Galeeshaebi 1:14 - EBƆRƐ BE KAWƆL

¹⁴ Ma sara Juwebiana be bedamta to ma e daŋ fara nɛ n sɔ kejuŋkpar ashi Juwebi be kabɔrɛbɛso na to nseŋ daŋ naŋ pere kenishi n wɔtɔ an nanaana be asheŋ ŋiniso nɛ b yige n sa anyi na to ga.

Galeeshaebi 1:14 ပူးပေါင်းရင်းမြစ်များ

Aizaaya 29:13

Ade be kaman nɛ Enyɛnpe Ebɔrɛ na kaŋɛ le: “Nnɔ fuloŋ nɛ basa ere kɔ a shuŋ ma nɛ bumo be ŋgbene malɛ maŋ wɔ ma so. Edimɛdi be mbra nɛ edaŋkare nɛ b bii n wɔtɔ amu to nawule nɛ baa bɛ so a shuŋ Ebɔrɛ.

Aizaaya 57:12

Menyee fɛ fanɛ kusɔ nɛ menyee wora na daga nna, ama meeŋ shin nɛ menyi be asheŋ woraso e lar efuli nɛ menyi be agbirana e chɛ menyi to ŋ gben.

Jɛremaya 15:2

Nɛ b kaŋ bishi fo fanɛ nnɛ nɛ baaŋ baa yɔ, fo kaŋɛ bumo le: “Alɔ lubi beeŋ mɔ bumo be beko nɛ beko malɛ e wu kena to. Akoŋgboŋ beeŋ mɔ bumo be beko, nɛ bedoŋ malɛ e pɛ beko n yɔ efuli pɔtɛana so fanɛ anya.

Jɛremaya 9:14

Ama b wora bumo be ŋgbene kpakpa nna nseŋ daŋ shuŋ agbirana nɛ baa tre Baal na fanɛ kananɛ bumo nanaana ŋini bumo na.

Levitikɔs 13:16

Ama nɛ kuchuu na loge nseŋ ki n fuli, esa na daga e yɔ bɔrɛmatapo na kutɔ

Matiu 15:6

To, kananɛ menyee keni Ebɔrɛ be kamalga na jiga nsaa bɛ menyi gbagba be edaŋkaresheŋ so nna na.

Ashuŋ Shunso 21:20

B ka nu mbe kamalga na nɛ bumo kikɛ di Ebɔrɛ epaŋ nseŋ kaŋɛ Pɔɔl: “Fo wu ai, ekurgepo, Jerusalɛm ere to be Juwebi damta gba ki beyirdapo naniere, ama bumo alɛ kraa mɔ bumo be amu nna a bɛ Mosis be mbra na so.

Ashuŋ Shunso 22:3

“N la Juw nna ashi Silisia be Taases, ama Jerusalɛm to nfe nɛ b bela ma nɛ Gameelial daa la ma eŋinipo. Kananɛ k daga fanɛ esa e bɛ an nanaana be mbra na so na nɛ b daŋ ŋini ma nɛ n ta ma kumu m bɔɔ Ebɔrɛ enɔ nɛ n shuŋ mbe kushuŋ fanɛ kananɛ menyi kikɛ nfe ere bee wora na.

Ashuŋ Shunso 26:5

Nɛ baa sha keji kashenteŋ, baaŋ kaŋɛ fo fanɛ dra dra na kikɛ nɛ b pin ŋ ka wɔ katuŋ nɛ k bee bɛ anyi be mbraana na so nɛnɛ a chɔ ntuŋ nɛ a ka na kikɛ na, katuŋ nɛ baa tre Efarisiana be katuŋ na.

Ashuŋ Shunso 26:9

Ma alɛ gba daŋ yili kumo nna fanɛ meeŋ wora kusɔ kama n tiŋ n jija Nazarɛt be Yesu be ketre na.

Kɔlɔsiebi 2:8

Men baa da so nɛ ekama e sa maŋ kaŋ ta efɛ nɛ kanyiasheŋ fuloŋ n fule menyi m bɛ mbe kumu so, kumo e la fanɛ nyiŋgbasa be edaŋkaresheŋ nɛ a maŋ kɔ shɛŋ nsaa la sososo be asɔ ŋiniso na nɛ a maŋ shi Yesu Kristo na kutɔ na,

1 Pita 1:8

Men maŋ naŋ wu mo nna na pɔɛŋ ŋkaa sha mo na. Men maŋ naŋ wu mo naniere, ama menyi alɛ yirda mo nsaa kɔ kagbenefuli damta nɛ esa maaŋ tiŋ n ji kumo be asheŋ nɛ kemaŋkura wɔ kumo to na e bɔlɔ menyi to nna.