Filipaiebi 4:11 - EBƆRƐ BE KAWƆL

¹¹ Mannɛ fanɛ ŋ ka bee sha kechɛto so e shin nɛ mee malga le ere, ŋkpal manɛ so, naniere ŋ koya fanɛ a daga fanɛ kusɔ kama nɛ ŋ kɔ n shin nɛ k baa kukwe ma.

Filipaiebi 4:11 ပူးပေါင်းရင်းမြစ်များ

Jɛnesis 28:20

Asheŋ ere be kaman nɛ Jeekɔb nase kɔnɔ ŋ kaŋɛ le: “Nɛ Ebɔrɛ beeŋ baa wɔ ma kutɔ nsaa keni ma so ashi ma enite ere to nsaa sa ma ajibi nɛ asɔbuuso loŋ

Ɛksodɔs 2:21

Kumo be kaman nɛ Mosis shuli n chena Midian. Mosis nɛ bumo wɔtɔ loŋ nɛ Jetro ta mo pibiche Zipora n sa mo nɛ e ki mbe eche.

Luuk 3:14

Nɛ benapo ko malɛ ba bishi mo: “Manɛ nɛ anyi alɛ beeŋ wora?” Nɛ e kaŋɛ bumo: “Men sa maa suge basa be amansherbi ŋko a ji bumo so. Men shin nɛ men be kakɔka e baa kukwe menyi.”

2 Kɔrintebi 11:27

Saŋkikɛ ma nɛ kegben nɛ kebaawɔtɔ kpakpaso e wɔtɔ. Saŋɛ damta ma nɛ kadigal nna, akoŋ mɔ ma nɛ achukoŋ pɛ ma. Saŋɛ damta m maŋ kɔ ajibi nɛ n ji saŋko nɛ n dese awo to saŋko m maaŋ ba kɔ asɔbuuso.

2 Kɔrintebi 6:10

An wɔ kagbenejija to, ama an be ŋgbene malɛ baa fuli anyi nna saŋkikɛ. Betirpo e la anyi, ama saŋkikɛ anyi alɛ bee wɔtɔ basa dama to nna. Anyi maŋ kɔ shɛŋ, anyi alɛ nsaa kɔ asɔ kikɛ.

2 Kɔrintebi 8:9

Ŋkpal manɛ so, men nyi Kristo, Enyɛnpe Yesu be kuwɔr be kakɛ na be asheŋ, fanɛ e ka la damawura, ama menyi so nɛ e ki etirpo, saŋɛ na so menyeeŋ bɔla mbe ketir so ŋ ki damawuraana.

2 Kɔrintebi 9:8

Ebɔrɛ e naaŋ tiŋ n sa menyi asɔ a chɔ kananɛ menyee sha, saŋɛ na so saŋkikɛ menyeeŋ baa kɔ kusɔ kama nɛ menyee sha ekpa kama so nseŋ naa kɔ amo yɛlyɛla so a yɔ kushuŋ lela kama be ekpa so.

Filipaiebi 3:8

Kashenteŋto, naniere shɛŋ maŋ naa kɔ tɔnɔ ma anishito ŋkpal kebaanyi Kristo Yesu n Nyɛnpe na ka chɔ kusɔ kikɛ na so. Mo so nɛ m paŋ asɔ kikɛ nseŋ naa ta kusɔ kama fanɛ asɔ fuloŋ ŋkpal kananɛ meeŋ wora n nya Kristo na so nɛ n tiŋ n nya a wɔ mo to.

Hibruwebi 10:34

Men daŋ tu basa nɛ b ti ebuana n ji awurfoŋ nɛ saŋɛ nɛ b daŋ ba suge menyi be asɔ na gba, men daŋ ta kagbenefuli n nyiti loŋ be kesheŋ na gba ŋkpal men ka daa nyi fanɛ men kɔ kusɔ nɛ k chɔ asɔ na ga nsaa maŋ kɔ ekar na so.