Filipaiebi 2:7 - EBƆRƐ BE KAWƆL

⁷ Ayai, e maŋ wora loŋ, mo gbagba e yili kumo n sa mbe kumu nseŋ yige kusɔ kama n nase nseŋ shin nɛ b kurge mo fanɛ nyiŋgbasa nɛ e wɔtɔ a kɔ kenya be kebaawɔtɔ gbagba chap.

Filipaiebi 2:7 ပူးပေါင်းရင်းမြစ်များ

Nshɛ 22:6

Ama m maŋ naa du fanɛ dimɛdi. Ŋ ki fanɛ kushushombi nna nɛ basa bee keni ma jiga nsaa wora ma eyurto.

Aizaaya 42:1

Enyɛnpe Ebɔrɛ na yɛ: “Ma kenya nde, ma e naa sa mo eleŋ. Mo e la esa nɛ n lara, nɛ ma kagbene bee fuli mo so. N ta ma Kiyoyu nna n sa mo, nɛ e bar keji asheŋ nɛ amo be ekpa so ashi efuliana so.

Aizaaya 49:3

Kumo be kaman nɛ Enyɛnpe Ebɔrɛ na kaŋɛ ma le: “Israɛl, fo la ma kenya nna. Basa beeŋ bunyaŋ ma ga ŋkpal fo so.”

Aizaaya 53:11

Awurfoŋ nɛ e beeŋ ji na be kaman, e beeŋ naŋ nya kagbenewushi nseŋ pin fanɛ e maŋ gben jiga. Ma kenya nɛ e bee shuŋ ma kagbene koŋwuleso nɛ ma kagbene bee fuli mo so na e naaŋ sɔ basa galeŋga be kasogberge n deŋi mbe kumu so, nɛ ŋ kpal mo so n ta bumo be alubi m paŋ bumo.

Danɛl 9:26

Loŋ be saŋɛ na kaŋ ya ka fo ekar, baaŋ mɔ Ebɔrɛ be ejuŋkparpo laraso na. Ejuŋkparpo lempo ko be benapo nɛ baa kɔ a sɔ nde na beeŋ ba mur kadegboŋ na nɛ bɔrɛlambu na kikɛ fanɛ kananɛ nchu bee bɔlɔ a mur kusɔ kama na. Kena malɛ nɛ asɔ be kejija beeŋ baa wɔtɔ nna hale n ya fo Ebɔrɛ be kepar be saŋɛ.

Zakareya 3:8

Amoso fo, Joshuwa nɛ fo la bɔrɛmatapo nimuso nɛ fo braana bɔrɛmatapoana nɛ b wɔ nfe, e nu nɛnɛ. Menyi so nɛ echefoso be asheŋ lela kikɛ beeŋ bɔla so m ba, ŋkpal loŋ so mee sha kelara ma kayɛrbi nɛ e la ma ewura laraso na efuli nna.

Zakareya 9:9

Ekama nɛ e wɔ Jerusalɛm to e baa ji eyur nsaa wora awɔr kagbenefuliso! Ŋkpal manɛ so menyi be ewura kɔ m pɔɔ so nsaa ba menyi kutɔ; e du boeŋ nna nseŋ dii kurmafɔlbi a ba.

Matiu 12:18

E yɛ: “Ma kenya nɛ ma kagbene fuli mo so nɛ mee sha mo nseŋ lara nde. Meeŋ ta ma Kiyoyu n wɔtɔ mo to nɛ e kaŋɛ basa kananɛ Ebɔrɛ bee ji edemu be asheŋ.

Matiu 20:28

fanɛ kananɛ ma, Nyiŋgbasa Pibinyɛn gba maŋ ba nɛ b ba shuŋ ma na. M ba nna nɛ m ba shuŋ nseŋ ta ma ŋkpa n sɔ basa damta n yige.”

Maak 9:12

Nɛ e kaŋɛ bumo le: “Kashenteŋ, Elaija bee juŋkpar a ba nna nɛ e ba lɔŋɛ kusɔ kama n yili. Ŋkeshin nɛ manɛ e ba nɛ abɔrɛsibɛ na bee kaŋɛ fanɛ ma, Nyiŋgbasa Pibinyɛn beeŋ ji etɔrɔ damta nɛ b keni ma jiga?

Luuk 22:27

Ŋkpal manɛ so, esa nɛ e bee chena ejikpa a wushi nɛ emo nɛ e bee bar mo ajibi ndoŋ, emo e chɔ mo barkasa? Mannɛ emo nɛ e bee chena ejikpa a wushi na e chɔ emo nɛ e bee bar ajibi na a? Ama men keni, ma ere ka wɔ menyi to a shuŋ menyi.

Baru lela nɛ Jɔn kute na 1:14

Esa nɛ baa tre Kamalga na daŋ ki dimɛdi nna m ba kaa wɔ anyi to. An wu mbe kemaŋkura nɛ kuwɔr be kakɛ nɛ kashenteŋ bɔlɔ kemaŋkura na to. Le be kemaŋkura ere la mo peya nna ŋkpal e ka la Ebɔrɛ Pibinyɛn koŋwule na so.

Romebi 1:3

fanɛ baru lela na beeŋ ba kaa kute mo Pibinyɛn, an Nyɛnpe Yesu Kristo nɛ nyiŋgbasa be kaplɛa so nɛ e shi Ewura Deevid be kanaŋ to na be asheŋ.

Romebi 15:3

Ŋkpal manɛ so, Kristo gba daa maŋ de mo gbagba be aparsheŋ so, ama loŋ nɛ abɔrɛsibɛ na bee kaŋɛ fanɛ e bee kaŋɛ le na: “Katege nɛ basa tege menyi na kikɛ laŋɛ ma kumu so.”

Romebi 15:8

Ŋkpal manɛ so, ma e kaŋɛ menyi na fanɛ Kristo ki Juwebi be kenya nna ŋkpal Ebɔrɛ be kashenteŋ na so, saŋɛ na so, e beeŋ shin nɛ nnɔ nɛ Ebɔrɛ nase n sa benananyɛngboŋana na e bɔla ekpa.

Romebi 8:3

Ŋkpal manɛ so, kusɔ nɛ mbra na daa maaŋ tiŋ n wora ŋkpal dimɛdi be kapɔr lubi ere ka maŋ kɔ eleŋ na so, Ebɔrɛ bre wora kumo. E shuŋi mo Pibinyɛn gbagba nna n ji m bri kulubi nɛ k wɔ dimɛdi be eyur to na. Mo Pibinyɛn na ta eyur fanɛ dimɛdi be alubi be eyur ere nna m ba lara kulubi ashi to.

2 Kɔrintebi 13:4

Kashenteŋto, kapɔshi to nɛ b daŋ gbir mo kedibi largato so, ama Ebɔrɛ be eleŋ nɛ e kɔ a wɔ ŋkpa to naniere. Loŋ nɛ anyi alɛ gba la bepɔshipo mo to, ama ŋkpal Ebɔrɛ be eleŋ so, an tu Kristo na nna a wɔ ŋkpa to nɛ an shuŋ menyi.

2 Kɔrintebi 8:9

Ŋkpal manɛ so, men nyi Kristo, Enyɛnpe Yesu be kuwɔr be kakɛ na be asheŋ, fanɛ e ka la damawura, ama menyi so nɛ e ki etirpo, saŋɛ na so menyeeŋ bɔla mbe ketir so ŋ ki damawuraana.

Galeeshaebi 4:4

Ama jemanɛ nɛ k daga na ka ba fo nɛ Ebɔrɛ shuŋi mo Pibinyɛn nɛ e bɔla durnya be eche to n lar a wɔ mbra na to na

Filipaiebi 2:6

Mo nɛ Ebɔrɛ la kukoŋwule nna saŋkikɛ, ama e daa maŋ ta tintiŋ ŋ kɔ n fin fanɛ mo nɛ Ebɔrɛ e baa sasa.

Hibruwebi 12:2

Men shin nɛ an ta anyi be anishi n yuu Yesu nɛ e la anyi be yirda ere be ejuŋkparpo nɛ esa nɛ e bee shin nɛ yirda bee yili to nɛnɛ a fo kumo be ekar na so. Mo e daŋ kpal kachako so be kagbenefuli mo nɛ k jo mo na so a maŋ ta kewu kedibi largato so be luwu na n tre shɛŋ nseŋ ji kumo nseŋ ya kaa tase Ebɔrɛ be kuwurputi be jisoso na.

Hibruwebi 13:3

Men baa nyiŋi bumo nɛ b wɔ kabuti to na fanɛ menyi nɛ bumo kikɛ nɛ b ti ebu na nseŋ naa nyiŋi bumo nɛ baa tɔrɔ nfɛlso na fanɛ menyi alɛ gba ka bee ji loŋ be tɔrɔ na.

Hibruwebi 4:15

Ŋkpal manɛ so, mannɛ fanɛ anyi be bɔrɛmatapo nimuso na la esa nɛ e maa wu anyi be asheŋ gbenso kuwɔr nna, ama e la esa nɛ e luri kechɔŋkeni kama to nna n lar fanɛ kananɛ anyi alɛ gba bee luri amo to na. Ama mo ere maŋ wora kulubi kikɛ.