Filipaiebi 2:6 - EBƆRƐ BE KAWƆL

⁶ Mo nɛ Ebɔrɛ la kukoŋwule nna saŋkikɛ, ama e daa maŋ ta tintiŋ ŋ kɔ n fin fanɛ mo nɛ Ebɔrɛ e baa sasa.

Filipaiebi 2:6 ပူးပေါင်းရင်းမြစ်များ

Aizaaya 7:14

To, kumo ere Enyɛnpe Ebɔrɛ na gbagba e naaŋ sa anyi tɔɔnɛ. Kasuŋgurbia nɛ e maŋ nyi enyɛn ŋ ku so beeŋ di kedampo ŋ kurge ebinyɛn nseŋ nase mo ketre Immanuɛl. Kumo be kifito e la fanɛ Ebɔrɛ wɔ anyi kutɔ.

Aizaaya 8:8

Bedoŋ be benapo beeŋ ba sɔ Juda be efuli kikɛ so fanɛ lɔr to be nchu ka bɔlɔ n dii m muni kusɔ kama so na.” Ebɔrɛ wɔ anyi kutɔ! E parga mbe aba to fanɛ kabuibi nna, a kuŋ kasawule na.

Aizaaya 9:6

Ebɔrɛ sa anyi ebi ko! E sa anyi ebinyɛn! Mo e naŋ baa la anyi be ewura. Baaŋ tre mo Mamachi be asoetojipo, nɛ Ebɔrɛ Lempo nɛ Etuto nɛ e wɔtɔ Mbaanaayɔ nɛ Kayurwushi be Ewurbi.

Jɛremaya 23:6

E kaŋ m ba ji kuwura, Juda be basa kikɛ beeŋ nya bumo be amu nɛ shɛŋ shɛŋ maaŋ naa tɔrɔ bumo nɛ Israɛl be basa e baa wɔ kayurwushi be kebaawɔtɔ to. Le be ewura ere be ketre e naŋ baa la Enyɛnpe Ebɔrɛ e la anyi be Emɔlgapo.”

Maika 5:2

Ama Enyɛnpe Ebɔrɛ na yɛ: “Bɛtlɛhɛm Efrata, fo la Juda be efuli so be ndewurbiana na be kuko nna, ama fo to nɛ meeŋ lara esa nɛ e beeŋ ba ji Israɛl be efuli so be kuwura. Dra dra na kikɛ nɛ mbe kanaŋ jɔŋɛ.”

Zakareya 13:7

Kede be kaman nɛ Enyɛnpetale Ebɔrɛ na kaŋɛ: “Tokobi, koso ŋ kɔ mbolpɔkpapo nɛ e bee shuŋ a sa ma na m mɔ mo nɛ mbolpɔ na e yeŋ to m pesaŋ to. Saŋɛ na so meeŋ nya ŋ kɔ ma basa.

Matiu 1:23

E yɛ: “Kasuŋgurbia nɛ e maŋ nyi enyɛn beeŋ di kedampo ŋ kurge ebinyɛn nɛ b nase mo ketre Emanuɛl. Kumo be kifito e la fanɛ Ebɔrɛ wɔ anyi kutɔ.”

Baru lela nɛ Jɔn kute na 1:18

Esa kama maŋ naŋ wu Ebɔrɛ kenishiso. Ebinyɛn koŋwule, nɛ e tase m mata Ebɔrɛ na, nawule e ŋini basa kananɛ Ebɔrɛ du.

Baru lela nɛ Jɔn kute na 10:30

Ma nɛ n Tuto na la kukoŋwule nna.”

Baru lela nɛ Jɔn kute na 10:33

Nɛ Juwebi na kaŋɛ mo: “Mannɛ kusɔ lela ko fo ka wora so nɛ anyee sha kekpa fo ajembu, ama ŋkpal fo ka baa la nyiŋgbasa nsaa tre fo kumu Ebɔrɛ nsaa malga a gbiti Ebɔrɛ na so.”

Baru lela nɛ Jɔn kute na 10:38

Ama nɛ mee shuŋ mbe ashuŋ na nna nɛ men maŋ yirda ma gba, a daga fanɛ men yirda ashuŋ na bre, saŋɛ na so menyeeŋ pin fanɛ Etuto na wɔ ma to nɛ ma alɛ wɔ Etuto na to.”

Baru lela nɛ Jɔn kute na 14:28

Men teŋ nu ŋ ka kaŋɛ menyi fanɛ: ‘Mee yɔ nna nɛ n naŋ bɛta m ba menyi kutɔ’. Nɛ men daa sha ma nna, k daa beeŋ wora menyi ebel ŋkpal ŋ ka bee yɔ n Tuto na kutɔ so, ŋkpal manɛ so, Etuto na e chɔ ma.

Baru lela nɛ Jɔn kute na 14:9

Nɛ Yesu bishi mo: “Filip, fo maŋ nyi ma a? Ma nɛ menyi kikɛ e baa wɔtɔ n chɛr le nɛ fo maŋ nyi ma a? Esa kama nɛ e wu ma, wu Etuto na nna na nɛ manɛ e ba nɛ fo kaŋɛ fanɛ: ‘Ŋini anyi Etuto na’?

Baru lela nɛ Jɔn kute na 17:5

To, naniere, n Tuto, ta kemaŋkura nɛ n daa kɔ fo kutɔ pɔɛŋ nɛ durnya jɔŋɛ na m maŋkura ma fo anishito naniere.”

Baru lela nɛ Jɔn kute na 20:28

Ndoŋ nna nɛ Tɔmas kaŋɛ Yesu le: “N Nyɛnpe nɛ ma Ebɔrɛ!”

Baru lela nɛ Jɔn kute na 5:18

Le be kamalga ere malɛ e daŋ naŋ shin nɛ Juwebi na nyaŋɛ to n ti so a sha kemɔ Yesu na, ŋkpal manɛ so, mannɛ fanɛ e daa jija kewushiachɛ na nawule nna, ama e daa tre Ebɔrɛ mo Tuto gbagba nna a ti so a ŋini fanɛ mo nɛ Ebɔrɛ ka la kukoŋwule.

Baru lela nɛ Jɔn kute na 5:23

saŋɛ na so, ekama beeŋ bunyaŋ ma, Ebinyɛn na fanɛ kananɛ baa bunyaŋ Etuto na. Ekama malɛ nɛ e maa bunyaŋ ma, Ebinyɛn na maa bunyaŋ Etuto nɛ e shuŋi ma na gba nna na.

Romebi 9:5

B shi benananyɛngboŋana na be kanaŋ to nna. Dimɛdi malɛ be kaplɛa so Kristo na shi bumo to nna. Epaŋ be kedi e baa la Ebɔrɛ nɛ e chɔ kusɔ kama kuwura na peya. Amɛn.

2 Kɔrintebi 4:4

Bumo alɛ maŋ yirda nna, ŋkpal manɛ so, durnya ere to be ebɔrɛ na e tan bumo be anishiana, saŋɛ na so b maaŋ baa wu Kristo nɛ e la Ebɔrɛ be kaduli gbagba na be kemaŋkura be baru lela na be kefulto na.

2 Kɔrintebi 8:9

Ŋkpal manɛ so, men nyi Kristo, Enyɛnpe Yesu be kuwɔr be kakɛ na be asheŋ, fanɛ e ka la damawura, ama menyi so nɛ e ki etirpo, saŋɛ na so menyeeŋ bɔla mbe ketir so ŋ ki damawuraana.

1 Timoti 1:17

Bunyaŋ nɛ epaŋ be kedi e baa wɔ Ewurgboŋ nɛ e wɔ ŋkpa to saŋkikɛ na nɛ mo koŋwule nɛ e la kashenteŋ be Ebɔrɛ nɛ esa kikɛ maaŋ tiŋ n ta kenishi fuful n wu mo kikɛ na so mbaanaayɔ. Amɛn.

1 Timoti 3:16

Kashenteŋto, esa kikɛ maaŋ tiŋ ŋ kaŋɛ anyi be keŋini ere nɛ Ebɔrɛ lara ŋ ŋini ere maŋ la keŋinigboŋ, ŋkpal manɛ so, k bee ŋini esa nɛ e ta nyiŋgbasa be eyur nna n shi ebɔrɛso m ba durnya to be asheŋ. Mo nɛ Kiyoyu Cheeŋ na daŋ kaŋɛ anyi fanɛ e maŋ kɔ kulubi na, emalaika daŋ wu mo nɛ basa bɔ mbe kubɔya nnyamase to nɛ durnya to be basa yirda mo. Mo koŋwule na nɛ Ebɔrɛ daŋ shin nɛ e luri to n yɔ kemaŋkura be ŋkpa na to.

Taites 2:13

An baa wɔ amo to nsaa jo kachɛ nɛ b nɛfa nɛ anyi be tama wɔ kumo so na. Kumo be kamɔnchɛ nɛ an be Ebɔrɛ Gboŋ, Emɔlgapo Yesu Kristo na be kemaŋkura beeŋ lar efuli.

Hibruwebi 1:3

Ebi na nɛ Ebɔrɛ be kemaŋkura bɔla mo so n nyaŋɛ n dii efuli fanɛ kefulto na. Mo e la Ebɔrɛ be da be kaduli gbagba chap nsaa ta mbe kamalga nɛ k kɔ eleŋ ga na a kɔ durnya ere to. Mo alɛ ka daŋ kpra basa be alubi ashi bumo to n loge na, e ya chena ebɔrɛso Enyɛnpetale be jisoso nna, ebunyampo be kakpa.

Hibruwebi 1:6

Ade be kaman, Ebɔrɛ ka daa sha kebar mo Pibinyɛn juŋkparso na durnya to na, le nɛ e daŋ kaŋɛ: “A daga fanɛ Ebɔrɛ be emalaika kikɛ ka bunyaŋ mo.”

Hibruwebi 1:8

Ama Ebinyɛn na bre be asheŋ, le nɛ Ebɔrɛ kaŋɛ: “O Ebɔrɛ, fo kuwura beeŋ baa wɔtɔ mbaanaayɔ. Kashenteŋ malɛ nɛ feeŋ baa kɔ a ji kuwura fo basa so ashi fo kuwura na to.

Hibruwebi 13:8

Ndere nɛ kabre nɛ saŋkikɛ, Yesu Kristo wɔ ŋkpa to nna mbaanaayɔ. E maa chɛrga kikɛ.

Kelaraŋŋini 21:6

Nɛ e naŋ kaŋɛ: “K teŋ wora. Ma e la Alfa nɛ Omega, Faraŋko nɛ Lalaloge. Ekama nɛ achukoŋ kɔ mo, meeŋ jɔ nchu ashi ŋkpa be kebuye to n sa mo nɛ e nuu ŋkaa maaŋ ka shɛŋ.