Filipaiebi 4:9 - EBƆRƐ BE KAWƆL

⁹ Men baa kraa wora asɔ nɛ men koya ashi ma kutɔ nɛ amo nɛ ŋ ŋini menyi na nɛ amo nɛ men nu ŋko n wu ŋ ka wora na kikɛ. Saŋɛ na so Ebɔrɛ nɛ kagbenewushi wɔ mo to na beeŋ baa wɔ menyi to.

Filipaiebi 4:9 ပူးပေါင်းရင်းမြစ်များ

Aizaaya 41:10

Amoso men sa maa lɔ kufu. Ma nɛ menyi e wɔtɔ! Ma e la menyi be Ebɔrɛ. Men sa maŋ shin nɛ kufu e pɛ menyi nɛ men baa chicha! Meeŋ sa menyi eleŋ nseŋ chɛ menyi to. Ma alɛ beeŋ kuŋ menyi nseŋ mɔlga menyi.

Aizaaya 8:10

Men wora menyi be ŋkre! Ama amo alɛ maaŋ tiŋ n wora m bɔlɔ so. Menyeeŋ tiŋ m malga kusɔ nɛ menyee sha! Ama amo kikɛ la fuloŋ nna, ŋkpal manɛ so Ebɔrɛ wɔ anyi kutɔ.

Matiu 1:23

E yɛ: “Kasuŋgurbia nɛ e maŋ nyi enyɛn beeŋ di kedampo ŋ kurge ebinyɛn nɛ b nase mo ketre Emanuɛl. Kumo be kifito e la fanɛ Ebɔrɛ wɔ anyi kutɔ.”

Matiu 28:20

Menyi alɛ e baa nyiŋi fanɛ ma nɛ menyi e naaŋ baa la hale jemanɛ ere e ya fo kumo be ekar.”

Matiu 7:21

Mannɛ basa nɛ baa tre ma Enyɛnpe, Enyɛnpe na kikɛ e naaŋ luri ebɔrɛso be kuwura na to she bumo nɛ baa wora n Tuto nɛ e wɔ ebɔrɛso na be aparsheŋ na.

Luuk 6:46

Manɛ e ba nɛ menyee tre ma Enyɛnpe, Enyɛnpe, nsaa maa wora kusɔ nɛ mee kaŋɛ menyi?

Luuk 8:21

Nɛ e kaŋɛ basa na: “N nio nɛ n sipoana e la bumo nɛ baa nu Ebɔrɛ be kamalga na nsaa wora kusɔ nɛ k bee ŋini na.”

Baru lela nɛ Jɔn kute na 13:17

Men baŋ pin asheŋ ere nsaa wora amo, nɛfa beeŋ baa la menyeya.”

Baru lela nɛ Jɔn kute na 15:14

Nɛ men baa wora asɔ nɛ mee kaŋɛ menyi, kumo ere n teriana e la menyi.

Baru lela nɛ Jɔn kute na 2:5

Ndoŋ nna nɛ Yesu mo nio kilgi ŋ kaŋɛ laŋ na to be nyɛrbi le: “Kusɔ kama nɛ e yɛ men wora, men wora.”

Ashuŋ Shunso 9:6

Niŋi to n yɔ kade to nɛ b ŋini fo kusɔ nɛ k daga nɛ fo wora.”

Romebi 15:33

Ebɔrɛ nɛ kagbenewushi kikɛ bee shi mo kutɔ na e baa wɔ menyi kikɛ to. Amɛn.

Romebi 16:20

K maaŋ chɛr ko nɛ Ebɔrɛ nɛ kagbenewushi kikɛ bee shi mo kutɔ na e jija Setani be eleŋ kikɛ n shin nɛ e gbir menyi kumuli. An Nyɛnpe Yesu Kristo be kuwɔr be kakɛ e baa wɔ menyi to.

1 Kɔrintebi 10:31

Amoso, nɛ fee ji ŋko fee nuu nna ŋko kusɔ kama nɛ fee wora, wora amo kikɛ nɛ Ebɔrɛ e nya kemaŋkura.

1 Kɔrintebi 14:33

Ŋkpal manɛ so, Ebɔrɛ maŋ la kebagato be Ebɔrɛ nna, kagbenewushi be Ebɔrɛ e la mo.

1 Kɔrintebi 4:16

Amoso, mee kule menyi nna fanɛ men baa kute ma to.

2 Kɔrintebi 13:11

To, bekurgepoana, Ebɔrɛ e chɛ menyi to. Men baa kɔ a fin kebaawɔtɔ niŋiso. Men baa du fanɛ kananɛ ŋ kule menyi na nsaa kɔ kɔnɔkoŋwule a wɔtɔ nseŋ naa wɔ kagbenewushi to, nɛ kasha nɛ kagbenewushi be Ebɔrɛ na e baa wɔ menyi to.

Ditɛronɔmi 5:1

Mosis daŋ tre Israɛl be basa na kikɛ nna m ba kaŋɛ bumo le: “Israɛlebi, men kaŋ asoe n nu mbraana nɛ mee ta a sa menyi kabre ere. Men koya amo nseŋ wora amo kasonu.

Filipaiebi 3:17

Ŋ kurgepoana, men chala a kute ma kebaawɔtɔ to nsaa pɛshɛ bekama nɛ baa bɛ kebɛso na so fanɛ kananɛ an nase na.

Filipaiebi 4:7

Nɛ men wora loŋ, kagbene wushi nɛ k bee shi Ebɔrɛ kutɔ a ba nsaa chɔ kananɛ dimɛdi beeŋ fɛ na beeŋ shin nɛ men be ŋgbene nɛ men be nfɛra e nya edesekpa ashi Kristo Yesu to.

1 Tɛsalɔnikaebi 1:6

Men kute anyi nɛ Enyɛnpe na to, ŋkpal manɛ so, men sɔ kubɔya na awurfoŋ damta to nɛ kagbenefuli nɛ k shi Kiyoyu Cheeŋ na kutɔ.

1 Tɛsalɔnikaebi 2:14

Ŋ kurgepoana, kusɔ nɛ k wora menyi na koŋwule na e wora bumo nɛ baa bɛ Ebɔrɛ so a wɔ Judiya na gba. Bumo e la bumo nɛ b la Yesu Kristo peya na. Kananɛ men be efuli so ebi bee tɔrɔ menyi na nɛ Juwebi na ta n tu bebɛsopo nɛ b wɔ Judiya to na gba.

1 Tɛsalɔnikaebi 5:23

Ebɔrɛ nɛ e bee sa kagbenewushi na e wora menyi cheembi n shin nɛ menyi be amu kikɛ nɛ kiyoyu nɛ kagbene nɛ eyur e lar kulubi kikɛ to jemanɛ nɛ anyi nɛ Enyɛnpe Yesu Kristo beeŋ ya ba na.

2 Tɛsalɔnikaebi 3:4

Enyɛnpe na so an yirda menyi a nyi men ka bee wora ŋ kraa beeŋ wora asɔ nɛ anyee kaŋɛ menyi.

2 Timoti 4:22

Enyɛnpe e baa kɔ fo kiyoyu to. Ebɔrɛ be kuwɔr be kakɛ e baa wɔ menyi so.

Jeems 1:22

Ama men baa la benupo nɛ baa nu a wora nsaa maa nu kamalga na jiga a fule men be amu.

2 Pita 1:10

Amoso, ŋ kurgepoana, men baa wora ania ga kebaawɔtɔ ere to a ti so n shin nɛ men be ketre nɛ kelara nɛ Ebɔrɛ lara menyi na e baa dii efuli men be kebaawɔtɔ to. Nɛ menyi alɛ baa wora loŋ be asheŋ na men maaŋ tɔr kikɛ.

1 Jɔn 3:22

Anyi alɛ naa tiŋ a nya kusɔ kama nɛ anyee kule mo ŋkpal an ka bee bɛ mbe mmalga naseso so so nsaa wora asɔ nɛ a bee par mo na so.