Filipaiebi 2:30 - EBƆRƐ BE KAWƆL

³⁰ E daŋ ta mbe kumu nna a sha kesa ma kechɛto nɛ menyi ere gbagba daa maaŋ tiŋ n sa ma.

Filipaiebi 2:30 ပူးပေါင်းရင်းမြစ်များ

Ashuŋ Shunso 20:24

Kusɔ nɛ k tir ma e la kananɛ meeŋ tiŋ n loge Enyɛnpe Yesu be kushuŋ nɛ e sa ma na. Kumo alɛ e la kebɔ Ebɔrɛ be kuwɔr be kakɛ na be baru lela na.

Romebi 16:4

B daŋ kpal ma so nna n ta bumo be amu ŋ kpa kelara. Mee chɔrɔ bumo ga ŋkpal loŋ so, mannɛ n nawule gba malɛ e naa chɔrɔ bumo. Nnyamase be asɔriebiana na kikɛ gba bee chɔrɔ bumo ga.

1 Kɔrintebi 15:53

Ŋkpal manɛ so, a daga fanɛ eyur mo nɛ k bee mur ere ka ba ki eyur mo nɛ k maa mur. A daga fanɛ eyur mo nɛ k bee wu ere ka ba ki eyur nɛ k maa wu.

1 Kɔrintebi 16:10

Timoti kaŋ ba, men keta mo nɛnɛ nsaa maŋ shin nɛ kufu e pɛ mo fanɛ efɔ, ŋkpal manɛ so, mo alɛ gba bee shuŋ Enyɛnpe na be kushuŋ nna fanɛ ma.

1 Kɔrintebi 16:17

Stɛfanas nɛ Fɔɔchunates nɛ Akaikɔs ka ba, ma kagbene fuli ma ga, ŋkpal manɛ so, men ka maŋ wɔ nfe ere, bumo e ba tal to.

2 Kɔrintebi 12:15

Amoso, meeŋ baa sha kemɔ ma kumu n wora kusɔ kama n sa menyi nseŋ tiŋ n shin nɛ b mɔ ma n sa menyi. Nɛ kananɛ m baa sha menyi ga le ere, a daga fanɛ men be kasha nɛ men kɔ a sa ma e baa duga so a?

2 Kɔrintebi 4:12

Amoso, luwu wɔ anyi to nna a shuŋ nɛ ŋkpa malɛ gba wɔ menyi to a shuŋ.

Filipaiebi 2:17

Nɛ fanɛ b lara ma ŋklaŋ ere ma to n chulgi amo n wurge n ti men be yirda nɛ men kɔ a deŋi Ebɔrɛ so fanɛ sarga na so gba, k par ma. Ma alɛ beeŋ tu menyi a kɔ kagbenefuli.

Filipaiebi 2:27

Kashenteŋ malɛ nna fanɛ e ka daa lɔ, hale nɛ k daŋ ka gbrɛ nɛ e wu. Ama Ebɔrɛ wu mo kuwɔr nseŋ wu ma alɛ gba kuwɔr n ti so n shin nɛ e maŋ wu nɛ n sa maŋ nya ŋgbenejija n deŋi abar so.

Filipaiebi 4:10

Ma kagbene bee fuli ma ga ashi Enyɛnpe to fanɛ men ka naŋ lɔŋɛ n fara nɛ men chɛ ma to so. Kashenteŋto, ma asheŋ wɔ men be ŋgbene to, ama ekpa nɛ men maŋ nya nɛ men ŋini kumo be loŋ.

Filipaiebi 4:18

Men teŋ sa ma kusɔ kama nɛ k daga hale a chɔ kananɛ mee sha gba. Ŋ ka wu men be kakɛ nɛ Epafrodaites bar na, a bɔlɔ ma kenishi tain. K du fanɛ sarga lela nna, nɛ k bee par Ebɔrɛ nɛ kumo be efɛa wɔ ebel ga.

Failimɔn 1:13

N daa beeŋ baa sha fanɛ e yili fo katelamu to nfe a shuŋ ma kabuti nɛ n wɔ to ŋkpal baru lela na so ere.

Kelaraŋŋini 12:11

Kpakpafɔlbi na be ŋklaŋ na nɛ bumo be shɛda be kamalga na nɛ b ta m pɔɔ mo so, ŋkpal manɛ so, b daa maŋ sha bumo be amu ga hale saŋɛ nɛ b daa shin nɛ b luri luwu to gba na.