Filipaiebi 4:12 - EBƆRƐ BE KAWƆL

¹² N nyi kusɔ nɛ k la ketir nseŋ naa nyi kusɔ nɛ k la kanya damta malɛ gba. Ŋ koya amo kikɛ be asheŋ nna, amoso, kaplɛkama nɛ n yɔ saŋkikɛ, kusɔ nɛ ŋ kɔ bee kukwe ma nna. Nɛ m moɛ nna ŋko nɛ akoŋ kɔ ma nna ŋko nɛ fanɛ ŋ kɔ ga nna ŋko gbrɛbi gba nna, a bee kukwe ma nna.

Filipaiebi 4:12 ပူးပေါင်းရင်းမြစ်များ

Nehemaya 9:20

Fo Kiyoyu lela e ŋini bumo kusɔ nɛ k daga nseŋ sa bumo ajibi nɛ baa tre manna na nɛ b ji. Kumo be kaman nɛ fo sa bumo nchu nɛ b nuu.

Aizaaya 8:11

Kumo be kaman nɛ Enyɛnpe Ebɔrɛ na bɔla mbe eleŋgboŋ so n fiɛ ma so fanɛ n sa maa wora asheŋ fanɛ kananɛ basa na bee wora na.

Jɛremaya 31:19

An daŋ shile fo nna, ama naniere anyi naa sha kebɛta m ba fo kutɔ nna. Fo ka gberge anyi kusoe na be kaman, nɛ kagbenejija tɔr anyi so nɛ an kurgi amu n yuu to. Nyɔmɔ daŋ pɛ anyi nna nɛ an ji anishinyɔr ŋkpal an ka wora alubi saŋɛ nɛ an daa la mbifɔlbi kikɛ na so.’

Matiu 11:29

Men be ekama e ta ma kubɔ to be kebarga n dii nɛ ma nɛ mo e baa na, saŋɛ na so e beeŋ koya kebaawɔtɔ ashi ma kutɔ, ŋkpal manɛ so, n du boeŋ nna a bar ma kumu kaseto. Ekama nɛ e baŋ wora loŋ, e beeŋ nya ewushi.

Matiu 13:52

Nɛ e kaŋɛ le: “Mbraŋinipo kama nɛ b ŋini mo ebɔrɛso be kuwura na to be asheŋ baa du fanɛ laŋwura ko ka bela asɔ popɔr nɛ asɔ dra ashi mbe kpanjawu to be ebu to n lar na nna.”

2 Kɔrintebi 10:1

Ma, Pɔɔl gbagba nɛ b yɛ: “E baa wɔ men kutɔ e la bawala nna, ama nɛ e baa wɔ kufɔ e bee ŋini mbe kenyɛn nna”, mee kule menyi nna ŋkpal Kristo be kebaala esa nɛ bawala so fanɛ:

2 Kɔrintebi 10:10

Ŋkpal manɛ so, loŋ nɛ beko bee kaŋɛ fanɛ: “Mbe mmalga nɛ a wɔ mbe nwɔl to wɔ egbɛ nsaa kɔ eleŋ, ama fo wu mo gbagba kenishiso, e maŋ la elempo, mbe kɔnɔ to be mmalga malɛ maŋ kɔ shɛŋ.”

2 Kɔrintebi 11:27

Saŋkikɛ ma nɛ kegben nɛ kebaawɔtɔ kpakpaso e wɔtɔ. Saŋɛ damta ma nɛ kadigal nna, akoŋ mɔ ma nɛ achukoŋ pɛ ma. Saŋɛ damta m maŋ kɔ ajibi nɛ n ji saŋko nɛ n dese awo to saŋko m maaŋ ba kɔ asɔbuuso.

2 Kɔrintebi 11:7

Ŋ ka daŋ bɔ Ebɔrɛ be baru lela n sa menyi na, n daa maŋ sɔ menyi shɛŋ. Ŋ ka daŋ bar ma kumu kaseto loŋ nɛ menyi ere e dii na, kulubi ko nɛ n daŋ wora a?

2 Kɔrintebi 11:9

Saŋɛ nɛ n daa wɔ menyi kutɔ na nɛ k ba fanɛ n daa sha kusɔ ko, m maŋ dese menyi so, ŋkpal manɛ so, bekurgepo mo nɛ b daŋ shi Masɛdonia na e daa sa ma kumo. N daa maa sha fanɛ n dese menyi so ekpa kama so, ma alɛ maaŋ dese menyi so kikɛ.

Ditɛronɔmi 32:10

E wu bumo nɛ baa nite keshishɛrsawule so nna, kakpa nɛ k dese fuloŋ nɛ afu bee muu shishɛr a yɔ a ba na. Ndoŋ nna nɛ e kuŋ bumo ŋ keni bumo so nɛnɛ, fanɛ kananɛ e bee kuŋ mo gbagba be kumu na.