Galeeshaebi 1:13 - EBƆRƐ BE KAWƆL

¹³ Ŋkpal manɛ so men daŋ nu kebaawɔtɔ dra nɛ n daa kɔ a wɔtɔ saŋɛ nɛ n daa wɔ Juwebi be kabɔrɛbɛso na to na. Men nyi kananɛ n daŋ pere kenishi n tɔrɔ Ebɔrɛ be asɔriebi, n daa sha kemur bumo nna.

Galeeshaebi 1:13 ပူးပေါင်းရင်းမြစ်များ

Ashuŋ Shunso 8:1

Sɔɔl gba daŋ shuli fanɛ Stiven be luwu na bɔla ekpa. Kumo be kamɔnchɛ na kikɛ nɛ b fara a tɔrɔ Jerusalɛm to ebi be beyirdapoana na ga. Nɛ beyirdapoana na kikɛ pesaŋ to n sɔ Judiya nɛ Samɛria be efuliana na kikɛ so ŋ ka beshuŋipo na.

Ashuŋ Shunso 8:3

Ama Sɔɔl malɛ daa kɔ a fin kemur beyirdapoana na kikɛ nna nyam. E daa nite basa peana nna a nyaŋ beyirdapoana na, benyɛn nɛ beche kikɛ a lar n ya kaa ti ebu.

Ashuŋ Shunso 9:21

K daŋ chinchiŋ bekama nɛ b nu kumo na ga nɛ b bishi abar: “Mannɛ kanyɛn ere e daa wɔ Jerusalɛm a mɔ bekama nɛ baa ti ketre ere yirdaso na a? Kumo be kaman, mannɛ kepɛ loŋ be basa n ya bɔɔ bɔrɛmatapowuraana na enɔ so so nɛ e ba nfe a?”

Ashuŋ Shunso 9:26

Sɔɔl ka yɔ Jerusalɛm n ya kaa sha keba bebɛsopo na to, b daa maŋ yirda fanɛ e la ebɛsopo nseŋ daa ŋana mo.

1 Kɔrintebi 10:32

Sa maŋ kaŋ shin nɛ fo kebaawɔtɔ e shin nɛ Juw be esa kama ŋko Griik be esa kama ŋko Ebɔrɛ be asɔri na to be ekama e tɔr.

1 Kɔrintebi 15:9

Ŋkpal manɛ so, ma e la beshuŋipoana na kikɛ be emantopo, a maŋ daga fanɛ b ka tre ma eshuŋipo gba, ŋkpal manɛ so, n tɔrɔ Ebɔrɛ be asɔri.

Filipaiebi 3:6

Keshuŋ Ebɔrɛ malɛ be asheŋ daŋ pere ma kenishi ga hale nɛ n daa wɔtɔ a tɔrɔ asɔri to ebi. Mbra na malɛ be kebɛso be kulubi kikɛ daa maŋ wɔ ma to.

1 Timoti 1:13

Ama e wu ma kuwɔr, ŋkpal manɛ so, ŋ ka daa maŋ yirda na so e shin nɛ n wora kawulisheŋ na.

1 Timoti 1:14

An Nyɛnpe bugi kagbene n wu ma kuwɔr ga nseŋ sa ma yirda nɛ kasha ashi Kristo Yesu to.