na so n tre menyi na a to nsaa sɔ baru pɔtɛ nɛ basa ko bee tre baru lela na.

Galeeshaebi 2:4

Ama kesheŋ na daŋ ba koso, ŋkpal manɛ so, bekurgepo fɛpo ko daŋ luri anyi to nna n daŋ fin kekeni anyi be kamooji nɛ an kɔ Kristo Yesu to na to nɛ b nya n jija kumo nseŋ ta anyi ŋ ki anya.

Galeeshaebi 4:17

Basa nɛ anyee malga bumo be asheŋ ere bee wora fanɛ men be asheŋ ka wɔ bumo to ga nna, ama nfɛra nɛ a wɔ bumo be loŋ be asheŋ woraso na be kaman na maŋ walɛ. Kusɔ nɛ baa sha e la fanɛ kananɛ baaŋ wora m barga ma nɛ menyi abar to nɛ bumo ere be asheŋ e baa wɔ menyi to.

Galeeshaebi 5:10

Ama ŋ kraa kɔ tama ashi Enyɛnpe na to fanɛ men maaŋ chɛrga men be nfɛra n yɔ kakpa ko. Ma alɛ nseŋ naa nyi fanɛ Ebɔrɛ beeŋ gberge esa nɛ e kɔ menyi a wɔ kebagato to ere kusoe, e bee sha e baa du kanaŋkama.

Galeeshaebi 5:12

Alako basa nɛ baa tɔrɔ menyi ere daa beeŋ baŋ ku bumo be atutu kikɛ gba nna n lɛ kuraa.

Galeeshaebi 6:17

Ade kikɛ be kaman, esa kama e sa maŋ naŋ bar ma tɔrɔ kikɛ, ŋkpal manɛ so, Yesu be ndulgi wɔ ma eyur so nna.

2 Timoti 2:18

B foe kashenteŋ be ekpa na so ŋkpal b ka wɔtɔ a ŋini fanɛ basa be ketiŋi luwu to be jemanɛ na choŋ na so so. Baa wul basa ko to ashi bumo be yirda na to nna na.

1 Jɔn 2:26

Mee sibɛ asɔ ere nna a sa menyi nɛ ŋ kaŋɛ menyi basa nɛ baa sha kefule menyi na be asheŋ.

1 Jɔn 4:1

N teri shasoana, men sa maa yirda basa kama nɛ baa kaŋɛ fanɛ Ebɔrɛ be Kiyoyu wɔ bumo to. Men baa wora bumo a keni ŋko ayoyu mo nɛ b kɔ na shi Ebɔrɛ kutɔ nna ŋko a maŋ shi mo kutɔ, ŋkpal manɛ so, anebi fɛpo damtaana lar n luri durnya to.

2 Jɔn 1:10

Esa kama nɛ e ba men kutɔ nsaa maŋ bar le be keŋini ere, men sa maŋ chɔrɔ mo ŋko n sɔ mo n wɔtɔ men peana,

2 Jɔn 1:7

Befɛpo damta mo nɛ b maa yirda fanɛ Yesu Kristo ba durnya ere to nna fanɛ dimɛdi, lar n luri durnya to. Loŋ be basa na be ekama e la efɛpo nɛ Kristo mo doŋ na.

Juud 1:4

Mee kaŋɛ le nna, ŋkpal manɛ so, basa ko mo nɛ b maa nu a sa Ebɔrɛ ŋana n nyia n luri menyi to a sha kechɛrga Ebɔrɛ be kuwɔr be kakɛ nɛ e kɔ a sa anyi na be kifito, saŋɛ na so baaŋ nya ekpa a wora kulubi kama nɛ baa sha. Baa kini Yesu Kristo gbagba mo nɛ mo nawule la an Nyɛnpe mo nɛ e bee ji anyi so kuwura na. Dra na malɛ kikɛ nɛ b sibɛ abɔrɛsibɛ na to a kaŋɛ fanɛ Ebɔrɛ beeŋ gberge loŋ be basa na kikɛ kusoe.

Kelaraŋŋini 12:9

B daŋ ta kusɔ gbeyeso gboŋgboŋi na nna n lɛ kasawule so. Mo e la kusɔkpaŋ dra nɛ baa tre alubipo ŋko Setani mo nɛ e bee fule durnya kikɛ na. B daŋ ta mo nɛ mbe kaman to ebi kikɛ nna n lɛ kasawule.

Kelaraŋŋini 13:14

Ŋkpal emamachisheŋ mo nɛ b daŋ sa mo eleŋ fanɛ e wora ashi kusɔbɔya juŋkparso na be anishito so, e daŋ fule durnya ere to ebi nna. E daŋ kaŋɛ bumo nɛ b wɔ durnya ere to kikɛ fanɛ b pɔr kaduli nɛ k baa la bunyaŋ a sa kusɔbɔya mo nɛ b daŋ ta tokobi n doro ama nɛ e kraa wɔtɔ na.

Kelaraŋŋini 19:20

Nɛ b pɛ kusɔbɔya na n ta anebi fɛpo mo nɛ e daŋ wora emamachisheŋ damta kusɔbɔya na be anishito na n ti so. Emamachisheŋ na nɛ e daŋ ta n fule bumo nɛ b daŋ nya kusɔbɔya na be ndulgi na nseŋ maŋ mbe kaduli so na. B daŋ ta kusɔbɔya na nɛ anebi fɛpo na nna ŋ kpa n wɔtɔ edɛ mo nɛ jɛrbi wɔ amo to a chɔɔ na to nna nɛ b kraa keni.

Kelaraŋŋini 2:2

N nyi men be aworbi kikɛ a nyi kananɛ men shuŋ ga nseŋ naa nyi kananɛ men kɔ kanyiti a yil to. N nyi kananɛ menyi nɛ basa lubi maaŋ tiŋ n chena nsaa nyi fanɛ men wora basa nɛ b yɛ b la beshuŋipoana, bumo alɛ ŋkaa maŋ la na ŋ keni n wu fanɛ befɛpo e la bumo.

Kelaraŋŋini 2:20

Ama kusɔ nɛ n wu menyi so e la fanɛ, men sa kache Jɛzebel mo nɛ e bee tre mbe kumu abɔrɛsheŋ be ewuŋkaŋɛpo na ekpa nna nɛ e wɔtɔ a ŋini nsaa shin nɛ ma anya bee luri kesakalea be keji to nseŋ naa shin nɛ baa ji nlɔŋɛjibi.

Kelaraŋŋini 2:6

Ama kusɔ nɛ k walɛ menyi e la fanɛ men kishi katuŋ nɛ baa tre Nikolawsebi na be asheŋ fanɛ kananɛ ma alɛ gba kishi kumo be asheŋ na.

Kelaraŋŋini 20:3

E ka kre mo n loge nɛ e ta mo n lɛ n wɔtɔ kemaŋ nɛ baa tre Abis to na nseŋ ber kumo so n ta tɔɔnɛ be kebersobi n dulgi kumo n ti so, saŋɛ na so e maaŋ naŋ nya n fule efuliana so ebi, ama nfɛ kagboŋ na ya choŋ nna. Nfɛ kagboŋ na be kaman a daga fanɛ b saŋɛ mo n lɛ gbrɛbi.