Filipaiebi 4:15 - EBƆRƐ BE KAWƆL

¹⁵ Menyi Filipaiebi malɛ gba baa nyi geeŋ fanɛ ŋ ka lar Masɛdonia be efuli so, saŋɛ nɛ n daŋ baŋ fara a bɔ baru lela na a sa basa na, menyi nawule e daa la asɔriebi nɛ b daŋ chɛ ma to ashi kesa nɛ kesɔ to.

Filipaiebi 4:15 ပူးပေါင်းရင်းမြစ်များ

2 Bewura 5:16

Nɛ Elaisha malɛ kaŋɛ le: “Enyɛnpe Ebɔrɛ nɛ mee shuŋ nɛ e wɔ ŋkpa to ere so, maaŋ sɔ kakɛ ere.” Ndoŋ nna nɛ Neeman mata mo so fanɛ e sɔ kakɛ na nɛ e kini.

2 Bewura 5:20

nɛ anebi Elaisha be kayɛrbi Gehazi fɛ mbe kumu to le: “Manɛ nna nɛ n nyɛnpe yige Siriya be kanyɛn ere nɛ e bee yɔ jiga loŋ? K daŋ daga e ka sɔ kakɛ nɛ e bar mo na. Enyɛnpe Ebɔrɛ nɛ e wɔ ŋkpa to ere so meeŋ ju m buu mo so n ya sɔ kusɔ ko mo kutɔ.”

Ashuŋ Shunso 16:40

Nɛ Pɔɔl nɛ Sailas lar kabuti na to n yɔ Libiya pe n ya tu bekurgepoana na ndoŋ n leŋ bumo to nseŋ lar kade na to.

Romebi 15:26

Masɛdonia nɛ Akaya be efuliana so be asɔriana e yili kumo bumo gbagba be keparso n to amansherbi be toto nɛ n ta n ya sa Ebɔrɛ be basa nɛ b la betirpo a wɔ Jerusalɛm be asɔri to na.

Filipaiebi 1:12

Ŋ kurgepoana mee sha men ka pin fanɛ asheŋ nɛ a nya ma na kilgi nna n chɛ ma to nɛ baru lela na be kebɔ na yɔ anishito.

Filipaiebi 1:16

Kasha so nɛ bumo ere bee bɔ kumo, ŋkpal manɛ so, b nyi fanɛ Ebɔrɛ shin nɛ n wɔ nfe nna nɛ ŋ ŋini basa fanɛ baru lela na kɔ kashenteŋ.

Filipaiebi 1:5

ŋkpal kananɛ men chɛ ma to ashi baru lela na be kebɔ be kushuŋ na to so baŋ yili kachɛ sososo nɛ n yɔ men kutɔ na m ba fo mbre.

Filipaiebi 1:7

Saŋkama men be asheŋ baa wɔ ma kagbene to nna, amoso, k baŋ dii efuli nna fanɛ meeŋ baa fɛ le be nfɛra ere a yɔ men be kaplɛa so. Ŋkpal manɛ so, men kikɛ tu ma nna n nya kuwɔr be kakɛ nɛ Ebɔrɛ sa ma naniere ashi ma kabuti ere to nɛ saŋɛ nɛ n daa wɔ ma kumu a wɔtɔ a kɔ a fin baru lela na be kelela nseŋ naa malga a ŋini basa fanɛ kashenteŋ wɔ Kristo to na.

Filipaiebi 2:12

Amoso, n teri shasoana, men baa kraa nu a sa ma fanɛ kananɛ men chɛr a wora na, mannɛ fanɛ saŋɛ nɛ n wɔ menyi kutɔ nawule, ama saŋɛ nɛ m maŋ wɔ menyi kutɔ gba a chɔ ŋ ka wɔ men kutɔ. Men baa ta kagbene ŋana asheŋ ŋ kraa kɔ a fin men be kumɔlga kikɛ be kenya.