Galeeshaebi 1:10 - EBƆRƐ BE KAWƆL

¹⁰ To, kananɛ m malga le ere maa ŋini ŋ ka bee sha kenya ketre basa kutɔ, ama Ebɔrɛ nawule kutɔ. Ŋko basa nɛ mee sha fanɛ n wora asheŋ nɛ a par bumo a? Cha, nɛ n daa sha kebaawora basa be aparsheŋ nna n daa maaŋ tiŋ a la Kristo be kenya.

Galeeshaebi 1:10 ပူးပေါင်းရင်းမြစ်များ

Matiu 22:16

Bumo be bebɛsopo nɛ Hɛrɔd be basa na nɛ b daŋ shuŋi nɛ b ba bishi mo: “Eŋinipo, an nyi fo ka la kashenteŋjipo a ŋini basa abɔrɛsheŋ na nɛ amo be kashenteŋ be ekpa so, fo alɛ be shɛŋ maŋ wɔ kananɛ basa bee fɛ fo asheŋ to, ŋkpal manɛ so, fo maa keni kananɛ basa du nsaa malga.

Matiu 28:14

Nɛ men kaŋɛ loŋ hale nɛ gomena ya nu kumo gba, men sa maa fɔŋ menyi be amu so, ŋkpal manɛ so, an nyi kusɔ nɛ anyeeŋ kaŋɛ mo nɛ e sa maŋ tɔrɔ menyi.”

Matiu 6:24

Esa koŋwule maaŋ tiŋ a shuŋ a sa benyɛnpe anyɔ. Nɛ e baŋ maŋ kishi bumo be eko nsaa sha eko, e beeŋ bugi kagbene a shuŋ eko nsaa wora eko malɛ emurpi. Fo maaŋ tiŋ n ta fo kagbene kikɛ a bɛ amansherbi so nseŋ tiŋ n ta kagbene koŋwule na a bɛ Ebɔrɛ so.

Ashuŋ Shunso 12:20

Hɛrɔd ka nya agbo ga n wora Tayɛ nɛ Saidɔn ebi so, b daŋ wora kɔnɔkoŋwule nna n shuŋi bumo to be basa ko Hɛrɔd kutɔ. Ama kumo ere be pɔɛŋ, b daŋ wule nna nɛ bumo nɛ Blastes nɛ e daa la ewura na be kowu to be enimu na wora kɔnɔkoŋwule n yili, ŋkpal manɛ so, ewura na be efuli na so ebi kutɔ nɛ bumo be efuli so ebi daa nya bumo be ajibi.

Ashuŋ Shunso 5:29

Nɛ Pita nɛ mo braana beshuŋipo na kaŋɛ: “Ebɔrɛ e daga an ka nu n sa, mannɛ enyiŋgbasa.

Romebi 1:1

Kawɔl ere shi ma Pɔɔl nɛ n la Kristo Yesu be kenya na kutɔ nna. Ebɔrɛ e tre ma nseŋ lara ma ashi ma basa to n shin nɛ ŋ ki mbe eshuŋipo nɛ m ba kaa bɔ mbe baru lela na.

Romebi 2:29

Kashenteŋto, dimɛdi be kebaawɔtɔ to e naa ŋini e ka la Juw nɛ kashenteŋ malɛ be keku na la kagbene to be kesheŋ, Ebɔrɛ be asheŋ nna, mannɛ kenishiso be asheŋ nna. Nɛ esa nɛ e ku loŋ na malɛ be kechɔrɔ bee shi Ebɔrɛ kutɔ nna, mannɛ nyiŋgbasa kutɔ.

Romebi 2:8

Ama bumo nɛ b wɔ bumo gbagba be aparsheŋ to a kini kashenteŋ na be kebɛso nsaa bɛ alubi so na, Ebɔrɛ be kagbene beeŋ kaa nɛ mbe agbo e ba bumo so.

1 Kɔrintebi 10:33

Kusɔ nɛ ma ere bee wora nde: Kusɔ kama nɛ mee wora, mee wora ania nna nɛ k par ekama ŋkaa maa fɛ ŋ gbagba be kumu so so, ekama be kumu so nɛ mee wora loŋ, saŋɛ na so baaŋ nya kumɔlga.

2 Kɔrintebi 12:19

Shere men baa wɔtɔ nna a fɛ fanɛ anyee malga nna a sa menyi a kuŋ anyi be amu. Ayai, mannɛ aloŋ nna. Kananɛ Kristo bee sha fanɛ an malga nɛ anyee malga ashi Ebɔrɛ be anishito. Kusɔ kama malɛ nɛ anyee wora, men be keyɔ anishito so nɛ anyee wora kumo.

Ɛfesesebi 6:6

Saŋkikɛ men baa nu a sa bumo, mannɛ fanɛ nɛ b wu menyi nɛ men nya ketre bumo kutɔ so, ama men baa ta men be ŋgbene kikɛ a wora asɔ nɛ a bee par Ebɔrɛ nɛ men baa du fanɛ Kristo be anya.

Filipaiebi 1:1

Kawɔl ere shi ma Pɔɔl nɛ Timoti nɛ an la Kristo Yesu be anya na kutɔ nna. K bee yɔ menyi kikɛ nɛ men la Ebɔrɛ be basa ashi Yesu Kristo to nɛ men be asɔriana to be bejuŋkparpoana nɛ bechɛtopoana nɛ men kikɛ wɔ Filipai be kade to na kutɔ nna.

Kɔlɔsiebi 3:22

Anya, men baa bunyaŋ men nyɛnpeana kusɔ kama to, mannɛ fanɛ men ya kaa shuŋ nɛ baa keni menyi so nawule ŋkpal men ka baa sha men be asheŋ e baa par bumo so, ama men baa kɔ kagbene koŋwule a shuŋ ŋkpal men ka bee bunyaŋ Enyɛnpe Yesu Kristo na so.

1 Tɛsalɔnikaebi 2:4

Ama kusɔ nɛ Ebɔrɛ bee sha nɛ anyee malga saŋkama, ŋkpal manɛ so, e yirda anyi nna nseŋ ta baru lela na m bɔɔ anyi enɔ. Mannɛ basa be aparsheŋ nɛ anyee wora ania a fin, ama Ebɔrɛ mo nɛ e bee wora anyi be nfɛra a keni na peya nɛ anyee fin.

Jeems 4:4

Basa nɛ esa maaŋ tiŋ n yirda ere! Men maŋ nyi fanɛ nɛ esa baa la Ebɔrɛ mo teri, amodoŋwura malɛ nɛ durnya ere to be asɔ maa ji a kra abar ŋko? To, esa kama nɛ e bee ta mbe kasha a wɔtɔ durnya ere be asɔ to, bee ta mbe kumu nna a ki Ebɔrɛ mo doŋ na.

1 Jɔn 3:9

Esa kama nɛ e la Ebɔrɛ pibi maa wora alubi. Ŋkpal Ebɔrɛ be kapɔr gbagba ka wɔ mo to so nɛ ŋkpal Ebɔrɛ ka la mo Tuto na so so, e maaŋ tiŋ n shir a wɔ alubi to a wora amo.

1 Samuɛl 21:7

Duɛg nɛ e shi Edɔm be efuli so nsaa la Sɔɔl be mbolpɔkpapo nimuso na gba daŋ ba ndoŋ kumo be kamɔnchɛ nna, nɛ e ba bunyaŋ Enyɛnpe Ebɔrɛ.