Filipaiebi 3:12 - EBƆRƐ BE KAWƆL

¹² M maa ŋini fanɛ n teŋ nya asɔ nɛ ma anishi yuu so ere nna ŋko fanɛ n teŋ ki esa cheembi nna, ama m baa pere kenishi nna a kɔ to a yɔ anishito a fin kenya ma tɔnɔ, kumo alɛ so nɛ Kristo Yesu teŋ sɔ ma n sa mbe kumu na.

Filipaiebi 3:12 ပူးပေါင်းရင်းမြစ်များ

Job be kawɔl 17:9

Basa niŋiso beeŋ baa wora kusɔ nɛ k daga, ŋkpal loŋ so baaŋ baa nya eleŋ a ti so.

Nshɛ 119:5

Ekpa kikɛ so, n daa sha ketiŋ m bɛ fo mbraana so kashenteŋto nna!

Nshɛ 138:8

Fo, Enyɛnpe Ebɔrɛ na beeŋ wora m bɔlɔ kusɔ kama nɛ fo nase kumo be kɔnɔ so. Fo kasha nɛ k maa chɛrga na wɔtɔ nna mbaanaayɔ; amoso, jande sa maŋ kini anyi, fo basa n lɛ.

Nshɛ 42:1

Kananɛ achukoŋ bee pɛ chibir nɛ e bee yɛla kenishi to a fin eboŋ nɛ k kɔ nchu na, aloŋ nɛ mee fin fo Ebɔrɛ kenishipereso ashi ma kagbene to.

Nshɛ 63:8

M baa mar fo nna, nɛ fo enɔ lempo na, e baa kɔ ma to.

Nshɛ 84:2

Kumo to be keyɔ bee yɛlga ma ga! Enyɛnpe Ebɔrɛ na be bɔrɛlambu to be keyɔ wɔ ma kagbene to ga. N ta ma kagbene nɛ ma eyur kikɛ nna a boŋ nshɛ kagbenefuliso a sa Ebɔrɛ nɛ e wɔ ŋkpa to na.

Nshɛ 94:15

Demujipoana beeŋ baa ji asheŋ nɛ amo be ekpa so, nɛ basa niŋiso malɛ e yili bumo be kaman.

Aŋasa 4:18

Ama ekpa nɛ belelaworapo bɔ so na bre du nna fanɛ karechɛ so be epeŋi na. K bee fulto nna a ti so hale nɛ kare e ya chɛ nɛ kaboŋ e fulto parr.

Aizaaya 51:1

Enyɛnpe Ebɔrɛ na yɛ: “Nɛ menyee sha kebaawora kusɔ nɛ k niŋi nsaa wora Enyɛnpe Ebɔrɛ na kasonu, kumo ere men baa keni menyi nananyɛn Eebraham so a wora asheŋ. Mo e du fanɛ kefalta nɛ men shi kumo to n lar na.

Hoziya 6:3

Men shin nɛ an wora ania m pin Enyɛnpe Ebɔrɛ na. K baa la kashenteŋ nna geeŋ fanɛ e beeŋ ba. Mbe keba na beeŋ baa du fanɛ kananɛ epeŋi bee pete nna, ŋko kananɛ dɔchubɔrɛ so be bɔrɛ bee ba a wushi kasawule na nna.”

Matiu 5:48

A daga fanɛ menyi ere e baa du cheembi fanɛ kananɛ men Tuto Ebɔrɛ nɛ e wɔ ebɔrɛso na du na.

Ashuŋ Shunso 9:15

Nɛ Enyɛnpe kaŋɛ: “Fo ere e yɔ de, ŋkpal manɛ so, ma e lara mo nɛ e baa shuŋ ma n shin nɛ nnyamase nɛ bewura nɛ Israɛlebi e pin ma.

Romebi 8:39

Shɛŋ maŋ wɔ durnya ere be esoso ŋko kumo be kaseto nɛ k tiŋ n lara mbe kasha na ashi anyi so. Shɛŋ shɛŋ maŋ wɔ durnya ere kikɛ to nɛ k tiŋ n lara anyi ashi Ebɔrɛ be kasha nɛ k bɔla an Nyɛnpe Kristo Yesu so a la anyeya na to.

1 Kɔrintebi 13:10

Ama kusɔ nɛ k bɔlɔ so kaŋ ba, kusɔ nɛ k maŋ bɔlɔ so beeŋ choŋ.

1 Kɔrintebi 13:12

Naniere bre anyee wu asɔ nna lii fanɛ an ka bee keni digi to na. Ama saŋko anyeeŋ wu kusɔ kama kenishiso nɛnɛ. Naniere n nyi asheŋ to gbrɛbi nna, ama saŋko meeŋ pin kusɔ kama to nɛnɛ n loge fanɛ kananɛ Ebɔrɛ nyi ma to na.

1 Kɔrintebi 9:24

Men maŋ nyi fanɛ eshile kikɛ to beshilepo na kikɛ bee shile nna, ama esa koŋwule e naa kaa ji kɔŋkɔŋ a? Men baa shile nɛnɛ, saŋɛ na so menyeeŋ nya kɔŋkɔŋ n ji.

2 Kɔrintebi 13:9

Nɛ anyi maŋ kɔ eleŋ nɛ menyi ere kɔ eleŋ, anyi be ŋgbene bee fuli anyi nna. Anyi alɛ bee kule Ebɔrɛ fanɛ e shin nɛ men ba ki basa cheembi.

2 Kɔrintebi 7:1

N teri shasoana, ŋkpal an ka kɔ le be nnɔ nasesoana ere kikɛ so, men shin nɛ an fɔr kusɔ kama nɛ k bee sa dimɛdi be eyur nɛ mbe kiyoyu eyurpi n lɛ ŋkeŋ shin nɛ an baa pere kenishi a sha kebaaki cheembi nɛnɛ a wɔ Ebɔrɛ be kaŋana be kebaawɔtɔ to.

Galeeshaebi 5:17

Ŋkpal manɛ so, kapɔr lubi ere be ayɛlgasɔ maa kukwe Kiyoyu na be ayɛlgasɔ nɛ Kiyoyu na malɛ be ayɛlgasɔ maa kukwe kapɔr lubi ere be ayɛlgasɔ. Loŋ be asɔ anyɔ na la bedoŋ nna nɛ kumo alɛ bee ŋini fanɛ men maaŋ tiŋ n wora kusɔ kama nɛ menyee sha.

Ɛfesesebi 1:4

Kashenteŋto, pɔɛŋ nɛ Ebɔrɛ to durnya ere gba, e lara anyi nna fanɛ an baa la mo peya ashi Kristo to, saŋɛ na so anyeeŋ baa du cheembi a maa kɔ kulubi kikɛ mbe anishito.

Ɛfesesebi 4:12

E wora loŋ nna nɛ e chɛ Ebɔrɛ be basa kikɛ to nɛ b nya eleŋ kabɔrɛshuŋana na to, saŋɛ na so loŋ beeŋ chɛ Kristo be eyur to ebi na to nɛ b nya eleŋ n yɔ anishito ashi kebɛso na to.

Filipaiebi 1:1

Kawɔl ere shi ma Pɔɔl nɛ Timoti nɛ an la Kristo Yesu be anya na kutɔ nna. K bee yɔ menyi kikɛ nɛ men la Ebɔrɛ be basa ashi Yesu Kristo to nɛ men be asɔriana to be bejuŋkparpoana nɛ bechɛtopoana nɛ men kikɛ wɔ Filipai be kade to na kutɔ nna.

Filipaiebi 3:16

Kusɔ nɛ k tir e la fanɛ men shin nɛ an ba kraa wɔtɔ a bɛ asɔ nɛ an chɛr a bɛ so na so.

Filipaiebi 3:3

Ŋkpal manɛ so, anyi e la kashenteŋ be katutukuebi a bɔla Ebɔrɛ be Kiyoyu na so a bunyaŋ mo nsaa ji anyi be ŋkpa nɛ an kɔ ashi Kristo Yesu to ere be njɔŋ. Anyi nɛ anyee wora asheŋ ere maa ta anyi be yirda a wɔtɔ eyur ere be kedulgi to.

Filipaiebi 3:8

Kashenteŋto, naniere shɛŋ maŋ naa kɔ tɔnɔ ma anishito ŋkpal kebaanyi Kristo Yesu n Nyɛnpe na ka chɔ kusɔ kikɛ na so. Mo so nɛ m paŋ asɔ kikɛ nseŋ naa ta kusɔ kama fanɛ asɔ fuloŋ ŋkpal kananɛ meeŋ wora n nya Kristo na so nɛ n tiŋ n nya a wɔ mo to.

1 Tɛsalɔnikaebi 5:15

Men baa da so nɛ men be ekama e sa maŋ kaŋ ta kulubi ŋ ka kulubi be kukɔ, ama saŋkama men baa wora abar nɛ basa kikɛ kelela.

2 Tɛsalɔnikaebi 2:13

Bekurgepoana, a daga an ka chɔrɔ Ebɔrɛ saŋkama ŋkpal menyi nɛ Enyɛnpe bee sha na so. Ŋkpal manɛ so, Ebɔrɛ fara nna n lara menyi nɛ men nya kumɔlga ashi Kiyoyu Cheeŋ na to nseŋ ki Ebɔrɛ be basa cheembi a wɔ keyirda kashenteŋ na to.

1 Timoti 5:10

nɛ emo nɛ e tiŋ ŋ keni mbe mbia so nɛnɛ nɛ b daŋ, nɛ emo nɛ e la esa, nɛ emo nɛ e bar mbe kumu kaseto n sa Ebɔrɛ be bebɛsopo ŋko n chɛ awurfoŋ ŋko tɔrɔ be mbia to nseŋ wora kelela be yiri kikɛ, ber mo n wɔtɔ bekulpoche nɛ b daga kechɛto na to.

1 Timoti 6:19

Le be asheŋ ere e naaŋ shin nɛ b nya asɔ nɛ baaŋ fute n yige so kachako so. Nɛ baa wora loŋ, baaŋ nya ŋkpa gbagba na.

Hibruwebi 12:14

Men wora ania nɛ menyi nɛ basa kikɛ e baa wɔ ebel nɛ men baa kɔ kebaawɔtɔ cheembiana, ŋkpal manɛ so, esa kama maaŋ wu Ebɔrɛ na ama amodoŋwura baa kɔ kebaawɔtɔ cheembi nna.

Hibruwebi 12:23

Men ba Ebɔrɛ be ewurkoŋ nyɛnsoana nɛ Ebɔrɛ sibɛ bumo be atre n nase ebɔrɛso na be kagbenefuliso be nshɛr to nna na. Men ba Ebɔrɛ nɛ e la basa kikɛ be demujipo na kutɔ nna nseŋ naŋ ba belelapo nɛ e ta bumo be ayoyu ŋ ki cheembi na kutɔ nna na.

Hibruwebi 13:21

Kagbenewushi be Ebɔrɛ na e shin nɛ kusɔ lela kama nɛ k walɛ keta n shuŋ mbe kushuŋ na e bɔla menyi to. Ma alɛ naa kule mo fanɛ e bɔla Kristo so n wora kusɔ nɛ k bee par mo ashi anyi to. Kemaŋkura e baa la Yesu Kristo na peya mbaanaayɔ. Amɛn.

Jeems 3:2

An kikɛ bee kaa wora a foe ekpa. Amoso, esa nɛ mo ere maa malga a foe ekpa, kumo ere kulubi kikɛ maŋ wɔ mo to nɛ mo alɛ bee tiŋ a pɔɔ kulubi be yiri kikɛ so ashi mbe kebaawɔtɔ to.

1 Pita 5:10

Ama nɛ men baŋ ji tɔrɔ ere gbrɛbi m ba lar, kuwɔr be kakɛ kikɛ be Ebɔrɛ nɛ e bee tre menyi fanɛ men ba tu Kristo nɛ men gama n nya mbe kemaŋkura mo nɛ k maŋ kɔ ekar na gbagba beeŋ naŋ shin nɛ kusɔ kama e nyalɛ n sa menyi nseŋ wɔtɔ menyi eleŋ to n shin nɛ men baa yil to nɛnɛ a maa gbuŋgbuŋ to kikɛ.

2 Pita 3:18

Ama men baa wɔtɔ a yɔ anishito ashi an Nyɛnpe nɛ an be Emɔlgapo Yesu Kristo be kuwɔr be kakɛ na nɛ kashennyi na to. Kemaŋkura e baa la mo peya naniere nɛ saŋkikɛ mbaanaayɔ. Amɛn.