Filipaiebi 3:19 - EBƆRƐ BE KAWƆL

¹⁹ Bumo be ekar la kemur nna, ŋkpal manɛ so, bumo be epunana e la bumo be Ebɔrɛ nɛ bumo be kemaŋkura malɛ la anishinyɔr be asɔ. Kashenteŋto, bumo be ŋgbene kikɛ wɔ durnya ere to be asɔ to nna.

Filipaiebi 3:19 ပူးပေါင်းရင်းမြစ်များ

Nshɛ 17:14

Enyɛnpe Ebɔrɛ ta fo enɔ lempo na m mɔlga ma ashi loŋ be basa be enɔ to. Basa nɛ durnya ere be kebaawɔtɔ nawule la bumo be tɔnɔ. Fo e naa sa basa nɛ fee sha ajibi; bumo be mbia beeŋ nya n ji kanaŋkama so, nɛ bumo nanabiana gba e nya n ji kanaŋkama so.

Nshɛ 52:1

Feeŋ tiŋ a la elempo nsaa ji njɔŋ ŋkpal fo alubi so. Ama esa beeŋ tiŋ n yirda Ebɔrɛ saŋkama.

Jɛremaya 44:17

Kusɔ kama nɛ an kaŋɛ fanɛ anyeeŋ wora na nɛ anyeeŋ wora. Anyeeŋ lara esarga n sa anyi be kegbirche nɛ e la ebɔrɛso be Ewurche na, nseŋ naŋ ta yabra n to nchu n sa mo, fanɛ kananɛ an nananyɛnana nɛ anyi be ewura nɛ bejuŋkparpoana na daŋ wora ashi Juda be ndeana to nɛ Jerusalɛm be agbembi so na. Kumo be kaman, an daa kɔ ajibi damta nseŋ daŋ dii dama nɛ etɔrɔbi kikɛ malɛ daa maŋ wɔ anyi to.

Ezikɛl 13:19

Men keni ma jiga ma basa be anishito, ŋkpal shiŋkafa nɛ ajibi gbrɛbi nɛ menyeeŋ nya so. Ma basa kaa bee nu efɛ so, men bɔla efɛ so m mɔ basa nɛ b daŋ maŋ daga luwu nseŋ shin nɛ bumo nɛ b daga luwu bre ji efute.”

Ezikɛl 34:3

Menyee nuu bumo be kenyipochu nna nsaa ta bumo be afuibi a lue asɔbuuso nseŋ naa mɔ bumo be belelabi a we, ama menyi alɛ maa keni bumo so nɛnɛ.

Hoziya 4:7

Kananɛ bɔrɛmatapoana na bee wora kishi a ti so, loŋ koŋwule nɛ baa wora alubi a gbiti ma a ti so. Ŋkpal loŋ so, meeŋ shin nɛ men be kemaŋkura nɛ men kɔ na e ki anishinyɔr n sa menyi.

Maika 3:11

Kadegboŋ na be bejuŋkparpoana bee sɔ asɔ basa kutɔ nna pɔɛŋ nsaa ji bumo be asheŋ a sa bumo. Bɔrɛmatapoana nɛ anebiana na malɛ bee sɔ amansherbi nna pɔɛŋ nsaa ŋini mbraana na ŋko a wu abɔrɛsheŋ a kaŋɛ basa. Kumo be kaman nɛ b kilgi ŋ kaŋɛ le: “Enyɛnpe Ebɔrɛ na wɔ anyi kutɔ, amoso shɛŋ maaŋ tiŋ n wora anyi.”

Maika 3:5

Kusɔ nɛ Enyɛnpe Ebɔrɛ na bee kaŋɛ nde: ‘Anebiana ko wɔtɔ nna a fule a nase kayurwushi be kɔnɔ a sa basa nɛ baa sa bumo kusɔ jiso nsaa ta kena a funti bekama nɛ b maa wora loŋ na. Enyɛnpe Ebɔrɛ na bee kaŋɛ loŋ be anebiana na nna fanɛ

Malakai 1:12

Ama menyi ere jija ma ketre nna ŋkpal men ka maa tre ma bɔrɛsure na shɛŋ nsaa ta ajibi nɛ men maa sha gba a lara sarga a deŋi kumo so so.

Matiu 16:23

Nɛ Yesu kilgi ŋ kaŋɛ Pita le: “Shile ashi ma so Setani. Fee kagle ma to nna na, ŋkpal manɛ so, fo nfɛra ere la nyiŋgbasa be nfɛra nna a maŋ la Ebɔrɛ peya.”

Matiu 25:41

Ade be kaman nɛ ŋ kaŋɛ bumo nɛ b wɔ ma bena so na le: ‘Basa lubi ere, men shile ma so n yɔ edɛ nɛ b puga n yili Setani nɛ mbe emalaika na to. Edɛ na maa duŋ kikɛ.

Luuk 12:19

Amo be kaman nɛ ŋ kaŋɛ ma kumu: Kumulelawura, feeŋ ta nfɛ damta nɛ fo kraa kɔ asɔ lela. Amoso, baa wɔtɔ boeŋ a ji a nuu nsaa ji fo kumu.’

Luuk 16:19

Kamalga ere be kaman nɛ e naŋ bɔ keŋasa ere ŋ kaŋɛ: “Damawura ko e daa wɔtɔ a buu yawu kpakpaso be asɔbuuso lela peper mɔlmɔlbi ko a wɔtɔ a ji ajibi belbelso damta kachɛ kama.

Luuk 18:4

Sososo demujipowura na daŋ kini kenu nna n sa ekulpoche na, ama kumo be kaman nɛ e gben ŋ kaŋɛ mbe kumu le:

Romebi 16:18

Ŋkpal manɛ so, mannɛ an Nyɛnpe Yesu Kristo na nɛ loŋ be basa na bee shuŋ na, bumo gbagba be epunana nɛ baa shuŋ a sa. Kɔnɔ belbelso nɛ ŋkpaŋ fuloŋ nɛ b kɔ a fule basa nɛ b maŋ nyi asheŋ to.

Romebi 6:21

Men ka daa wora asheŋ nɛ amo be asheŋ bee pɛ menyi anishinyɔr ere, manɛ be tɔnɔ nɛ men daŋ nya amo to? Loŋ be asheŋ na be tɔnɔ e la luwu.

1 Kɔrintebi 3:3

Ŋkpal manɛ so, men kraa wɔtɔ nna fanɛ eyur to be basa a wora abar kayurbesa be asheŋ nsaa bile. To, men maŋ nyi fanɛ nɛ men baa wɔtɔ a wora loŋ men kraa du fanɛ eyur ere to be basa nna nsaa wɔtɔ a wora asheŋ fanɛ basa fuloŋ a?

1 Kɔrintebi 5:2

Le be asheŋ ere e baa wora menyi to nɛ menyee wu menyi be amu ere a? Cha, a daŋ daga fanɛ men be ŋgbene ka jija menyi ga nna nɛ men daŋ lara esa nɛ e bee wora loŋ na menyi to.

1 Kɔrintebi 5:6

Kananɛ menyee puchi ere maŋ walɛ kuraa. Men maŋ nyi keŋasa mo nɛ k bee kaŋɛ fanɛ: Yiisi gbrɛbi baŋ luri nyifu to a bee shin nɛ nyifu na kikɛ bee tiŋ fɔŋgrɔŋ nna a?

2 Kɔrintebi 11:12

Ma alɛ beeŋ baa kraa wɔtɔ a wora asɔ nɛ mee wora ere, saŋɛ na so, meeŋ kuŋ bumo nɛ baa fin ekpa nɛ b puchi ŋ kaŋɛ fanɛ anyi nɛ bumo bee shuŋ nna a sasa na ekpa.

2 Kɔrintebi 11:15

Amoso, nɛ mbe anya gba bee wora bumo be amu fanɛ Ebɔrɛ be anishito be alelasheŋ be anya, k maŋ la ashenfɔ. Bumo be lalaloge be tɔnɔ beeŋ ba shi bumo be aworbi to nna.

Galeeshaebi 6:13

To, bumo nɛ b ku atutu na gba maa bɛ mbra na so, ama bumo alɛ nsaa sha fanɛ men ku atutu, saŋɛ na so baaŋ nya ekpa n ji njɔŋ ŋ kaŋɛ fanɛ men bɛ loŋ be kesheŋ na so.

Filipaiebi 2:21

Bumo nɛ b ka na kikɛ be ekama wɔtɔ nna a de mo gbagba nawule be asheŋ so, ekama maŋ de Kristo be asheŋ so.

Kɔlɔsiebi 3:2

Men shin nɛ men be nfɛra e baa wɔ ebɔrɛso be asɔ so, men sa maŋ shin nɛ durnya ere to be asheŋ wurbi e baa wɔ men be nfɛra to.

2 Tɛsalɔnikaebi 1:9

Baaŋ nya kemur be kasogberge mbaanaayɔ nɛ Ebɔrɛ e barga bumo ashi mo kutɔ nɛ mbe eleŋ be kemaŋkuragboŋ na to.

2 Tɛsalɔnikaebi 2:12

Bekama malɛ nɛ b maŋ yirda kashenteŋ na nseŋ ta alubi ŋ ki bumo be aparsheŋ na kikɛ beeŋ mur.

2 Tɛsalɔnikaebi 2:8

Kachɛ na kaŋ fo, alubipo na beeŋ ba lara mbe kumu efuli nɛ Enyɛnpe Yesu e fute mbe kɔnɔ to be afu m mɔ mo n shin nɛ mo ere Yesu be kemaŋkura be keba na e mur alubipo na.

1 Timoti 6:5

nɛ basa be kebaaji abar emɔrɔ fanɛ bumo nɛ b maŋ kɔ nfɛra a maŋ naa nyi kashenteŋ be ekpa na ŋkpal b ka bee tama fanɛ abɔrɛsheŋ to nɛ baaŋ bɔla n nya amansherbi so.

2 Timoti 3:4

Baaŋ ba kaa la bedebɔrpoana nɛ basa brembreŋ nseŋ ta kamoowu m bɔlɔ bumo to nsaa sha durnya ere to be ebel a chɔ Ebɔrɛ.

Jeems 4:16

Ama menyi ka maa kaŋɛ loŋ ere, menyee wu men be amu nna na nsaa ji njɔŋ. Loŋ malɛ maŋ walɛ.

2 Pita 2:1

Kananɛ anebi fɛpoana daŋ lar n luri dra na to ebi to na, loŋ koŋwule na nɛ beŋinipo fɛpoana beeŋ lar n luri menyi to. Baaŋ ŋana m bar efɛ be keŋiniana nɛ a bee mur basa nseŋ kini Enyɛnpe nɛ e sɔ bumo n yige na, saŋɛ na so n ta kemur purgiase m bar bumo be amu.

2 Pita 2:13

Tɔrɔ mo nɛ baa bar ere, Ebɔrɛ beeŋ ta tɔrɔ ŋ ka bumo. Kusɔ nɛ k la ebel bumo kutɔ e la kewora kusɔ kama nɛ bumo be eyurana bee sha kapaso parr. Bumo be asheŋ la anishinyɔr nɛ ŋaba nna nɛ baa tu menyi a ji a wɔtɔ a nu bumo be kafulesheŋ be ebel na.

2 Pita 2:3

Beŋinipoana ere beeŋ bɔla bumo be kajɛ so n ta bumo gbagba be ablɔmbi n ta menyi n nyalɛ. Bumo alɛ be kasogberge dese n chɛr a jo bumo nɛ bumo be esa nɛ e beeŋ mur bumo na maa di.

Juud 1:10

Ama le be basa ere bre bee tege kusɔ kama nɛ b maa pin to nna. B baa du fanɛ kupuŋ to be asɔbɔya nɛ a maŋ kɔ nfɛra lela nna nseŋ baa wɔtɔ a wora asɔ kama nɛ a bee ba amo be amu to na nna, loŋ malɛ be asɔ na gbagba e naa mur bumo na.

Juud 1:16

Saŋkikɛ le be basa ere wɔtɔ nna a bile asheŋ a wu basa pɔtɛ kulubi. Baa bɛ bumo gbagba be ayɛlgasɔ lubiana so nna a wɔtɔ a puchi nsaa ta mmalga belbelso a fule basa pɔtɛ, saŋɛ na so baaŋ nya kusɔ nɛ baa sha.

Juud 1:4

Mee kaŋɛ le nna, ŋkpal manɛ so, basa ko mo nɛ b maa nu a sa Ebɔrɛ ŋana n nyia n luri menyi to a sha kechɛrga Ebɔrɛ be kuwɔr be kakɛ nɛ e kɔ a sa anyi na be kifito, saŋɛ na so baaŋ nya ekpa a wora kulubi kama nɛ baa sha. Baa kini Yesu Kristo gbagba mo nɛ mo nawule la an Nyɛnpe mo nɛ e bee ji anyi so kuwura na. Dra na malɛ kikɛ nɛ b sibɛ abɔrɛsibɛ na to a kaŋɛ fanɛ Ebɔrɛ beeŋ gberge loŋ be basa na kikɛ kusoe.

Kelaraŋŋini 18:7

Men sa mo tɔrɔ nɛ kagbenejija ga nɛ a fo fanɛ kananɛ e daŋ sa mbe kumu kemaŋkura nɛ dama na, ŋkpal manɛ so, le nɛ e wɔtɔ a kaŋɛ mbe kumu: ‘Ewurche e la ma nɛ n tase. M maŋ la ekulpoche, kagbenejija maaŋ tu ma kikɛ.’

Kelaraŋŋini 19:20

Nɛ b pɛ kusɔbɔya na n ta anebi fɛpo mo nɛ e daŋ wora emamachisheŋ damta kusɔbɔya na be anishito na n ti so. Emamachisheŋ na nɛ e daŋ ta n fule bumo nɛ b daŋ nya kusɔbɔya na be ndulgi na nseŋ maŋ mbe kaduli so na. B daŋ ta kusɔbɔya na nɛ anebi fɛpo na nna ŋ kpa n wɔtɔ edɛ mo nɛ jɛrbi wɔ amo to a chɔɔ na to nna nɛ b kraa keni.

Kelaraŋŋini 21:8

Ama befupo bre nɛ bumo nɛ b maa yirda na nɛ basa jiga nɛ bemɔpo nɛ kesakaleasheŋ wuraana nɛ bumo nɛ baa wora ŋ kilgi nɛ agbirshumpoana nɛ befɛpo kikɛ bre kikɛ be kaboŋ e la edɛ be kepa nɛ jɛrbi wɔ kumo to a chɔɔ na to. Ndoŋ be luwu e la luwu nyɔsopo na.”

Kelaraŋŋini 22:15

Bumo nɛ b la njɔnɔ nɛ basa nɛ baa wora ŋ kilgi nɛ kesakaleawuraana nɛ bemɔpo nɛ agbirshumpoana nɛ esa kama nɛ e bee sha nsaa bɛ efɛsheŋ kama so na nawule e maŋ wɔ kadegboŋ na to.

1 Samuɛl 2:29

Ama fo maa keni ma esarga na a bɔlɔ kenishi. Manɛ nna nɛ fee bunyaŋ fo mbinyɛnsobi na a chɔ ma nseŋ shin nɛ baa ji esarga na be mboŋ lela kikɛ?