Filipaiebi 3:10 - EBƆRƐ BE KAWƆL

¹⁰ Kusɔ nɛ m baa sha asheŋ ere kikɛ to e la fanɛ m baa nyi Kristo na nsaa tiŋ a wu mbe ketiŋi luwu to be eleŋ na ma kebaawɔtɔ to nseŋ naa tiŋ a tu mo a ji mbe awurfoŋ na n tiŋ ŋ ki fanɛ mo gbagba ashi mbe luwu na to.

Filipaiebi 3:10 ပူးပေါင်းရင်းမြစ်များ

Jɛremaya 9:23

Kumo be kaman nɛ Enyɛnpe Ebɔrɛ na naŋ kaŋɛ le: “Benyiashempo e sa maa puchi bumo be kanyiasheŋ so, ŋko belempo e sa maa puchi bumo be eleŋ so, ŋko damawuraana e sa maa puchi bumo be kedama so.

Matiu 20:23

Ndoŋ nna nɛ Yesu kaŋɛ bumo: “Kashenteŋ, menyeeŋ ji awurfoŋ nɛ meeŋ ji, ama m maŋ kɔ ekpa nɛ n lara emo nɛ e beeŋ chena ma jisoso nɛ ma bena so. N Tuto e lɔŋɛ loŋ be mboŋ n yili bumo nɛ e lɔŋɛ amo nɛ e sa na.”

Baru lela nɛ Jɔn kute na 10:18

Esa kikɛ maa sɔ kumo ŋ kutɔ. Ŋ gbagba e naa ta kumo a sa basa. Meeŋ tiŋ n ta kumo n sa basa nseŋ naŋ tiŋ n ta kumo a wɔtɔ. Loŋ nɛ n Tuto na yili fanɛ n wora.”

Baru lela nɛ Jɔn kute na 17:3

Nɛ basa malɛ baa nyi fo, Ebɔrɛ nɛ fo nawule la kashenteŋ be Ebɔrɛ na nseŋ naa nyi ma, Yesu Kristo nɛ fo shuŋi na, kumo ere baaŋ baa kɔ ŋkpa nɛ k maŋ kɔ ekar na.

Romebi 8:17

To, nɛ anyi alɛ baa la mbia bre, kumo ere anyeeŋ nya enɛfa nɛ e kɔ a jo mbe basa na. Kumo be kaman nɛ anyi nɛ Kristo e naaŋ nya kusɔ nɛ Ebɔrɛ kɔ a sa mo na, ŋkpal manɛ so, nɛ an baa tu Yesu a ji mbe awurfoŋ na fanɛ kananɛ e daŋ ji na, anyi alɛ beeŋ naŋ tu mo n nya mbe kemaŋkura na.

Romebi 8:29

Bumo nɛ e chɛr a nyi koŋwule na nɛ e lara n yili fanɛ b baa du fanɛ mo Pibinyɛn na, saŋɛ na so, Ebinyɛn na beeŋ baa la bekurgepo damtaana na to be ejuŋkparso.

Romebi 8:36

Loŋ malɛ nɛ abɔrɛsibɛ na bee kaŋɛ na fanɛ: “Ŋkpal fo so nɛ an wɔ kenishipere nɛ k kɔ anyi a yɔ luwu to kachɛ kama na. An ki fanɛ mbolpɔ nɛ b kɔ a yɔ nɛ b ya teŋ nna.”

2 Kɔrintebi 1:10

Loŋ be kenishipere lubi be asheŋ na to nɛ e daŋ mɔlga anyi ashi to, mo alɛ beeŋ naŋ mɔlga anyi. An ta anyi be tama nna n deŋi mo so fanɛ e beeŋ naŋ lɔŋɛ m mɔlga anyi

2 Kɔrintebi 1:5

Ŋkpal manɛ so, kananɛ an baa tu Kristo a ji mbe awurfoŋ damta na, loŋ koŋwule na nɛ anyee bɔla Kristo so a nya keleŋto damta gba.

2 Kɔrintebi 13:4

Kashenteŋto, kapɔshi to nɛ b daŋ gbir mo kedibi largato so, ama Ebɔrɛ be eleŋ nɛ e kɔ a wɔ ŋkpa to naniere. Loŋ nɛ anyi alɛ gba la bepɔshipo mo to, ama ŋkpal Ebɔrɛ be eleŋ so, an tu Kristo na nna a wɔ ŋkpa to nɛ an shuŋ menyi.

Galeeshaebi 2:20

Ma nɛ Kristo nɛ b daŋ gbir m mata kedibi largato so, amoso, mannɛ ŋ gbagba e naa wɔtɔ, Kristo e wɔ ma to. Kebaawɔtɔ nɛ ŋ kɔ a wɔtɔ ere, keyirda Ebɔrɛ Pibinyɛn nɛ e sha ma n ta mbe kumu n sa ma na to nɛ n wɔ.

Galeeshaebi 6:17

Ade kikɛ be kaman, esa kama e sa maŋ naŋ bar ma tɔrɔ kikɛ, ŋkpal manɛ so, Yesu be ndulgi wɔ ma eyur so nna.

Ɛfesesebi 4:13

Loŋ na an kikɛ beeŋ baa wɔ abar so ashi anyi be yirda nɛ anyi be kananɛ an nyi Ebɔrɛ Pibinyɛn na loŋ hale nɛ an ya kaa kɔ kebɛso na to be kenimufɛra n duli Kristo gbagba kusɔ kama to.

Filipaiebi 3:8

Kashenteŋto, naniere shɛŋ maŋ naa kɔ tɔnɔ ma anishito ŋkpal kebaanyi Kristo Yesu n Nyɛnpe na ka chɔ kusɔ kikɛ na so. Mo so nɛ m paŋ asɔ kikɛ nseŋ naa ta kusɔ kama fanɛ asɔ fuloŋ ŋkpal kananɛ meeŋ wora n nya Kristo na so nɛ n tiŋ n nya a wɔ mo to.

Kɔlɔsiebi 1:24

Naniere ma kagbene fuli ma ŋkpal awurfoŋ nɛ mee ji ŋkpal menyi so na so. Awurfoŋ nɛ Yesu Kristo kaŋɛ fanɛ meeŋ ji na be tɔrɔ nɛ mee ji a bɔlɔ mbe tɔrɔ na so na ŋkpal mbe asɔriebi, bumo nɛ baa tre Yesu Kristo be eyur na so.

Kɔlɔsiebi 2:13

Men ka daŋ wu ŋkpal men be alubi nɛ men be kebaawɔtɔ lubi na so, jemanɛ nɛ men daa maŋ nyi Ebɔrɛ na, Ebɔrɛ tiŋi menyi nɛ Yesu Kristo na luwu to n sa menyi ŋkpa n ta anyi be alubi m paŋ anyi.

Kɔlɔsiebi 3:1

Ŋkpal menyi nɛ Kristo ka tiŋi luwu to na so, men shin nɛ men be ŋgbene e baa wɔ ebɔrɛso be asɔ so. Ndoŋ nɛ Yesu Kristo chena, Ebɔrɛ be jisoso, ebunyampo be kakpa na.

1 Pita 1:3

Anyee di Ebɔrɛ nɛ e la an Nyɛnpe Yesu Kristo mo Tuto na epaŋ. Ŋkpal mbe kuwɔrgboŋ so e shin nɛ an nya ŋkpa popɔr ŋkpal Yesu Kristo ka tiŋi luwu to na so.

2 Pita 1:13

Ŋkpal manɛ so, mee fɛ fanɛ ŋ ka kraa wɔ eyur ere to ere bre, a daga fanɛ m baa nyiŋi menyi asheŋ na kikɛ a leŋ menyi to.

1 Jɔn 2:3

Nɛ an baa bɛ Ebɔrɛ be mmalga naseso so bre, kumo ere an baa nyi geeŋ fanɛ an nyi mo.

1 Jɔn 2:5

Ama esa kama nɛ e bee bɛ Ebɔrɛ na be mmalga naseso so, amodoŋwura e la esa nɛ Ebɔrɛ be kasha bɔlɔ mo to felɛlɛ kashenteŋto Loŋ malɛ nɛ anyee ta a pin fanɛ an ka wɔ Ebɔrɛ to.

Kelaraŋŋini 1:18

ma e la emo nɛ e wɔ ŋkpa to na. N daŋ wu nna, ama naniere n tiŋi nna a wɔ ŋkpa to mbaanaayɔ. Ma alɛ e kɔ luwu nɛ bubuni to be kakpa be eleŋ.