Filipaiebi 3:8 - EBƆRƐ BE KAWƆL

⁸ Kashenteŋto, naniere shɛŋ maŋ naa kɔ tɔnɔ ma anishito ŋkpal kebaanyi Kristo Yesu n Nyɛnpe na ka chɔ kusɔ kikɛ na so. Mo so nɛ m paŋ asɔ kikɛ nseŋ naa ta kusɔ kama fanɛ asɔ fuloŋ ŋkpal kananɛ meeŋ wora n nya Kristo na so nɛ n tiŋ n nya a wɔ mo to.

Filipaiebi 3:8 ပူးပေါင်းရင်းမြစ်များ

1 Bewura 14:10

Ŋkpal kusɔ nɛ fo wora ere so meeŋ mur fo kuwurji nseŋ mɔ fo kaman to ebi nɛ b la benyɛn nɛ benimu nɛ mbia kikɛ. Meeŋ mur fo kanaŋ nɛ b ki fanɛ kananɛ anabin bee chɔɔ a mur na.

2 Bewura 9:37

E yɛ baaŋ ta mbe eyur nɛ k ka na n farnyaŋ to n lɛ fanɛ anabin nɛ esa kama maaŋ tiŋ m pin mo.”

Job be kawɔl 20:7

ama bumo alɛ beeŋ choŋ fanɛ afu ka ta kalabɛr na; nɛ basa nɛ b daa nyi bumo na e baa bishi abar fanɛ, nnɛ nɛ b yɔ?

Nshɛ 126:6

Shin nɛ bekama nɛ baa gben a sulɔ bumo be asɔduu so a yɔ nɛ keduu to na, e ta kagbenefuli be nshɛ n ya teŋi amo n sulɔ m ba epe.

Nshɛ 73:25

M maŋ naa kɔ esa kikɛ ebɔrɛso n naŋ ti fo so. Ŋ ka baa kɔ fo ere, m maŋ naa sha shɛŋ durnya ere to.

Aizaaya 53:11

Awurfoŋ nɛ e beeŋ ji na be kaman, e beeŋ naŋ nya kagbenewushi nseŋ pin fanɛ e maŋ gben jiga. Ma kenya nɛ e bee shuŋ ma kagbene koŋwuleso nɛ ma kagbene bee fuli mo so na e naaŋ sɔ basa galeŋga be kasogberge n deŋi mbe kumu so, nɛ ŋ kpal mo so n ta bumo be alubi m paŋ bumo.

Malakai 2:3

Meeŋ gberge men be mbia kusoe nseŋ ta asɔbɔya nɛ menyee ta a lara esarga na be ebin ŋ gbiti menyi be anishito. Kumo be kaman nɛ ma nɛ menyi maa naa kɔ shɛŋ.

Nɔmbɛs 14:30

maaŋ yɔ kasawule nɛ m bɔ ntaŋ n nase kɔnɔ fanɛ meeŋ sa menyi na so. Jefune pibinyɛn Kalɛb nɛ Nun pibinyɛn Joshuwa nawule e naaŋ yɔ ndoŋ.

Luuk 1:43

Manɛ e ba nɛ le be kesheŋ gboŋ ba ma alɛ so le nɛ n Nyɛnpe mo nio e ba nɛ e ba chɔrɔ ma.

Luuk 11:20

Kashenteŋto, Ebɔrɛ e naa sa ma eleŋ nɛ ŋ kɔ a ju mbuibi lubiana na ashi basa to nɛ loŋ malɛ bee ŋini fanɛ Ebɔrɛ be kuwura na teŋ ba menyi to.

Baru lela nɛ Jɔn kute na 14:20

Kachɛ na kaŋ fo, menyeeŋ pin ŋ ka wɔ n Tuto na to nɛ menyi alɛ wɔ ma to nɛ ma alɛ gba wɔ menyi to.

Baru lela nɛ Jɔn kute na 14:7

Nɛ e naŋ kaŋɛ bumo le: “Nɛ men daa nyi ma nna, menyi daa beeŋ baa nyi n Tuto na gba. Baŋ yili kabre a yɔ menyi alɛ tea nyi mo hale n teŋ wu mo gba.”

Baru lela nɛ Jɔn kute na 16:3

Bumo alɛ beeŋ wora loŋ nna ŋkpal b ka maŋ nyi Etuto ŋko ma so.

Baru lela nɛ Jɔn kute na 17:3

Nɛ basa malɛ baa nyi fo, Ebɔrɛ nɛ fo nawule la kashenteŋ be Ebɔrɛ na nseŋ naa nyi ma, Yesu Kristo nɛ fo shuŋi na, kumo ere baaŋ baa kɔ ŋkpa nɛ k maŋ kɔ ekar na.

Baru lela nɛ Jɔn kute na 17:8

Ŋkpal manɛ so, n ta mmalga nɛ fo ta n sa ma na n sa bumo nɛ b sɔ. B pin geeŋ fanɛ fo kutɔ nɛ n shi, bumo alɛ nseŋ naŋ yirda fanɛ fo e shuŋi ma.

Baru lela nɛ Jɔn kute na 20:13

Ndoŋ nna nɛ b bishi Mɛɛri le: “Kache manɛ, manɛ e ba nɛ fee shu?” Nɛ e kaŋɛ bumo: “B ta n Nyɛnpe nna, ma alɛ maŋ nyi kakpa nɛ b ta mo n wɔtɔ.”

Baru lela nɛ Jɔn kute na 20:28

Ndoŋ nna nɛ Tɔmas kaŋɛ Yesu le: “N Nyɛnpe nɛ ma Ebɔrɛ!”

Ashuŋ Shunso 20:24

Kusɔ nɛ k tir ma e la kananɛ meeŋ tiŋ n loge Enyɛnpe Yesu be kushuŋ nɛ e sa ma na. Kumo alɛ e la kebɔ Ebɔrɛ be kuwɔr be kakɛ na be baru lela na.

Romebi 8:18

M baa nyi geeŋ fanɛ tɔrɔ mo nɛ anyee nya naniere maaŋ tiŋ n fo kemaŋkura nɛ Ebɔrɛ beeŋ bugi to n sa anyi na kikɛ so kuraa.

Romebi 8:39

Shɛŋ maŋ wɔ durnya ere be esoso ŋko kumo be kaseto nɛ k tiŋ n lara mbe kasha na ashi anyi so. Shɛŋ shɛŋ maŋ wɔ durnya ere kikɛ to nɛ k tiŋ n lara anyi ashi Ebɔrɛ be kasha nɛ k bɔla an Nyɛnpe Kristo Yesu so a la anyeya na to.

1 Kɔrintebi 2:2

N daŋ yili kumo nna fanɛ ŋ ka daa wɔ menyi kutɔ na, n daa maŋ nyi shɛŋ she Yesu Kristo nawule nɛ luwu mo nɛ e wu kedibi largato so na be asheŋ.

1 Kɔrintebi 9:10

Mannɛ anyi nawule so e shin nɛ e daŋ malga loŋ a? Kashenteŋto, anyi so nɛ e daŋ shin nɛ b sibɛ loŋ na, ŋkpal manɛ so, edɔpo nɛ eteŋipo kikɛ daga fanɛ b baa tama kenya adɔjibi na be ako.

2 Kɔrintebi 4:4

Bumo alɛ maŋ yirda nna, ŋkpal manɛ so, durnya ere to be ebɔrɛ na e tan bumo be anishiana, saŋɛ na so b maaŋ baa wu Kristo nɛ e la Ebɔrɛ be kaduli gbagba na be kemaŋkura be baru lela na be kefulto na.

2 Kɔrintebi 4:6

Ebɔrɛ mo nɛ e kaŋɛ fanɛ: “Men shin nɛ kefulto e shi tentembiri to n lar n nyaŋɛ,” koŋwule na e naa shin nɛ mbe kefulto bee nyaŋɛ anyi be ŋgbeneana to a bar anyi Ebɔrɛ be kemaŋkura be kanyiasheŋ be kefulto nɛ k bee nyaŋɛ Kristo be anishito na.

Galeeshaebi 1:16

Mo alɛ ka naŋ yili kumo mbe kagbene to n lara mo Pibinyɛn ŋ ŋini ma nɛ n tiŋ m bɔ baru lela n sa nnyamase, m maŋ yɔ esa kama kutɔ epul na to n ya bishi asheŋ to m pin.

Ɛfesesebi 4:13

Loŋ na an kikɛ beeŋ baa wɔ abar so ashi anyi be yirda nɛ anyi be kananɛ an nyi Ebɔrɛ Pibinyɛn na loŋ hale nɛ an ya kaa kɔ kebɛso na to be kenimufɛra n duli Kristo gbagba kusɔ kama to.

Filipaiebi 1:1

Kawɔl ere shi ma Pɔɔl nɛ Timoti nɛ an la Kristo Yesu be anya na kutɔ nna. K bee yɔ menyi kikɛ nɛ men la Ebɔrɛ be basa ashi Yesu Kristo to nɛ men be asɔriana to be bejuŋkparpoana nɛ bechɛtopoana nɛ men kikɛ wɔ Filipai be kade to na kutɔ nna.

Filipaiebi 3:10

Kusɔ nɛ m baa sha asheŋ ere kikɛ to e la fanɛ m baa nyi Kristo na nsaa tiŋ a wu mbe ketiŋi luwu to be eleŋ na ma kebaawɔtɔ to nseŋ naa tiŋ a tu mo a ji mbe awurfoŋ na n tiŋ ŋ ki fanɛ mo gbagba ashi mbe luwu na to.

Filipaiebi 3:12

M maa ŋini fanɛ n teŋ nya asɔ nɛ ma anishi yuu so ere nna ŋko fanɛ n teŋ ki esa cheembi nna, ama m baa pere kenishi nna a kɔ to a yɔ anishito a fin kenya ma tɔnɔ, kumo alɛ so nɛ Kristo Yesu teŋ sɔ ma n sa mbe kumu na.

Filipaiebi 3:7

Ama naniere bre, asɔ nɛ a daa kɔ tɔnɔ ma kutɔ na kikɛ, m maŋ naa tre amo shɛŋ ŋkpal Kristo Yesu so.

2 Timoti 4:6

Ma ere, jemanɛ nɛ baaŋ ta ma n lara sarga na fo nɛ jemanɛ nɛ meeŋ lar durnya ere to na fo n loge.

Hibruwebi 3:14

Ŋkpal manɛ so, nɛ an baa kɔ anyi be sososo be tama na to kpakpa n ya fo ekar, kumo ere anyi nɛ Kristo e kɔ kachige koŋwule.

1 Pita 2:7

Loŋ be kejembu ere la tɔnɔ be kusɔ gboŋgboŋi nna ga n sa menyi nɛ men yirda ere, ama bumo nɛ b maŋ yirda na bre, abɔrɛsibɛ na bee kaŋɛ fanɛ: “Kejembu mo nɛ bepɔrpo keni jiga na e ba ki ajembu to kikɛ be kelela ga na.”

2 Pita 1:2

Ebɔrɛ e bɔla men be kebaanyi mo nɛ Yesu an Nyɛnpe na so n shin nɛ mbe kuwɔr be kakɛ nɛ kagbenewushi e baa la menyeya m bɔlɔ menyi to kiŋkiŋ.

2 Pita 1:3

Ebɔrɛ bɔla mbe eleŋ so n sa anyi kusɔ kama nɛ k daga fanɛ an baa kɔ n tiŋ a wɔ kabɔrɛŋana be kebaawɔtɔ nɛ k daga to. Anyi be kebaanyi emo nɛ e bɔla mo gbagba be kemaŋkura nɛ mbe kelela so n tre anyi na so nɛ e wora loŋ.

2 Pita 1:8

To, nɛ men baa kɔ asɔ ere nsaa kɔ amo to ga menyi to, a beeŋ shin nɛ men baa du wurɛwurɛbi a kɔ tɔnɔ ashi kananɛ men nyi Enyɛnpe Yesu Kristo na to.

2 Pita 3:18

Ama men baa wɔtɔ a yɔ anishito ashi an Nyɛnpe nɛ an be Emɔlgapo Yesu Kristo be kuwɔr be kakɛ na nɛ kashennyi na to. Kemaŋkura e baa la mo peya naniere nɛ saŋkikɛ mbaanaayɔ. Amɛn.

1 Jɔn 1:3

Asɔ nɛ an wu nseŋ nu nɛ anyee ta a kaŋɛ menyi alɛ gba na, saŋɛ na so menyeeŋ tu anyi a wɔ kɔnɔkoŋwule be kebaawɔtɔ mo nɛ anyi nɛ Etuto Ebɔrɛ nɛ mo Pibinyɛn Yesu Kristo kɔ na to.

1 Jɔn 2:19

Le be basa ere daŋ shi anyi be katuŋ to nna, ama kashenteŋto, b daa maŋ la anyi to be basa, amoso nɛ b lar anyi to n yɔ na. Nɛ b daa la anyi to be basa nna b daa maaŋ lar. Ama bumo be kelar anyi to na e naa ŋini fanɛ mannɛ bumo be ekama e la anyi to be eko.

1 Jɔn 5:20

Anyi alɛ nseŋ naa nyi Ebɔrɛ Pibinyɛn na ka ba m ba sa anyi nfɛra nɛ an pin kashenteŋ be Ebɔrɛ na, anyi alɛ wɔ mo kashenteŋ be Ebɔrɛ na to nna, hale mo Pibinyɛn Yesu Kristo na to. Mo e la kashenteŋ be Ebɔrɛ na, nɛ ŋkpa nɛ k maŋ kɔ ekar na.