Filipaiebi 2:5 - EBƆRƐ BE KAWƆL

⁵ A daga fanɛ men be nfɛra e baa du fanɛ Kristo Yesu be nfɛra na.

Filipaiebi 2:5 ပူးပေါင်းရင်းမြစ်များ

Matiu 11:29

Men be ekama e ta ma kubɔ to be kebarga n dii nɛ ma nɛ mo e baa na, saŋɛ na so e beeŋ koya kebaawɔtɔ ashi ma kutɔ, ŋkpal manɛ so, n du boeŋ nna a bar ma kumu kaseto. Ekama nɛ e baŋ wora loŋ, e beeŋ nya ewushi.

Luuk 22:27

Ŋkpal manɛ so, esa nɛ e bee chena ejikpa a wushi nɛ emo nɛ e bee bar mo ajibi ndoŋ, emo e chɔ mo barkasa? Mannɛ emo nɛ e bee chena ejikpa a wushi na e chɔ emo nɛ e bee bar ajibi na a? Ama men keni, ma ere ka wɔ menyi to a shuŋ menyi.

Ashuŋ Shunso 10:38

Men nyi Nazarɛt be Yesu na be asheŋ nɛ kananɛ Ebɔrɛ lara mo nseŋ shin nɛ Kiyoyu Cheeŋ na nɛ eleŋ ba mo so. E daŋ yɔ kaplɛkama n ya wora kelela nseŋ chɛ basa damta nɛ b daa wɔ Setani be enɔ to na, ŋkpal manɛ so, Ebɔrɛ daa wɔ mo to.

Ashuŋ Shunso 20:35

M bɔla kusɔ kama to ŋ ŋini menyi fanɛ kebaashuŋ le ere nɛ anyee chɛ bepɔshipo to nsaa nyiŋi Enyɛnpe Yesu gbagba be mmalga nɛ e kaŋɛ na: ‘Kakɛ kɔ kagbenefuli a chɔ kesɔ.’ ”

Romebi 14:15

Nɛ kusɔ kama malɛ nɛ fee ji nɛ k bee tɔrɔ fo niopibi be nfɛra, kumo ere mannɛ kasha be kesheŋ nɛ fee wora na. Sa maŋ kaŋ shin nɛ fo niopibi nɛ Kristo wu n sa na e foe ekpa ŋkpal kusɔ nɛ fee ji so.

Romebi 15:3

Ŋkpal manɛ so, Kristo gba daa maŋ de mo gbagba be aparsheŋ so, ama loŋ nɛ abɔrɛsibɛ na bee kaŋɛ fanɛ e bee kaŋɛ le na: “Katege nɛ basa tege menyi na kikɛ laŋɛ ma kumu so.”

Romebi 15:5

Ebɔrɛ nɛ e bee sa anyi kanyiti nsaa leŋ anyi to na e shin nɛ men nya kagbene koŋwuleso be kebaawɔtɔ a wɔ abar so a bɛ Kristo Yesu so.

1 Kɔrintebi 10:33

Kusɔ nɛ ma ere bee wora nde: Kusɔ kama nɛ mee wora, mee wora ania nna nɛ k par ekama ŋkaa maa fɛ ŋ gbagba be kumu so so, ekama be kumu so nɛ mee wora loŋ, saŋɛ na so baaŋ nya kumɔlga.

Ɛfesesebi 5:2

A daga fanɛ kasha e baa juŋkpar menyi kebaawɔtɔ ere to fanɛ kananɛ Kristo sha anyi nseŋ ta mbe kumu n sa anyi nɛ loŋ be kakɛ na walɛ a la sarga nɛ kumo be efɛa bee dufɛ viim a par Ebɔrɛ na.

Filipaiebi 1:1

Kawɔl ere shi ma Pɔɔl nɛ Timoti nɛ an la Kristo Yesu be anya na kutɔ nna. K bee yɔ menyi kikɛ nɛ men la Ebɔrɛ be basa ashi Yesu Kristo to nɛ men be asɔriana to be bejuŋkparpoana nɛ bechɛtopoana nɛ men kikɛ wɔ Filipai be kade to na kutɔ nna.

1 Pita 2:21

Kashenteŋto malɛ, loŋ so nɛ Ebɔrɛ tre menyi, ŋkpal manɛ so, loŋ nɛ Kristo gba ji tɔrɔ m bugi loŋ be ekpa na n nase fanɛ men bɛ mbe aya so.

1 Pita 4:1

To, ŋkpal Kristo ka ji tɔrɔ mbe eyur to so, menyi alɛ gba e leŋ menyi be amu to a kɔ loŋ be kagbene, ŋkpal manɛ so, ekama nɛ e ji tɔrɔ mbe eyur to lar alubi to nna na.

1 Jɔn 2:6

Ekama malɛ nɛ e bee kaŋɛ fanɛ e wɔ Ebɔrɛ na to, a daga fanɛ amodoŋwura e baa wora asheŋ fanɛ kananɛ Yesu daa wora na.