Filipaiebi 4:5 - EBƆRƐ BE KAWƆL

⁵ Men shin nɛ ekama nyam e baa wu kananɛ men du boeŋ, ŋkpal manɛ so, Enyɛnpe na be keba taga to.

Filipaiebi 4:5 ပူးပေါင်းရင်းမြစ်များ

Matiu 6:25

Amoso, mee kaŋɛ menyi nna fanɛ men sa maa fɔŋ men be ŋkpa so a wɔtɔ a fɛ kananɛ menyeeŋ tiŋ n nya kusɔ jiso nɛ kusɔnuuso be asheŋ, ŋkpal manɛ so, mannɛ ŋkpa e chɔ ajibi a? Menyi alɛ e sa maŋ naa fɔŋ menyi be eyurana so a wɔtɔ a fɛ kananɛ menyeeŋ tiŋ n nya asɔbuuso be asheŋ, ŋkpal manɛ so, mannɛ eyur e chɔ asɔbuuso a?

Matiu 6:34

Amoso, men sa maa fɔŋ echefoso, ŋkpal manɛ so, kumo alɛ gba kɔ kumo to be asheŋ tirso nna nɛ a maŋ daga menyi ka naa ta kachɛ pɔtɛ ko be kafɔŋ a ti kuko peya so. Men shin nɛ kachɛ kama e baa kɔ kumo gbagba be asheŋ tirso.

Luuk 21:34

Ama men baa de menyi be amu so nsaa maa wɔ kebaawɔtɔ jiga nɛ kasanuu nɛ durnya ere to be kasɔsha be kebaawɔtɔ to nɛ menyi be aba e pɔ menyi nɛ kachɛ nɛ ma, Nyiŋgbasa Pibinyɛn beeŋ ba na e purgi menyi fanɛ kejigbelɛ na.

1 Kɔrintebi 16:22

Ekama nɛ e maa sha Enyɛnpe na, kɔnɔso e baa wɔ amodoŋwura na so. An Nyɛnpe e naaŋ bɛta m ba.

1 Kɔrintebi 6:7

Men ka baa kɔ asheŋ menyi to ere e naa ŋini fanɛ men tɔr kashenteŋto pasaa. Men daa maaŋ tiŋ n shuli kejija nna n sa abar ŋkaa maaŋ yɛr abar demujikpa a? Keshuli n shin nɛ b puni menyi maŋ bɔ keyɛr abar demujikpa a?

1 Kɔrintebi 8:13

Amoso, nɛ ajibi baa la asɔ nɛ a bee shin nɛ n niopibi bee tɔr, kumo ere m maaŋ naŋ we eblaŋ kikɛ, saŋɛ na so m maaŋ shin nɛ n niopibi na e tɔr.

1 Kɔrintebi 9:25

Ekama nɛ e beeŋ ki eshilepo bee keta mbe kumu nna nɛnɛ kenishipereso. Baa kaa wora loŋ nna, saŋɛ na so, baaŋ ji kɔŋkɔŋ n nya kusɔ nɛ k maaŋ chɛr nseŋ jija, ama anyi ere, kusɔ nɛ k maa jija so nɛ anyee wora loŋ.

2 Kɔrintebi 10:1

Ma, Pɔɔl gbagba nɛ b yɛ: “E baa wɔ men kutɔ e la bawala nna, ama nɛ e baa wɔ kufɔ e bee ŋini mbe kenyɛn nna”, mee kule menyi nna ŋkpal Kristo be kebaala esa nɛ bawala so fanɛ:

2 Tɛsalɔnikaebi 2:2

Anyee kule menyi nna fanɛ men sa maŋ kaŋ shin nɛ men be nfɛra e wul menyi to ŋko n shin nɛ kananɛ basa ko bee kaŋɛ fanɛ Enyɛnpe be kachɛ na teŋ ba na e baa jija men be ŋgbene. Shere esa ko e kaŋɛ fanɛ e wu kumo loŋ nna ŋko esa ko e malga abɔrɛsheŋ ŋ kaŋɛ loŋ ŋko basa e naa kaŋɛ fanɛ anyi e sibɛ kumo anyi be kawɔl to.

Taites 3:2

Kaŋɛ bumo fanɛ b sa maa malga alubi a gbiti esa kikɛ, bumo alɛ e sa maŋ la basa nɛ baa bar kebagato, ama b baa sha basa keteri nsaa ta da nɛ k du boeŋ a ŋini basa kikɛ.

Hibruwebi 10:25

Men sa maŋ shin nɛ an baa kini kebaatu abar a shɛr fanɛ kananɛ basa ko bee kaa wora na. Ama men shin nɛ an baa leŋ abar to, fɔnfɔŋ kananɛ men wu lalaloge be kachɛ na ka bee fo le ere so.

Hibruwebi 10:37

Ŋkpal manɛ so, loŋ nɛ abɔrɛsibɛ na bee kaŋɛ na fanɛ: “A ka gbrɛbi nɛ esa nɛ e bee ba na e ba, e maaŋ chɛr.

1 Pita 1:11

Kristo be Kiyoyu mo nɛ e daa wɔ bumo to na daŋ wu Kristo be etɔrɔ nɛ kemaŋkura mo nɛ k beeŋ lar etɔrɔ na be kaman na nna ŋ kaŋɛ bumo nɛ b wora ania a fin saŋɛ nɛ asheŋ na kikɛ beeŋ wora.

1 Pita 4:7

Asɔ kikɛ be ekar be jemanɛ na bee taga to nna na, amoso, men baa kɔ nfɛra niŋiso nsaa tiŋ men be amu, saŋɛ na so menyeeŋ tiŋ ŋ kule Ebɔrɛ nɛnɛ.

Kelaraŋŋini 22:20

Esa nɛ e bee ji asheŋ ere be shɛda e naa kaŋɛ fanɛ: “Kashenteŋto, m maaŋ naŋ chɛr nseŋ ba.” Amɛn, Enyɛnpe Yesu, ba naniere!

Kelaraŋŋini 22:7

Yesu yɛ: ‘Men keni, m maaŋ naŋ chɛr nseŋ ba. Kagbenefuli beeŋ baa la ekama nɛ e bee ta mmalgawuŋkaŋɛ nɛ a wɔ kawɔl ere to ere a wɔtɔ mbe kagbene to peya nna.’ ”