Galeeshaebi 1:6 - EBƆRƐ BE KAWƆL

⁶ Men be asheŋ bee chinchiŋ ma kashenteŋto pasaa, ŋkpal kananɛ men tea yige Ebɔrɛ nɛ e bɔla Kristo be kuwɔr be kakɛ na so n tre menyi na a to nsaa sɔ baru pɔtɛ nɛ basa ko bee tre baru lela na.

Galeeshaebi 1:6 ပူးပေါင်းရင်းမြစ်များ

Nshɛ 106:13

Ama k maŋ chɛr ko nɛ b naŋ teŋ kusɔ nɛ e wora so nsaa maŋ naa sɔ mbe kasotoji.

Aizaaya 29:13

Ade be kaman nɛ Enyɛnpe Ebɔrɛ na kaŋɛ le: “Nnɔ fuloŋ nɛ basa ere kɔ a shuŋ ma nɛ bumo be ŋgbene malɛ maŋ wɔ ma so. Edimɛdi be mbra nɛ edaŋkare nɛ b bii n wɔtɔ amu to nawule nɛ baa bɛ so a shuŋ Ebɔrɛ.

Maak 6:6

Nɛ Yesu kulti ndoŋ be ndewurbi na kikɛ to n ya kaa ŋini basa abɔrɛsheŋ.

Baru lela nɛ Jɔn kute na 9:30

Ndoŋ nna nɛ kanyɛn na kaŋɛ: “Asheŋ nde walɛ! Men maŋ nyi kakpa nɛ e shi, ama mo alɛ tiŋ m bugi ma anishi.

Ashuŋ Shunso 15:11

Akai, loŋ maŋ nyalɛ. An yirda fanɛ Enyɛnpe Yesu be kuwɔr be kakɛ na so nɛ an nya kumɔlga. Loŋ malɛ e la bumo alɛ gba.”

Romebi 10:3

Ŋkpal manɛ so, b maa pin ekpa nɛ Ebɔrɛ bee sha fanɛ b bɔla so na to nɛ bumo nɛ mo e nyalɛ nsaa wɔtɔ a bɔla bumo gbagba be aworbi be ekpaana so. Loŋ malɛ e naa ŋini fanɛ b maŋ ta bumo be amu m bɔɔ Ebɔrɛ enɔ nɛ e shin nɛ mo nɛ bumo e nyalɛ.

Romebi 5:2

Yesu kpal anyi be yirda so n shin nɛ an nya le be kuwɔr be kakɛ nɛ an wɔ ere to. Amoso, anyi be ŋgbene fuli anyi ŋkpal an ka kɔ tama fanɛ anyi alɛ gba beeŋ nya Ebɔrɛ be kemaŋkura nɛ e kɔ a jo anyi na so.

Romebi 8:28

Anyi alɛ nyi fanɛ asɔ kikɛ to, Ebɔrɛ bee wora asheŋ nna nɛ a bee ba abar so m ba kaa ki asɔ lela a sa mbe beshapo nɛ e tre m ba mo kutɔ fanɛ b ba kaa wora mbe aparsheŋ na.

Romebi 8:30

Amoso, Ebɔrɛ tre bumo nɛ e lara n yili na nna. Bumo nɛ e tre na malɛ kikɛ nɛ e shin nɛ b ji n lar. Bumo nɛ e shin nɛ b ji n lar malɛ kikɛ nɛ e shin nɛ mo nɛ bumo nya mbe kemaŋkura na.

1 Kɔrintebi 4:15

Kashenteŋ nna fanɛ hale nɛ men kɔ basa nɛ baa ŋini menyi Kristo be asheŋ damta fanɛ kagboŋ gba, menyi maŋ kɔ betuto damta bre, ŋkpal manɛ so, Kristo Yesu to, ma e daŋ bɔla baru lela na so ŋ ki menyi tuto.

2 Kɔrintebi 11:4

Ŋkpal manɛ so, esa baŋ ba men kutɔ m ba malga Yesu pɔtɛ ko nɛ e maŋ la Yesu mo nɛ an malga mbe asheŋ na malɛ be asheŋ ŋko nɛ men baŋ nya kiyoyu pɔtɛ ko nɛ e maŋ la emo nɛ men daŋ nya na nna ŋko baru lela pɔtɛ ko nna nɛ k maŋ la kumo nɛ men daŋ sɔ na, menyee sɔ kumo nna manaŋ manaŋ.

2 Kɔrintebi 2:17

Anyi alɛ maŋ du fanɛ basa damta nɛ b kɔ Ebɔrɛ be kawɔl to na a fin kenya tɔnɔ ko n ji na nna. Anyi ere, Ebɔrɛ e shuŋi anyi, amoso, nfɛra niŋiso nɛ an kɔ a malga asheŋ Kristo be ketre to ashi Ebɔrɛ be anishito.

Galeeshaebi 1:11

Ŋ kurgepoana mee sha fanɛ ŋ kaŋɛ menyi nna fanɛ baru lela nɛ mee malga na maŋ la kusɔ nɛ k shi dimɛdi gbagba kutɔ nna.

Galeeshaebi 1:15

Ama ŋkpal Ebɔrɛ be kuwɔr be kakɛ na so e lara ma nseŋ tre ma nna pɔɛŋ gba nɛ b kurge ma nɛ m ba shuŋ mo.

Galeeshaebi 1:7

Kashenteŋto bre, baru lela kama maŋ naa wɔtɔ n ti anyeya ere so, ama ŋkpal basa ko ka wɔtɔ a wul menyi to a sha kechɛrga Kristo be baru lela na so e shin nɛ ŋ kaŋɛ loŋ na.

Galeeshaebi 2:14

Ŋ ka wu fanɛ kesheŋ nɛ b wora na maŋ bɔla kashenteŋ be baru lela na be ekpa so nɛ ŋ kaŋɛ Pita le ashi bebɛsopo na kikɛ be anishito: “To, Juw e la fo nɛ fo daa wɔ nfe fanɛ kanyamase, mannɛ fanɛ Juw. Nɛ nuso nɛ feeŋ wora n tintiŋ nnyamase nɛ b baa wɔtɔ a bɛ Juwebi be edaŋkaresheŋ so?”

Galeeshaebi 2:2

N daŋ yɔ nna, ŋkpal manɛ so, Ebɔrɛ e daŋ lara ŋ ŋini ma fanɛ n yɔ. Bumo nɛ b daa la fanɛ benimuana na nɛ n daŋ shɛr wulo to ŋ kaŋɛ bumo baru lela nɛ mee malga a sa nnyamase na be asheŋ, ŋkpal manɛ so, n daa maa sha fanɛ kushuŋ nɛ n fara na e to jiga nɛ kananɛ ŋ kraa wɔ kumo to ere malɛ gba maaŋ baa la kusɔ jiga.

Galeeshaebi 2:5

An daa maŋ shuli gbrɛ kama gba n sa bumo, saŋɛ na so menyeeŋ baa kɔ baru lela na be kashenteŋ na to a wɔtɔ.

Galeeshaebi 2:7

Ama kusɔ nɛ b daŋ baŋ wu bre e daa la fanɛ Ebɔrɛ ta baru lela na nna m bɔɔ ma enɔ nɛ m bɔ kubɔya na n sa nnyamase fanɛ kananɛ e ta kubɔya koŋwule na n sa Pita fanɛ e bɔ n sa Juwebi na.

Galeeshaebi 5:14

Ŋkpal manɛ so, mbraana na kikɛ wɔ mbra nɛ k bee kaŋɛ le: “Sha fo barkasa dimɛdi fanɛ fo kumu” na to nna.

Galeeshaebi 5:4

Menyi, bumo nɛ menyee wora ania a sha kebɛ mbra na so n ji n lar Ebɔrɛ be anishito ere, barga men be amu ashi Kristo na kutɔ nna na. Men lar kuwɔr be kakɛ be kebaawɔtɔ to.

2 Tɛsalɔnikaebi 2:14

Baru lela nɛ an malga n sa menyi na to nɛ Ebɔrɛ bɔla n tre menyi. E tre menyi nna nɛ menyi alɛ e ba nya an Nyɛnpe Yesu Kristo be kemaŋkura na.

1 Timoti 1:14

An Nyɛnpe bugi kagbene n wu ma kuwɔr ga nseŋ sa ma yirda nɛ kasha ashi Kristo Yesu to.

1 Timoti 1:3

Ŋ ka daa yɔ Masɛdonia, ŋ kaŋɛ fo fanɛ fo shir a wɔ Ɛfeses. Mee sha fanɛ fo baa kraa wɔ ndoŋ ŋkpal basa nɛ b wɔ ndoŋ a ŋini keŋini pɔtɛ nɛ a daga fo ka ju bumo loŋ to na so.

2 Timoti 1:9

Ebɔrɛ mɔlga anyi nna nseŋ tre anyi fanɛ an ba ki mbe basa ŋkpal kusɔ nɛ mo gbagba yili nɛ mbe kuwɔr be kakɛ so, mannɛ kusɔ nɛ an wora so, Kristo Yesu so nɛ e bɔla n wu anyi kuwɔr pɔɛŋ nɛ kusɔ kikɛ fara dra dra na kikɛ.

2 Timoti 2:1

Amoso, fo ere m pibi, baa wɔ eleŋ nɛ k bee shi Yesu Kristo kutɔ a ba ŋkpal mbe kuwɔr be kakɛ na so to

1 Pita 1:15

Ama men baa du cheembi kusɔ kama nɛ menyee wora to fanɛ kananɛ emo nɛ e tre menyi na du na.

2 Pita 1:3

Ebɔrɛ bɔla mbe eleŋ so n sa anyi kusɔ kama nɛ k daga fanɛ an baa kɔ n tiŋ a wɔ kabɔrɛŋana be kebaawɔtɔ nɛ k daga to. Anyi be kebaanyi emo nɛ e bɔla mo gbagba be kemaŋkura nɛ mbe kelela so n tre anyi na so nɛ e wora loŋ.

Kelaraŋŋini 22:21

Enyɛnpe Yesu be kuwɔr be kakɛ e baa wɔ Ebɔrɛ be basa kikɛ so. Amɛn.